Yohani 6:40 - ULufingwi uLupwa

⁴⁰ Kwe kuuti ulukasamo ulwa Taata waane lwa kuuti umuntu wonti we amanyile kuuti ine ne Mwana wa Mulungu nu kuniitiha, avhe nu vhulanzi uvhwa shiima. Niine ndimuzyusya isiku ilya vhusililishilo.”

Tesitamenti Umupwa 1965

⁴⁰ ShʼuwenʼuTata zyʼakasimʼukuti vonti ve vakumwenyʼuMwana, ve vakumwitiha wuyo, ukuti vavwajʼuvulanzi vwa shimashima. Ilelo pe nane ndivazyusya pisiku lya pampelela.

Yohani 6:40 ပူးပေါင်းရင်းမြစ်များ

Matayi 10:15

Nalyoli nkuvhavhuuzya kuuti, isiku ilya vhulonzi, avhantu avha mu nkaaya iyo vhaliposheela isunde ipiti kuluusya avhantu avha mu nkaaya iya Sodooma ni ya Gomoola!”

Matayi 25:46

“Pe avhatalamalandu vhaliyeepa nu kusogola kwi isunde ilya shiima. Ileelo avhagolosu, vhaliyinjila mu vhulanzi uvhwa shiima.”

Maliko 16:16

Umuntu wonti we ayiitiha nu kwozelwa we aliipokwa, ileelo we atakwitiha alilongwa.

uLuuka 2:30

Aminso gaane gamulola uMuposhi,

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 10:28

Ine nkuuzipa uvhulanzi uvhwa shiima, te zihateeje naalumo. Havhili ataliipo umuntu we angazifwula ku maha kufuma mu nyoovhe zyane.

Yohani 11:24

UMaalita ahamwamula uYeesu ahati, “We Mwene, imanyile kuuti, uMulungu lwe akuvhazyusya avhantu vhonti isiku ilya kumpeleela, woope alizyuha.”

Yohani 11:25

UYeesu ahamwamula uMaalita ahati, “Ine ne nkuzyusya, havhili ne nkupa uvhulanzi. Umuntu wonti we akuniitiha ine, poosye inga aafwa, aliivha mulanzi.

Yohani 12:45

Umuntu wonti we akundola ine, akumulola na we ansonteleziizye.

Yohani 12:50

Havhili, imanyile kuuti indajizyo zyakwe zikuuvhapa avhantu uvhulanzi uvhwa shiima. Pe niine nkuyanga zyeziila zye uTaata waane andajiziizye kuyanga.”

Yohani 14:17

UMutuuli uyo we Mupepo we alivhalolesya avhantu uvhwanalyoli. Avhantu vhe vhakumuhaana uMulungu vhatangamuposheela uMupepo uyo, mwe pe vhatakumulola, havhili vhatamumanyile. Ileelo imwe mumumanyile, mwe pe akuvha pooka niimwe, woope alitendama muhati zyinyu.

Yohani 14:19

Hasyala ahavhaliilizyo hansi te nkaloleshe mu nsi umu. Ileelo imwe mulindola, mwe pe ine ndiivha ne mulanzi, niimwe muliivha mwe vhalanzi.

Yohani 17:2

Izyo zikuvhombeha, mwe pe umpiiye amaha aga kuvhakonzya avhantu vhonti, inga mbape vhe vhakuniitiha uvhulanzi uvhwa shiima.

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

Yohani 4:14

Ileelo umuntu we akumwela aminzi ge ine nkuumupa, te ahuumilwe ishinyooto havhili. Aminzi ge ine nkuumupa, galiivha inza ishiduda isha minzi muhati yaakwe she shitakwuma naalumo nu kuumupa uvhulanzi uvhwa shiima.”

Yohani 5:24

“Nalyoli nkuvhavhuuzya kuuti, avhantu vhonti vhe vhakwivwa amazwi gaane nu kumwitiha uMulungu we ansonteleziizye ine, vhali nu vhulanzi uvhwa shiima. Te vhahalongwe ku vhutalamalandu vhwavho. Avheene vhatuusile kufuma mu vhufwe nu kwinjila mu vhulanzi uvhwa shiima.

Yohani 6:27

Mutavhombaje imbombo ku nsiivho izya kushaaga ishaakulya she shikunanjiha, nkandi muvhombaje ku nsiivho izya shaakulya she shitakunanjiha, she shikuvhavhiiha kuvha nu vhulanzi uvhwa shiima. Ine ne Mwana wa Aadamu nkuuvhapa avhantu ishaakulya isho, mwe pe uTaata uMulungu ampiiye amaha aga kuvhomba izyo.”

Yohani 6:39

Ulukasamo ulwa Taata waane we ansonteleziizye, lwa kuuti ntahamuteezye inga wooka mu vhaala vhe ampiiye, havhili lwa kuuti nkinze imbazyusye vhonti vhavhe vhapuuma isiku ilya vhusililishilo.

Yohani 6:44

Ataliipo umuntu we anginza ku kwane, inga uTaata waane we ansonteleziizye atamulongooye. Niine ndimuzyusya isiku ilya vhusililishilo.

Yohani 6:54

Umuntu wonti we akulya umuvhili waane nu kumwela amavhanda gaane ali nu vhulanzi uvhwa shiima, niine ndimuzyusya isiku ilya vhusililishilo.

Yohani 8:56

Utaata wiitu uAabulahamu ásesheeye nkaani, lwe aamanya kuuti kwe ninze. Áamile fwe andola, ahaseshela nkaani.”

VaLoma 5:21

Pe ishi, inza vwe uvhutalamalandu vhwámile na maha aga kuvhakonzya avhantu nu kuvhapelela uvhufwe, vhwevhulo kwi idala ilya kuvhavhaazya kuuti vhagolosu, uvhwila uvhwa Mulungu vhukuvhakonzya avhantu nu kuvhapelela uvhulanzi uvhwa shiima kwi idala ilya Yeesu Chilisiti uMwene wiitu.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

VaHebuli 11:1

Kumwitiha uMulungu kwe kuvha nu vhwanalyoli kuuti ziila zye tukuzisuuvhila zilivhombeha. Havhili kwe kwitiha kuuti ziila zye tutakuzilola ishi zya nalyoli.

VaHebuli 11:27

Mwe pe uMoose ámwitisile uMulungu, áyeefile mu nsi iya Miisili ishisita kwogopa uvhuhalazu uvhwa mwene uwa mu nsi iyo. Uweene ájimbiliiye, mwe pe áamile ngati amuvhwenyi uMulungu we atakuloleha na minso.

1 Peteli 1:8

Imwe mumukunzite uYeesu, poosye she mutamuvhwenyi, havhili mukumwitiha, poosye she mutamuvhwenyi. Kuli izyo, muli nu luseshelo ulupiti havhili ulwa kusukumizya lwe lutangalondovholwa,

1 Yohani 2:25

Mwe pe tuli nu vhuliilani uvhwo, tuli nu lufingwi ulwa vhulanzi uvhwa shiima shiima, vhwe uChilisiti áfinzile kuuti, aliitupa.

uYuuda 1:21

Mujendeelele kuvha mu shikunzi isha Mulungu, nu kumusuuvhila uMwene wiitu uYeesu Chilisiti, kuuti avhafwile uvhwila inga avhinjizye mu vhulanzi uvhwa shiima.