Yohani 7:29 - ULufingwi uLupwa

²⁹ Ileelo ine imumanyile, mwe pe mfumile ku kwakwe, havhili uweene we ansonteleziizye kuli imwe.”

Tesitamenti Umupwa 1965

²⁹ Nkandʼine imumanyile, she mfumile kukwakwe, nukuntuma antumile wuyo.

Yohani 7:29 ပူးပေါင်းရင်းမြစ်များ

Matayi 11:27

“UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.

Yohani 1:18

Ataliipo umuntu we amuvhwenyi uMulungu lumo, nkandi we Mwana imozi, we woope wu Mulungu, havhili ali nu vhuliilani uvhwa papiipi nkaani nu Taata uMulungu. Uyo we amulolesiizye uMulungu kuli iswe.

Yohani 10:15

Inza vwe uTaata amanyile ine, niine imumanyile uweene. Ine nkuyifumwa kufwa kuzipoha ingʼonzi zyane.

Yohani 13:3

UYeesu ámanyile kuuti uTaata ámupiiye amaha aga kuvikonzya ivintu vwonti, havhili ámanyile kuuti áfumile kwa Mulungu, nu kuuti aligaluha kwa Mulungu.

Yohani 17:18

Inza vwe wánsonteleziizye ine mu nsi, vhwevhulo, niine navhasonteelezya mu nsi.

Yohani 6:46

Ataliipo umuntu we amuvhwenyi uTaata uMulungu, nkandi ine neeka ne muvhwenyi, mwe pe mfumile ku kwakwe.”

Yohani 8:55

Niishi vhweleele, mushiili mutamumanyile uMulungu, ileelo ine imumanyile. Inga nkuti ntamumanyile uMulungu, pe nkuvha ni ilenga inza imwe. Ileelo ine imumanyile uMulungu havhili nkuzilandata zye akuyanga.

1 Yohani 1:2

Uwa vhulanzi uyo álolesile, niiswe tuhamulola. Ishi tukuvhahomeshezya nu kuvhakumusizya inongwa izya uyo we akuutupa uvhulanzi uvhwa shiima shiima, we áamile kwa Taata uMulungu, havhili ahaloleha kuli iswe.

1 Yohani 4:14

Iswe tuvhwenyi nu kuvhahomeshezya avhanji kuuti uTaata uMulungu ámusonteleziizye uMwana waakwe mu nsi, kuuti avhe Muposhi wa vhantu.

1 Yohani 4:9

UMulungu wuuyo átulolesiizye ishikunzi shaakwe kwi idala ilya kumusonteelezya uMwana waakwe imozi, mu nsi umu, inga tuvhwaje uvhulanzi kutuushila ku kwakwe.