Yohani 6:5 - ULufingwi uLupwa

⁵ Lwe uYeesu ali pi igamba, aheenya, ahalola ivhungaana ilya vhantu likwinza ku kwakwe. Pe ahamuvhuziilizya uFiilipo ahati, “Vhuli, tungaakala kwoshi ishaakulya isha kuvhaliisya avhantu vhonti ivha?”

Tesitamenti Umupwa 1965

⁵ UYesu lwʼatinzite nenye kukwʼaminso, pʼahaga avantʼavinjʼimpugʼimpiti vakwinza pʼali. PʼahamuvuzyʼuFilipu ahati: Amakati ga kulya vontʼavantu vanava amwe tukale kwi?

Yohani 6:5 ပူးပေါင်းရင်းမြစ်များ

Matayi 15:33

Avhasundikwa vhaakwe vhahamuvhuziilizya vhahati, “Ivhungaana ili lipiti nkaani, kwe tushaaje kwoshi pi ilaala ipa ishaakulya isha kuvhakwila vhonti ivha?”

Maliko 6:32

Vhahalimbila ivhooti kusogola kukwilu kwe kutáamile avhantu.

uLuuka 9:10

Avhatumwa vhaala vhahagaluha kwa Yeesu, vhahamuvhuuzya zyonti zye vhávhomvile. Pe ahavhanyatula vhahasogola mu nkaaya ye vhahatinji iBetisaayida, inga vhavhe vheeka kukwilu.

Yohani 1:43

Indaavhi yaakwe, uYeesu ahaamula kusogola mu shigavho isha nsi isha Galilaaya. Lwe aafiha, ahamwaga uFiilipo, ahamuvhuuzya ahati, “We Fiilipo, undandate, uvhe we musundikwa.”

Yohani 1:44

UFiilipo ahatendamaga mu nkaaya iya Betisaayida, inkaaya ye vhoope avha Andeleeya nu Peeteli vhahatendamaga.

Yohani 1:45

UFiilipo ahamulola uNasaniyeeli, ahamuvhuuzya ahati, “Twamulola umuntu ula we uMoose ásimvile inongwa zyakwe mwi ikalaata ilya ndajizyo na we avhakuvhwi vhásimvile inongwa zyakwe. Umuntu uyo izina lyakwe wu Yeesu umwana wa Yoosefu we akufuma mu nkaaya iya Naazaleeti.”

Yohani 1:46

Ileelo uNasaniyeeli ahamuvhuziilizya uFiilipo ahati, “Vhuli, shintu vhuli ishinza she shingaafuma mu nkaaya inyinsi iya Naazaleeti?” UFiilipo ahamwamula ahati, “Nzaaga uyilolele weneewe.”

Yohani 1:48

UNasaniyeeli ahamuvhuziilizya uYeesu ahati, “Waamanya vhuli ine?” UYeesu ahamwamula ahati, “Poosye lwe uFiilipo ashiili kwinza kukwita, ine mpezile nkuvhwenyi lwe utendiime pansi pi ituvhu.”

Yohani 4:35

Imwe mukuyanga mukuti, ‘Gasyala ameezi gane vhweleele kufishila ahavhaliilizyo aha mvuno.’ Ileelo ine nkuvhavhuuzya kuuti, te vwe zili. Yeenyi amagunda vwe gali, iviyavho vweleeye, yikwanzilwa vivunwe.