Yohani 6:27 - ULufingwi uLupwa

²⁷ Mutavhombaje imbombo ku nsiivho izya kushaaga ishaakulya she shikunanjiha, nkandi muvhombaje ku nsiivho izya shaakulya she shitakunanjiha, she shikuvhavhiiha kuvha nu vhulanzi uvhwa shiima. Ine ne Mwana wa Aadamu nkuuvhapa avhantu ishaakulya isho, mwe pe uTaata uMulungu ampiiye amaha aga kuvhomba izyo.”

Tesitamenti Umupwa 1965

²⁷ Mwe, zye ndali ukuyikungula kuṿintu ṿwe ṿikutega, nkandi kuṿintu ṿwe ṿikusyala nakuvulanzi vwa shimashima, vwʼuMwanamuntu akuti mbapanje. Uwene we wuyo wʼuYise, uMulungu, amuvisile ukuva shimanyilo sha kumwitishila.

Yohani 6:27 ပူးပေါင်းရင်းမြစ်များ

Matayi 17:5

Lwe uPeeteli akuyanga izyo, yeenya ivhingo lye likulama lihavhagwinshila. Izwi lihivwiha kufuma mwi ivhingo ilyo lihati, “Uno Mwana waane unkundwa we nkuhondezelwa nawo. Mumutejelezyaje uweene!”

Matayi 25:46

“Pe avhatalamalandu vhaliyeepa nu kusogola kwi isunde ilya shiima. Ileelo avhagolosu, vhaliyinjila mu vhulanzi uvhwa shiima.”

Matayi 3:17

Izwi ilya Mulungu lihivwiha kufuma ku mwanya lihati, “Uno we Mwana waane unkundwa we nkuhondezelwa nawo.”

Matayi 6:19

“Mutasengulaje inkoma mu nsi umu, mwe uluswa nu vhusimu vikunanganya, havhili avhiivha vhakupankula nu kwivha.

Matayi 8:20

Ileelo uYeesu ahamwamula ahati, “Avhahavhila vhali na mashembo, zyope inyunyi zili ni visanza, ileelo ne Mwana wa Aadamu ntali na pa kukaasya uluvhazu lwane!”

Maliko 1:11

Izwi ilya Mulungu lihivwiha kufuma ku mwanya, lihati, “Iwe we Mwana waane unkundwa, nahondezelwa niiwe.”

Maliko 9:7

Pe lihaloleha ivhingo, lihavhagubishila, izwi lihivwiha kufuma mwi ivhingo ilyo kuuti, “Uno Mwana waane unkundwa. Mumutejelezyaje uweene!”

uLuuka 3:22

UMupepo uMufinjile ahamwishila ku shiholanyo isha nkunda pamwanya yaakwe. Izwi ilya Mulungu lihivwiha kufuma ku mwanya, lihati, “Iwe we Mwana waane unkundwa, nahondezelwa niiwe.”

uLuuka 9:35

Izwi lihivwiha kufuma mwi ivhingo ilyo, lihati, “Uno Mwana waane we imusavhuuye, mumutejelezyaje uweene!”

Yohani 10:28

Ine nkuuzipa uvhulanzi uvhwa shiima, te zihateeje naalumo. Havhili ataliipo umuntu we angazifwula ku maha kufuma mu nyoovhe zyane.

Yohani 11:42

Imanyile kuuti, ukuntejelezyaga ahavhaliilizyo honti, ileelo nkuyanga izi kuzya ivhungaana ilya vhantu ivha, inga vhiitishe kuuti iwe we unsonteleziizye.”

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 15:24

Mbomvile imbombo impiti zye umuntu inga wooka atahavhomba. Inga apele vhatazilolaje, nkandi vhatali nu vhutalamalandu. Ileelo ishi vhazivhwenyi zyonti zye mbomvile, ileelo poosye vhwevhulo vhali she vhakumviitilwa ine nu Taata waane.

Yohani 17:2

Izyo zikuvhombeha, mwe pe umpiiye amaha aga kuvhakonzya avhantu vhonti, inga mbape vhe vhakuniitiha uvhulanzi uvhwa shiima.

Yohani 3:15

inga mbape uvhulanzi uvhwa shiima avhantu vhe vhakuniitiha.

