Yohani 6:51 - ULufingwi uLupwa

⁵¹ Ine ne shaakulya she shifumile ku mwanya, she shikuuvhapa avhantu uvhulanzi. Umuntu wonti we akulya ishaakulya ishi akuvha nu vhulanzi uvhwa shiima. Ishaakulya ishi muvhili waane we kwe mbufumwe ku vhantu vhonti, inga vhavhe nu vhulanzi uvhwa shiima.”

Tesitamenti Umupwa 1965

⁵¹ Nene ne ṿwa kulya ṿwa vulanzi ṿwe ṿifumile kumwanya. Umuntʼuno wengʼaliye iṿwa kulya ṿiniṿi, wʼalilandila shima. Iṿwenʼiṿwa kulya ṿwe ndivapʼine we muvili wane, we ndivapa ukuti ayipelajʼukuvʼuvulanzi vwa nsi.

Yohani 6:51 ပူးပေါင်းရင်းမြစ်များ

Matayi 20:28

Vhwevhulo, niine ne Mwana wa Aadamu ntínzile kuvhombelwa, nkandi kuvhavhombela avhantu nu kufumwa uvhulanzi vhwane kuvhatavhula avhinji.”

uLuuka 22:19

Pe ahanyatula ikaati ahamusalifwa uMulungu, ahalimensula, ahayanga ahati, “Uno we muvhili waane we nkuwufumwa ku zyinyu. Muvhombaje vhwevhulo, kunkumbuha ine.”

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 1:29

Isiku lye likulandata, uYoohani ahamulola uYeesu akwinza ku kwakwe. Ahavhavhuuzya avhantu vhe vháliipo paala ahati, “Yeenya, uno wu Hagonzi aha Mulungu we akwefwa uvhutalamalandu uvhwa vhantu vhonti mu nsi!

Yohani 11:26

Woope we mulanzi, havhili akuniitiha ine, te ahaafwe naalumo. Vhuli, ukuzyitiha izyo?”

Yohani 3:13

Ataliipo umuntu wonti we ahasogola ku mwanya, ileelo ine ne Mwana wa Aadamu ne nkinza kufuma ku mwanya.

Yohani 3:14

“Yeenya, aVhaisilayeeli lwe vhali mu luugwa, uMoose ágomvile ishiholanyo isha njoha iya shaaba nu kushizuvwa mwi ikwi. Niine ne Mwana wa Aadamu nkwanzilwa vhanzuvwe pa shihovhenkanyo,

Yohani 3:16

UMulungu ávhakunzite nkaani avhantu avha mu nsi umu, ye nongwa ánsonteleziizye ne Mwana waakwe imozi, kwinza mu nsi umu inga umuntu wonti we akuniitiha atahateeje, nkandi avhwaje uvhulanzi uvhwa shiima.

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

Yohani 5:24

“Nalyoli nkuvhavhuuzya kuuti, avhantu vhonti vhe vhakwivwa amazwi gaane nu kumwitiha uMulungu we ansonteleziizye ine, vhali nu vhulanzi uvhwa shiima. Te vhahalongwe ku vhutalamalandu vhwavho. Avheene vhatuusile kufuma mu vhufwe nu kwinjila mu vhulanzi uvhwa shiima.

Yohani 6:33

Nkuyanga vhwevhulo, mwe pe ishaakulya isha Mulungu, neene ne uMulungu ansonteleziizye kufuma ku mwanya, inga mbape uvhulanzi uvhwa shiima avhantu vhonti vhe vhali mu nsi umu.”

Yohani 6:35

UYeesu ahavhaamula ahati, “Ine ne ne shaakulya she shikuuvhapa avhantu uvhulanzi. Umuntu wonti we akwinza ku kwane nu kuniitiha, inzala ni shinyooto te vihamulume naalumo.

Yohani 6:41

Pe aVhayuuda vhahanda kukwinkwina, mwe pe uYeesu átili, “Ine ne shaakulya she uMulungu ashileesite kufuma ku mwanya.”

Yohani 6:47

“Nalyoli nkuvhavhuuzya kuuti, umuntu we akuniitiha ine, ali nu vhulanzi uvhwa shiima.

Yohani 6:48

Ine ne shaakulya she shikuuvhapa avhantu uvhulanzi.

Yohani 6:50

Ileelo ipa shiliipo ishaakulya she shikufuma kwa Mulungu. Inga umuntu aalya ishaakulya isho, te ahaafwe naalumo.

Yohani 7:38

Umuntu we akuniitiha ine, aliivha inza vwe vhukuyanga uVhusimbe uVhufinjile kuuti, ‘Aliivha ni shiduda isha minzi aminji muhati yaakwe.’”

2 VaKolinti 5:19

Kwe kuuti kutuushila kwa Chilisiti, uMulungu ahavhakundanyaaga avhantu nu weene, ishisita kuvhaazya uvhutalamalandu vhwaho. Havhili uMulungu atupiiye imbombo iya kuvhavhuuzya avhantu inongwa izya lukundanyo ulwo.

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaEfeso 5:2

Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.

VaEfeso 5:25

Niimwe mwe vhanaavuli, muvhakundaje avhashi vhiinyu inza vwe uChilisiti áshikunzite ishivhanza shaakwe, ahayifumwa nu kufwa kuzya shenesho.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

VaHebuli 10:20

Kwi idala ilya vhufwe vhwakwe, uweene átwiguliiye idala ipwa ilya vhulanzi, inga twinjilaje pilongolela ilya Mulungu kutuushila pa mwenda we wukudinda aPafinjile pa Pafinjile, kwe kuuti kutuushila umuvhili waakwe.

1 Peteli 2:4

UYeesu we livhwe ilanzi ilya kuzenjela. Ivhwe ilyo avhantu vhálihaanile, ileelo uMulungu álisavhuuye, havhili lya nsavho pilongolela lyakwe. Ishi mupalamilaje kwa Yeesu.

1 Yohani 2:2

UYeesu we mpuutile iya kuvhoolwa, kwi idala ilyo, áyefwizye uvhutalamalandu vhwitu nu kutukundanya nu Mulungu. Havhili te kuuti áyefwizye vhwe vhutalamalandu vhwitu vhweka vhweleele, nkandi nu vhwa vhantu vhonti.

1 Yohani 4:10

Ishi she shikunzi, kuuti te sweswe twámukunzite uMulungu, nkandi uweene we átukunzite iswe. Ahamusonteelezya uMwana waakwe, avhe mpuutile iya kuvhoolwa, inga ayeefwe uvhutalamalandu vhwitu, nu kutukundanya nu Mulungu.

1 Yohani 4:14

Iswe tuvhwenyi nu kuvhahomeshezya avhanji kuuti uTaata uMulungu ámusonteleziizye uMwana waakwe mu nsi, kuuti avhe Muposhi wa vhantu.