Yohani 7:28 - ULufingwi uLupwa

²⁸ Lwe uYeesu akusambiilizya pa Nyumba iMfinjile, ahayanga kwi izwi ipiti ahati, “Nalyoli mumanyile ine, havhili mumanyile kwe mfumile. Ileelo ine ntinzile ku maha gaane, uMulungu we ansonteleziizye wa nalyoli, niimwe mutamumanyile.

Tesitamenti Umupwa 1965

²⁸ PʼuYesu ahavilishila mwa tempeli lwʼakuvasambilizya ahati: Mumanyile nkanʼine, mumanyile nakwe mfumile. Havili ntinzile nene neka ndali, alipo nyene wʼantumilʼine we wa nalyoli, wuyo imwe mutamumanyile.

Yohani 7:28 ပူးပေါင်းရင်းမြစ်များ

Matayi 11:27

“UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.

Matayi 2:23

Ahafiha nu kutendama mu nkaaya iya Naazaleeti, inga izwi lilunjishe lye avhakuvhwi vháyanzile kuuti, “Vhalimwita vhaliiti, Munaazaleeti.”

Matayi 26:55

Pe uYeesu ahavhavhuziilizya avhantu ivho ahati, “Shooni she mwaninzila na mapanga ni nduugu, ngati mwinzile kumulema umupumula vintu? Insiku zyonti navhanga niimwe nkusambiilizya pa Nyumba iMfinjile, ileelo mutandemaga!

uLuuka 10:22

Havhili ahati, “UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.”

uLuuka 2:11

Ileelo mu nkaaya iya Betelehemu mwe uDaavhudi ápafwilwe, apafwilwe uMuposhi ku zyinyu. Uyo we wu Chilisiti, uMwene.

uLuuka 2:39

Avha Yoosefu nu Maliiya vhahamala kuvhomba zyonti inza vwe zyámile mu ndajizyo izya MWENE uMulungu. Pe vhahagaluha mu nkaaya yaavho iya Naazaleeti mu shigavho isha nsi isha Galilaaya.

uLuuka 2:4

UYoosefu woope aheepa mu nkaaya iya Naazaleeti ye yáamile mu shigavho isha nsi isha Galilaaya. Ahasogola kusimbisya mu nkaaya iya Betelehemu ye yáamile mu shigavho isha nsi isha Yudeeya. Mu Betelehemu mwe umwene uDaavhudi ápafwilwe, uYoosefu ásogooye ukwo, mwe pe áamile wa mu luho ulwa Daavhudi.

uLuuka 2:51

Pe ahagaluha na vhapaafi vhaakwe ku Naazaleeti, ahavhashindihaga. Unyina ahavhanga akuzisivhiilila zyonti izyo nu kuzivhiiha mu mwoyo.

Yohani 1:46

Ileelo uNasaniyeeli ahamuvhuziilizya uFiilipo ahati, “Vhuli, shintu vhuli ishinza she shingaafuma mu nkaaya inyinsi iya Naazaleeti?” UFiilipo ahamwamula ahati, “Nzaaga uyilolele weneewe.”

Yohani 10:36

Vhuli, shooni she mukuti ine nkumusaamula uMulungu lwe nkuti, ‘Ine ne Mwana wa Mulungu’? UTaata we ansavhuuye nu kunsonteelezya mu nsi.

Yohani 12:49

Nkuyanga vhwevhulo, mwe pe ntayanzile ku maha gaane neene, uTaata we ansonteleziizye, we andajiziizye izya kuyanga na vwe yikwanzilwa kuyanga.

Yohani 14:10

Vhuli, utakwitiha kuuti ine indi muhati ya Taata, woope uTaata ali muhati yaane? Amazwi iga ge nkuvhavhuuzya ntakuyanga ku maha gaane neene, uTaata we ali mu mwane we akuvhomba imbombo zyonti izi.

Yohani 14:31

Zye nkuzivhomba zye uTaata ándajiziizye kuzivhomba, inga avhantu vhonti avha mu nsi umu vhamanye kuuti imukunzite. Ishi yimiliili, twepe ipa.”

Yohani 16:3

Vhalivhavhombelaga vhwevhulo, mwe pe vhatamumanyile uTaata, havhili niine vhweleele vhatamanyile.

Yohani 17:25

We Taata uMugolosu, avhantu avha mu nsi vhatakumanyile. Ileelo ine nkumanyile, havhili vhoope avhasundikwa vhaane vhamanyile kuuti iwe we unsonteleziizye.

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

Yohani 3:2

Isiku limo uvhusiku, uNikodeemo ahasogola kwa Yeesu, ahamuvhuuzya ahati, “We Musambiilizi, tumanyile kuuti iwe we Musambiilizi we uMulungu akusonteleziizye, mwe pe ataliipo umuntu we angavhomba ivilolesyo vwe ukuvhomba inga uMulungu atali pooka nawo.”

Yohani 3:33

Umuntu wonti we akumwitiha uweene, akuhomeshezya kuuti zye uMulungu akuyanga zya nalyoli,

Yohani 5:32

Ileelo uTaata waane woope akuhomeshezya inongwa zyane kuli imwe, niine imanyile kuuti zyonti zye akuhomeshezya zya nalyoli.