Yohani 3:33

Umuntu wonti we akumwitiha uweene, akuhomeshezya kuuti zye uMulungu akuyanga zya nalyoli,

Yohani 6:40

Kwe kuuti ulukasamo ulwa Taata waane lwa kuuti umuntu wonti we amanyile kuuti ine ne Mwana wa Mulungu nu kuniitiha, avhe nu vhulanzi uvhwa shiima. Niine ndimuzyusya isiku ilya vhusililishilo.”

Yohani 6:47

“Nalyoli nkuvhavhuuzya kuuti, umuntu we akuniitiha ine, ali nu vhulanzi uvhwa shiima.

Yohani 6:51

Ine ne shaakulya she shifumile ku mwanya, she shikuuvhapa avhantu uvhulanzi. Umuntu wonti we akulya ishaakulya ishi akuvha nu vhulanzi uvhwa shiima. Ishaakulya ishi muvhili waane we kwe mbufumwe ku vhantu vhonti, inga vhavhe nu vhulanzi uvhwa shiima.”

Yohani 6:53

Ileelo uYeesu ahavhavhuuzya ahati, “Nalyoli nkuvhavhuuzya kuuti, inga mutaalya umuvhili waane, nu kumwela amavhanda gaane ine ne Mwana wa Aadamu, te muvhe nu vhulanzi.

Yohani 6:54

Umuntu wonti we akulya umuvhili waane nu kumwela amavhanda gaane ali nu vhulanzi uvhwa shiima, niine ndimuzyusya isiku ilya vhusililishilo.

Yohani 6:58

Ine ne shaakulya she shifumile kwa Mulungu. Ishaakulya she shitaholiine na shiila she vhahalyanga avhataata vhiitu. Avheene vháliiye nu kufwa. Ileelo umuntu wonti we akulya ishaakulya ishi, kwe avhe nu vhulanzi uvhwa shiima.”

Yohani 6:62

Ishi yiliivha vhuli, inga mukundola ine ne Mwana wa Aadamu, nkuzuvha kusogola ku mwanya kwe náamile ku vhwandilo?

Yohani 6:68

USiimoni uPeeteli ahamwamula ahati, “We Mwene, vhuli, wu naanu uwamwavho we tungasogola ku kwakwe? Iwe uli na mazwi ge gakuutupa uvhulanzi uvhwa shiima.

Yohani 8:18

Kwi idala ili ine nkuyihomeshezya neene nu Taata we ansonteleziizye wu hoome waane.”

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 2:22

UPeeteli ahajendeelela kuyanga kuuti, “Mwe vhanaavuli vha mu Isilayeeli, tejeelezyi amazwi iga! UMulungu avhalolesiizye imwe kuuti akuvhomba imbombo kutuushila kwa Yeesu uwa ku Naazaleeti. Mweneemwe mumanyile ahinza kuuti kwa Yeesu wunuuyo kwe avhomvile amafindango ni zya kusukumizya ni vilolesyo kuli imwe.

VaLoma 4:11

Kutahiililwa kwakwe sháali shilolesyo ku kwakwe isha kumulolesya kuuti uMulungu ámuvhaziizye kuuti mugolosu kufumiilana nu lwitiho, lwe áamile nalwo lwe ashiili kutahiililwa. Kwi idala ilyo, uAabulahamu wu taata waavho vhonti vhe vhakwitiha, poosye she vhatatahiliilwe, inga vhoope vhavhaazilwe kuuti vhagolosu.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

1 VaKolinti 6:13

Havhili vhamo muli imwe vhakuti, “Lwe tuli ni nzala tukwanzilwa kulya, mwe pe amavhili gakwanza ishaakulya.” Vwe zili, ileelo hakwinza ahavhaliilizyo he uMulungu aligagalulanya amavhili giitu, te gahanze ishaakulya. Ileelo ishi muleshe kuuti tuhondeeye kuvhomba uvhulugusu, inza vwe yikwanzilwa kulya lwe tuli ni nzala. UMulungu atágapezile amavhili giitu kuzya vhulugusu, nkandi kuzya kumuvhombela uMwene uYeesu, woope uMwene akugakonzya amavhili.

