Yohani 6:57 - ULufingwi uLupwa

⁵⁷ “Inza vwe uTaata we ansonteleziizye ine mulanzi, niine nkuvhwaga uvhulanzi kufuma ku kwakwe. Vhwevhulo, umuntu wonti we akundya ine, akuvhwaga uvhulanzi kufuma ku kwane.

Tesitamenti Umupwa 1965

⁵⁷ Inza she mulanzʼuTata wʼantumilʼine, she nane nkulandila pe pazya Tata, shʼakuhonzya wope nawuyo wengʼakundyʼine, wʼakulandila pe pazyane.

Yohani 6:57 ပူးပေါင်းရင်းမြစ်များ

Matayi 16:16

USiimoni uPeeteli ahamwamula ahati, “Iwe we Chilisiti, uMwana wa Mulungu uMulanzi!”

Yohani 14:19

Hasyala ahavhaliilizyo hansi te nkaloleshe mu nsi umu. Ileelo imwe mulindola, mwe pe ine ndiivha ne mulanzi, niimwe muliivha mwe vhalanzi.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 17:21

Nkukulaavha kuuti vhonti ivho vhavhe ishintu shooka, inza vwe niiwe Taata uli muhati yaane, niine indi muhati yaaho. Nkuvhalaavhila vhavhe muhati yiitu, inga avhantu vhonti mu nsi vhiitishe kuuti iwe we unsonteleziizye.

Yohani 3:17

Yeenya, uMulungu atánsonteleziizye ne Mwana waakwe kuvhalonga avhantu avha mu nsi umu, nkandi kuvhapoha.

Yohani 5:26

Inza vwe uTaata waane ali na maha aga kuumupa umuntu uvhulanzi uvhwa shiima, niine ne Mwana waakwe ampiiye amaha aga kuuvhapa avhantu uvhulanzi uvhwa shiima.

Yohani 6:29

Woope uYeesu ahavhaamula ahati, “Imbombo ye uMulungu akwanza muvhombaje, ya kuniitiha ine, ne ansonteleziizye kuli imwe.”

Yohani 6:38

Nkuyanga isho, mwe pe ine ninzile kufuma ku mwanya, inga mbombaje ulukasamo ulwa Taata waane we ansonteleziizye. Ntinzile kuvhomba zye nkansiime neene.

1 VaKolinti 15:22

Nkuyanga vhwevhulo, mwe pe inza vwe avhantu vhonti vhakufwa kufumiilana nu Aadamu, vwe avhantu vhonti vhalizyuha kufumiilana nu Chilisiti.

1 VaKolinti 15:45

Mu Vhusimbe uVhufinjile yisimviilwe kuuti, “Umuntu uwa kwanda uAadamu, ápeziilwe, ahavha mulanzi.” Ileelo uAadamu uwa vhusililishilo uChilisiti, wu Mupepo we akuuvhapa avhantu uvhulanzi.

2 VaKolinti 13:4

Poosye she uChilisiti áali muyeyevhazu lwe akuhomeelwa pa shihovhenkanyo nu kufwa, ishi mulanzi ku maha aga Mulungu. Vhwevhulo, niiswe ishi twe vhayeyevhazu inza vwe uChilisiti áali, poosye vhwevhulo tuliivha twe vhalanzi ku maha aga Mulungu, inza vwe uChilisiti ali.

VaGalati 2:20

Ishi mfuuye pooka nu Chilisiti pa shihovhenkanyo, ileelo ne mulanzi ahavhaliilizyo iha, ileelo te ne mulanzi ine, nkandi uChilisiti we mulanzi muhati yaane. Uvhulanzi vhwe indi navhwo ahavhaliilizyo iha, indi navhwo kwi idala ilya lwitiho, ulwitiho ulwa kumwitiha uMwana wa Mulungu we ánkunzite, ahayifumwa kufwa, kumpoha.

1 VaTesaloniki 1:9

Kwonti kwe tukusogola, avhantu vhakuyanga vwe mwátuposheleeye lwe tukwinza kuli imwe. Vhakuhomeshezya vwe mwávilesile iviholanyo vwinyu, nu kumwitiha uMulungu. Havhili, vhakuhomeshezya vwe mukumuvhombela uweene we mulanzi, havhili wa nalyoli

VaHebuli 9:14

Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.

1 Yohani 4:9

UMulungu wuuyo átulolesiizye ishikunzi shaakwe kwi idala ilya kumusonteelezya uMwana waakwe imozi, mu nsi umu, inga tuvhwaje uvhulanzi kutuushila ku kwakwe.