Yohani 7:19 - ULufingwi uLupwa

¹⁹ UYeesu ahajendeelela kuyanga kuuti, “Mumanyile kuuti uMoose ávhapiiye avhataata vhiinyu indajizyo zyakwe, inga muzilandate. Ileelo ataliipo umuntu pahati yiinyu we akulandata indajizyo izyo. Pe shooni she mukwanza kungoga?”

Tesitamenti Umupwa 1965

¹⁹ Amwʼatavapiyʼinkomelezyo uMose? Ilelo shinishi namwe numʼatakusajilʼinkomelezyo zinizi. Shonu mukwanzʼukungoga?

Yohani 7:19 ပူးပေါင်းရင်းမြစ်များ

Matayi 12:14

Ileelo aVhafalisaayi vhaala vhahafuma panzi nu kupanzanya vwe vhamugoje uYeesu.

Matayi 21:38

Ileelo avhalimi ivho lwe vhamulola umwana uyo, vhahapanzanya vhahati, ‘Uno we mupwana uwa mugunda uno. Ishi nzaaji, tumugoje inga umugunda uno wuvhe wiitu.’

Maliko 11:18

Avhapiti avha vhapuuti na vhasambiilizi avha ndajizyo izya Moose vhahazyivwa zye avhomba, vhahanda kulondola idala ilya kumugoga. Ileelo vhógofile kumulema, mwe pe ivhungaana ilya vhantu lihasukumilaga insambiilizyo zyakwe.

Maliko 3:4

Ahavhavhuziilizya aVhafalisaayi ahati, “Vhuli, kulandatana ni ndajizyo izya Moose lili kwoshi lye likwitishilwa kuvhomba pi isiku ilya Sabaato? Kuvhomba inyinza, pamo imbiivhi? Kupoha uvhupuuma, pamo kugoga?” Vhahapuuma, vhahapootwa kumwamula.

Maliko 3:6

AVhafalisaayi lwe vhaalola vwe uYeesu amuvhombela umuntu ula, vhahasogola kupanzanya na vhatuuli avha Heelodi vwe kwe vhamugoje uYeesu.

Yohani 1:17

Nkuyanga vhwevhulo, mwe pe uMulungu áfumwizye indajizyo zyakwe kwi idala ilya Moose, ileelo uvhwila nu vhwanalyoli atupiiye kwi idala ilya Yeesu Chilisiti.

Yohani 10:39

Lwe aVhayuuda vhamo vhiivwa izyo, vhahanzaga kumulema havhili, ileelo uYeesu ahapulumuha mu nyoovhe zyavho.

Yohani 11:53

Pe kufuma isiku ilyo, avhalongozi avha Vhayuuda vhahanda kulondola idala ilya kumugoga uYeesu.

Yohani 5:16

Pe avhalongozi avha Vhayuuda vhahanda kumuyimvwa uYeesu, mwe pe ahavhaponiaga avhantu isiku ilya Sabaato.

Yohani 5:18

Kufumiilana niizyo, avhalongozi avha Vhayuuda vhahanda kulondola idala ilya kumugoga uYeesu. Vhahanzaga kumugoga, te kuuti, mwe pe atahashindihaga isiku ilya Sabaato vhweleele, nkandi, mwe pe ahayangaga ahatinji, uMulungu wu Yise waakwe. Kwi idala ilyo, álolesile akuyivhiiha kuuti ali inza uMulungu.

Yohani 5:45

Mutasiivhaje kuuti ine kwe mbalonje kwa Taata waane, nkandi uMoose we kwe avhalonje, mwe pe we mukumusuuvhila.

Yohani 7:1

Lwe izyo zyatuuha, uYeesu ahanda kuzyunguula mu shigavho isha nsi isha Galilaaya. Atahanzaga kuzyunguula mu shigavho isha nsi isha Yudeeya, mwe pe avhalongozi avha Vhayuuda vhahanzaga kumugoga.

Yohani 7:25

Pe avhantu vhamo vhe vhahatendamaga mu nkaaya iya Yelusaleemu, vhahanda kuvhuzilizanya kuuti, “Vhuli, uno te wu Yeesu we avhalongozi vhakwanza kumugoga?

iMbombo izya Vhatumwa 7:38

Uweene we áamile mu mpuga iya vhataata vhiitu, lwe vhávhungiine mu luugwa muula. Ukwo uhavhizya ahayangaga nawo mwi igamba uSinaayi, woope ahaposheela amazwi aga vhulanzi, inga aatupe iswe.

VaGalati 3:19

Ishi indajizyo zili ni mbombo vhuli? Zyónjeziilwe mu lufingwi lwe ahavhaliilizyo ahatali hatuuha, kulolesya kuuti avhantu vhali nu vhutalamalandu, kufishila lwe ayinza umuntu ula uwa mu mpaapo izya Aabulahamu, we uMulungu áfinzile. UMulungu ámupiiye indajizyo uMoose kutuushila ku vhahavhizya, nu Moose ahavha pahati kuvhakundanya avhantu nu Mulungu.

VaGalati 6:13

Havhili vhe vhakwanza kuuti avhiitisi vhonti vhatahiililwe, avheene vhatakuzilandata indajizyo zyonti. Vhakwanza kuuti imwe mutahiililwe, inga vhayitumvwizye amavhili giinyu kuuti avheene vhe vhavhavhiisile kuuti mwandushe.