Yohani 5:43

Ine ninzile ku maha aga Taata waane, ileelo mukuhaana kumposheela. Ileelo umuntu uwunji inga ayinza ku maha gaakwe wuuyo, mulimuposheela.

Yohani 6:42

Vhahavhuzilizanya vhuuvho vheeka vhahati, “Vhuli, umuntu uno te wu Yeesu, umwana wa Yoosefu we tuvhamanyile na vhapaafi vhaakwe vhonti? Ishi angayanga inza vhuli kuuti, afumile ku mwanya?”

Yohani 7:14

Lwe insiku izya shikulukuulu zyafiha pahati, uYeesu ahasogola, ahinjila pa Nyumba iMfinjile nu kwanda kuvhasambiilizya avhantu.

Yohani 8:14

UYeesu ahavhaamula ahati, “Poosye inga nkuhomeshezya neene inongwa zyane, zye nkuhomeshezya zya nalyoli, mwe pe imanyile kwe mfumile, havhili imanyile kwe nkusogola. Ileelo imwe mutamanyile kwe mfumile, poosye kwe nkusogola.

Yohani 8:16

Ileelo poosye ine inga nkumulonga umuntu, nkumulonga ku vhwanalyoli, mwe pe ntakuvha neeka, nkuvha nu Taata we ansonteleziizye.

Yohani 8:19

Pe aVhafalisaayi vhahamuvhuziilizya uYeesu vhahati, “Vhuli, uTaata waaho ali kwoshi?” Uweene ahati, “Mutamanyile ine, poosye uTaata waane mutamumanyile. Inga mwaamanyile ine, nu Taata waane, nkandi mumumanyile.”

Yohani 8:26

Indi nazyo inyinji izya kuyanga ku zyinyu ni zya kuvhalonga imwe, ileelo ntakuvhomba vhwevhulo. Ine nkuvhavhuuzya avhantu vhonti zye nkwivwa kufuma kwa Taata waane. Uweene we ansonteleziizye, havhili akuyanga izya nalyoli.”

Yohani 8:42

UYeesu ahavhavhuuzya ahati, “Inga uMulungu wu Taata wiinyu, nkandi munkunzite. Ine ntinzile ku maha gaane, uMulungu we ansonteleziizye.

Yohani 9:29

Tumanyile kuuti uMulungu áyanzile nu Moose, ileelo umuntu uyo tutamanyile kwe afumile.”

iMbombo izya Vhatumwa 17:23

Lwe nkutuuha mu nkaaya ino, mvivhwenyi iviholanyo vwe mukuvipuuta. Havhili nshivhwenyi ishifinjilo isha kufumwizya impuutile she shisimviilwe amazwi ge gakuti: KWA MULUNGU WE ATAMANYISILE. Ishi, uMulungu uyo, we mukumupuuta ishisita kumumanya, we nkwanza kuvhalumbiilila.

VaLoma 1:28

Mwe pe avhantu ivho vháhaanile uvhumanyi uvhwa nalyoli uvhwa nongwa izya Mulungu, woope uMulungu ahavhaleha vhazilandataje insiivho zyavho imbiivhi. Pe vhahavha vhakuvhomba inongwa zye zitakwanzilwa kuvhombwa.

VaLoma 3:4

Ndaali, te muumwo inga hansi! UMulungu akuvhalolesya avhantu kuuti uweene akuyanga izya nalyoli nu kuzivhomba, poosye inga avhantu vhonti vhakuluma ilenga. Yeenya, uVhusimbe uVhufinjile vhukuti, “Inga wavhavhuuzya avhantu vhaaho uvhutalamalandu vhwavho, amazwi gaaho ga nalyoli. Inga wavhalonga, uvhulonzi vhwaho vhugolosu.”

2 VaKolinti 1:18

Ileelo ishi inza vwe uMulungu mutungamu, amazwi giitu kuli imwe gataamile ga kuuti, “Eena” havhili kuuti, “Ndaali.”

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

uTiiti 1:2

Kuli izyo, vhakuvha nu vhulanzi uvhwa shiima, mwe pe uMulungu áfinzile kuutupa uvhulanzi uvhwo kufuma lwe insi yishiili kupelwa, nu Mulungu atakuluma ilenga.

VaHebuli 6:18

Inga uMulungu afinga nu kulapa, atakwandula naalumo, mwe pe uweene atakuluma ilenga. Uweene ávhomvile ivintu ivi vivhili, kufinga nu kulapa, inga aatupe umwoyo iswe twe tushimbiliiye kuzilema nkaani ziila zye tukuzisuuvhila.

1 Yohani 5:10

Umuntu we akumwitiha uMwana wa Mulungu, ayitisile kuuti uvhwahoome uvhwo vhwa nalyoli. Ileelo we atakumwitiha uMulungu, akumuvhiiha uMulungu kuuti ali ni ilenga, mwe pe atavhwitisile uvhwahoome vhwe uMulungu avhufumwizye kuzya Mwana waakwe.