1 VaKolinti 9:2

Poosye inga avhantu avhanji vhatakwitiha kuuti ne mutumwa, ileelo kuli imwe ne mutumwa, mwe pe ulwitiho lwinyu kwa Chilisiti, she shilolesyo isha kuhomeshezya kuuti, ntumiilwe nu Mwene.

2 VaKolinti 4:18

Yeenya, ivintu vwe vikuloleha, vwa havhaliilizyo hansi vhweleele. Ileelo ivintu vwe vitakuloleha, vwa shiima, ye nongwa tukuvisaajila ivintu vwe vitakuloleha.

VaGalati 5:6

Ishi inga tusopenkiine nu Chilisiti uYeesu, kutahiililwa, poosye kuvha ishisita kutahiililwa, kutali ni ilonka naalimo, she shikwanzilwa, lwitiho ulwa kumwitiha uChilisiti. Ulwitiho ulwo lukuloleha kwi idala ilya kumukunda uMulungu na vhantu vhonti.

Filipi 2:13

Muvhombaje isho, mwe pe uMulungu wuuyo we akuvhomba imbombo muhati zyinyu, kuuti inyinza zye akwanza, zye niimwe mwanzaje nu kuzivhomba.

Kolosi 1:29

Pe ishi, nkuvhomba ku mute nu kuyikungula ku maha gonti ge uChilisiti akumpa lwe akuvhomba imbombo muhati yaane.

Kolosi 2:22

Amiiho igo, ndajizyo, havhili nsambiilizyo zya vhantu vhweleele. Gakuhomeelezya kulema indajizyo ku vintu vwe vikunanjiha, lwe vwavhombelwa imbombo.

Kolosi 3:2

Muzisivhililaje izya ku mwanya, mutazisivhililaje izya pa nsi ipa,

1 VaTesaloniki 1:3

Lwe tukuvhalaavhila kwa Taata wiitu uMulungu, tukukumbuha pilongolela lyakwe imbombo ye mukuvhomba ku lwitiho. Tukukumbuha umute wiinyu we wukufumiilana ni shikunzi shiinyu, havhili vwe mwimiliiye kufumiilana nu lusuuvhilo lwinyu kwa Mwene wiitu uYeesu Chilisiti.

2 Timoti 2:19

Ileelo ulwalo ulwa Mulungu ulwa lwitiho lwe lugomu lwimiliiye, havhili lusimviilwe uvhwanalyoli vhwe vhukuti, “UMWENE uMulungu avhamanyile avhantu vhaakwe.” “Umuntu wonti we akuyanga kuuti muntu wa MWENE, akwanzilwa azileshe imbiivhi.”

VaHebuli 12:16

Muvhanje minso, inga atahaavhe umuntu we mulugusu, poosye we atakumushindiha uMulungu inza uEesavhu. Uweene ákaziizye uvhupwano vhwakwe uvhwa kuvha wu hatoote ku shaakulya isha kulya lwoka vhweleele.

VaHebuli 4:11

Pe ishi, tuvhe nu mute kwinjila pa lutuuzyo ulwo, inga atahaavhe umuntu wonti uwa kupootwa kwinjila, mwe pe atakumushindiha uMulungu inza avhataata vhiitu vwe vhávhomvile.

Yakobu 1:11

Lwe izuvha lyatukula, ahasanya haalama nkaani nu kufwosya amatundu, uvhwezya vhukulagala, uvhwinza vhwakwe vhukunanjiha. Vhwevhulo nu dumbwe woope, lwe akujendeelela mu mbombo zyakwe, munuumwo mwe alifwila.

1 Peteli 1:24

Yisimviilwe mu Vhusimbe uVhufinjile kuuti, “Avhantu vhonti vhali inza amatundu, uvhwinza vhwavho vhwa havhaliilizyo hansi inza uvhwezya. Amatundu gakwuma nu vhwezya vhukugwa.

2 Peteli 1:17

Nkuyanga vhwevhulo, mwe pe iswe twáli pooka nu Chilisiti pi igamba ilya Mulungu lwe uMulungu uTaata wiitu akuumupa umushinzi nu vhushindamu. Pe tuhiivwa izwi likuti, “Uno Mwana waane unkundwa, we nkuhondezelwa nawo.”