Yohani 6:2 - ULufingwi uLupwa

² Ivhungaana ipiti ilya vhantu lihamulandataga uYeesu, mwe pe vhahalolaga ivilolesyo vwe ahavhombaga ku vhavhinu.

Tesitamenti Umupwa 1965

² Pe vahamulandatʼavantʼimpugʼimpiti, she vawenyi iṿimanyilo ṿwʼahapelaga pavavinu.

Yohani 6:2 ပူးပေါင်းရင်းမြစ်များ

Matayi 12:15

Lwe uYeesu aamanya kuuti aVhafalisaayi vhakupanzanya izya kumugoga, aheepa paala. Pe avhantu ivhungaana ipiti vhahamulandata, woope ahavhaponia vhonti vhe vháamile na mavhinu.

Matayi 13:2

Ivhungaana ipiti ilya vhantu lihinza pe uYeesu áamile, pe uweene ahalimbila mwi ivhooti nu kutendama muumwo. Avhantu ivho vhahasyala vhimiliiye pa luvhazu pa sumbi.

Matayi 14:14

Lwe uYeesu ayiiha mwi ivhooti, ahavhalola avhantu ivhungaana ipiti nkaani, ahavhafwila uvhwila nu kuvhaponia avhavhinu vhaavho.

Matayi 8:1

Lwe uYeesu aamala kusambiilizya, ahiiha mwi igamba liila. Lwe ayiiha, ivhungaana ipiti ilya vhantu lihamulandata.

Maliko 1:45

Ileelo umuntu ula atahapuuma, ahajendeelela kukumusya zye uYeesu amuvhombela zyonti. Pe mu nkaaya yonti yihavha shigomu kwa Yeesu, poosye kwinjila apazelu, mwe pe avhantu vhahamuvhunganilaga, ahiima kukwilu kwe kutáali avhantu. Ileelo avhantu kufuma intala zyonti vhahamulandata kwekuula kwe áamile.

Maliko 6:33

Ileelo avhantu avhinji vhahavhalola, lwe vhakwepa vhahamanya kwe vhakusogola. Avhantu vhaala pooka na vhanji kufuma inkaaya zyonti, vhahashimbiilila ulwa pansi kufuma mu nkaaya, kusogola kwe uYeesu na vhatumwa vhaakwe vhahasogolaga, vhahalongolela kufiha.

Yohani 11:47

Pe avhapiti avha vhapuuti na Vhafalisaayi vhahavhungaana pa lukuvhato lwe vhahatinji iSaniheediliini, vhahavhuzilizanya vhuuvho vheeka vhahati, “Vhuli, tuvhombe ishooni? Yeenya, umuntu uno akuvhomba ivilolesyo ivwinji.

Yohani 12:18

Kufumiilana niizyo, avhantu ivhungaana vhápezile vhivuuye izya shilolesyo she uYeesu ávhomvile, ye nongwa vhápezile vheefile mu Yelusaleemu kusogola kumuposheela.

Yohani 12:37

Pooka nu kuuti uYeesu ávhomvile ivilolesyo ivwinji pilongolela lyavho, ileelo avhantu vhatámwitisile.

Yohani 2:11

UYeesu ávhomvile ishilolesyo ishi mu nkaaya iya Kaana, mu shigavho isha nsi isha Galilaaya. Ishilolesyo isho she sháamile sha kwanda kuvhomba, kulolesya uvhushindamu vhwakwe ku vhantu. Kufumiilana niilyo, avhasundikwa vhaakwe vhahamwitiha.

Yohani 2:23

Lwe uYeesu ali pa shikulukuulu isha Pasaaka ku Yelusaleemu, avhantu avhinji vhahanda kumwitiha, mwe pe vhávhwenyi ivilolesyo vwe ahavhombaga.

Yohani 20:30

UYeesu ávhomvile ivilolesyo ivinji ivwinji pilongolela ilya vhasundikwa vhaakwe, vwe vitasimviilwe mwi ikalaata ili.

Yohani 3:2

Isiku limo uvhusiku, uNikodeemo ahasogola kwa Yeesu, ahamuvhuuzya ahati, “We Musambiilizi, tumanyile kuuti iwe we Musambiilizi we uMulungu akusonteleziizye, mwe pe ataliipo umuntu we angavhomba ivilolesyo vwe ukuvhomba inga uMulungu atali pooka nawo.”

Yohani 6:14

Lwe avhantu vhaala vhaalola ishilolesyo she uYeesu ávhomvile, vhahati, “Nalyoli umuntu uno mukuvhwi wa Mulungu, we twásuvhiiye kuuti akwinza mu nsi umu.”

Yohani 6:22

Indaavhi yaakwe, ivhungaana ilya vhantu lye lyásyaye kwi isyila ilyamwavho ilya sumbi uwa Galilaaya, lihamanya kuuti liliipo ivhooti lyoka vhweleele paala. Havhili, lihamanya kuuti uYeesu atínjiiye mwi ivhooti pooka na vhasundikwa vhaakwe, avhasundikwa vhaakwe vhásogooye vheeka vhweleele.

Yohani 6:26

UYeesu ahavhaamula ahati, “Nalyoli nkuvhavhuuzya kuuti, te kuuti mukundondola, mwe pe mwaavhwenyi ivilolesyo vwe naavhomvile, nkandi, mwe pe naavhapiiye amakaati, mwalya nu kwikuta.

Yohani 6:30

Vhahamuvhuziilizya vhahati, “Vhuli, kwe uvhombe shilolesyo vhuli, inga tulole nu kwitiha? Kwe uvhombe ishooni?