Yohani 7:35 - ULufingwi uLupwa

³⁵ Pe avhalongozi avha Vhayuuda vhahapanzanya vhahati, “Vhuli, umuntu uno akwanza kusogola kwoshi kwe akuti iswe tutangamwaga? Vhuli, akwanza kusogola ku Vhayuuda vhe vhasaasite mu nkaaya izya vhe te Vhayuuda kuvhasambiilizya?

Tesitamenti Umupwa 1965

³⁵ PʼavaYuda vahavuzilizanya vahati: Akuvala kwi wununo, shʼakuti mutalinaga? Ingavangʼakuti mbale kuvamwitu ve vasavaliye muva-Giliki nukuvasambilizyʼavaGiliki?

Yohani 7:35 ပူးပေါင်းရင်းမြစ်များ

Matayi 12:21

Havhili, vhe te Vhayuuda vhalilisuuvhila izina lyakwe.”

uLuuka 2:32

Uno kuuti avhe vhuzelu uvhwa kukulolesya iwe ku vhe te Vhaisilayeeli, havhili kuuti aleetaje uvhushindamu ku vhantu vhaaho aVhaisilayeeli.”

Yohani 12:20

Kwáli avhantu vhamo vhe te Vhayuuda vhe vhoope vhásogooye mu Yelusaleemu kumupuuta uMulungu ahavhaliilizyo aha shikulukuulu isha Pasaaka.

Yohani 7:1

Lwe izyo zyatuuha, uYeesu ahanda kuzyunguula mu shigavho isha nsi isha Galilaaya. Atahanzaga kuzyunguula mu shigavho isha nsi isha Yudeeya, mwe pe avhalongozi avha Vhayuuda vhahanzaga kumugoga.

Yohani 8:22

Pe avheene vhahanda kuvhuzilizanya kuuti, “Shooni she akuyanga akuti, tutangamulandata kwe akusogola? Vhuli, akusogola kuyigoga?”

iMbombo izya Vhatumwa 11:18

AVhayuuda vhe vhámwitisile uYeesu lwe vhiivwa izyo, vhahaleha kudalisya. Vhahamutiima uMulungu vhahati, “Fwandi uMulungu avhapiiye vhoope avhantu vhe te Vhayuuda idala lye vhangatonta imbiivhi zyavho, inga vhavhwaje uvhulanzi uvhwa shiima!”

iMbombo izya Vhatumwa 11:20

Ileelo mu Antiyookiya, mwáli avhalandati vhamo avha Yeesu vhe vháshimbiiye kufuma ku Yelusaleemu. Ivha vhínzile kufuma mu nsi iya Kiipulo na mu nkaaya iya Kileene. Avheene vhahanda kulumbiilila Izwi iLyinza ilya Mwene uYeesu na ku vhe te Vhayuuda.

iMbombo izya Vhatumwa 14:1

Lwe avha Paavhuli nu Balinaaba vhali mu Ikooniya, vhahinjila mwi isinagoogi inza vwe gáamile amaata gaavho. Vhahavhasambiilizya avhantu muumwo izya Yeesu ku vhudandamazu. AVhayuuda avhinji nkaani, pooka na vhantu avhinji vhe te Vhayuuda, vhahamwitiha uYeesu.

iMbombo izya Vhatumwa 17:4

AVhayuuda vhamo vhahagiitiha amazwi igo. Vhoope vhe te Vhayuuda avhinji vhe vhahamunyilaga uMulungu, pooka na vhantanda avhinji avhashindamu, vhahiitiha. Vhonti vhahavha pooka nu Paavhuli nu Siila.

iMbombo izya Vhatumwa 18:4

Insiku zyonti izya Sabaato, uPaavhuli ahinjilaga mwi isinagoogi, ahayangaga na Vhayuuda na vhe te Vhayuuda, kuuti pamo vhoope vhiitishe.

iMbombo izya Vhatumwa 21:21

Ishi vhivuuye kuuti, ukuvhasambiilizya aVhayuuda vhonti vhe vhakutendama mu nsi izinji izya vhe te Vhayuuda kuuti, vhatasajilaje indajizyo izya Moose. Vhivuuye kuuti, ukuvhavhuuzya kuuti vhatavhatahiilaje avhaana vhaavho, havhili vhatalandataje amaata aga Vhayuuda.

iMbombo izya Vhatumwa 22:21

UMwene ahanaamula ahati, ‘Sogoola! Kuuti nkusonteelezye ukutali, ku vhantu vhe te Vhayuuda.’”

VaLoma 1:16

Ntakulola insoni kulumbiilila Izwi iLyinza ilyo, mwe pe ilyenelyo maha ga Mulungu aga kuvhapoha avhantu vhonti vhe vhakumwitiha uYeesu, kwandila ku Vhayuuda kufishila ku vhantu vhe te Vhayuuda.

VaEfeso 3:8

poosye she ine ntáhondeeye kuluusya avhafinjile vhonti. Ahampa imbombo kuuti ndumbililaje ku vhe te Vhayuuda uvhudumbwe uvhwa kusukumizya havhili vhwe vhutali ni shipimilo uvhwa Chilisiti.

Kolosi 1:27

Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

1 Timoti 2:7

Ku vhwahoome uvhwo, mbisiilwe kuvha ne hakumusya havhili ne mutumwa, kuzya kusambiilizya avhantu vhe te Vhayuuda kuuti vhoope vhamwitishe mu vhwanalyoli. Izi zye nkuyanga zya nalyoli, te zya ilenga!

2 Timoti 1:11

Kuzya Izwi iLyinza ilyo uMulungu aniisite ine kuuti mbe ne hakumusya, havhili ne mutumwa nu kuvha ne musambiilizi.

Yakobu 1:1

Ukalaata uno nsimvile neene ne Yaakobu, ne muvhomvi uwa Mulungu nu wa Mwene uYeesu Chilisiti. Nkuvhalamuha imwe mwe Vhayuuda mwenti mwe vha nkolo 12, mwe musaasite mu nsi izya mavhiila mu mavhiila.

1 Peteli 1:1

Ukalaata uno nsimvile neene ne Peeteli, ne mutumwa uwa Yeesu Chilisiti. Nkuvhasimbila imwe mwe uMulungu avhasavhuuye, mwe musaasite, havhili mwe vhajeni mu shigavho isha nsi isha Ponto ni sha Galaatiya ni sha Kapadokiya ni sha Aasiya ni sha Bitiniya.