Yohani 5:44 - ULufingwi uLupwa

⁴⁴ Mukusungwa kushindikwa na vhanji, ileelo mutali nu mute uwa kulondola umushinzi we wukufuma kwa Mulungu wuuyo. Pe munganiitiha ine inza vhuli?

Tesitamenti Umupwa 1965

⁴⁴ Mwe mwitihaje vuli mwe mukushindinkana ulushindiho mwe vuvo vatupu, nkandi ulwenʼulushindiho lwa kwa Mulungu, wuyo wʼali woka mwene, lwe mutakulwanza?

Yohani 5:44 ပူးပေါင်းရင်းမြစ်များ

Matayi 23:5

Avheene imbombo zyavho zyonti vhakuvhomba, inga avhantu vhavhalole. Nkuyanga vhwevhulo, mwe pe avheene vhakuzwala pa vweni na mu nyoovhe utubuguulu utupiti utwa makwembe kuluusya utwa vhanji, havhili vhakutalimfwa utusampala utwa menda gaavho kuluusya avhanji.

uLuuka 19:17

Umwene uyo ahamuvhuuzya ahati, ‘Uvhomvile ahinza nkaani, iwe we muvhomvi umwinza! Mwe pe waamile we mutungamu ku vintu ivinsi nkaani, kuuti nkupe amaha aga kukonzya inkaaya 10.’

Yohani 12:43

Avhalongozi ivho vhahasungwaga nkaani kushindikwa na vhantu kuluusya kushindikwa nu Mulungu.

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

Yohani 3:20

Avhantu vhonti vhe vhakuvhomba imbiivhi, vhakuvhuviitilwa uvhuzelu uvhwo. Havhili vhatakwanza kusogola kwe uvhuzelu vhuli, vhakuvhomba isho inga imbiivhi zyavho zitahaloleshe apazelu.

Yohani 5:41

“Ine ntakusuuvhila kuuti avhantu vhanshindishe.

Yohani 8:43

Shooni she mutakuzimanyinsanya zye nkuyanga? Mutakuzimanyinsanya, mwe pe mutakwitiha zye nkuvhasambiilizya.

VaLoma 2:10

Ileelo vhonti vhe vhakuvhomba inyinza, uMulungu aliivhapa uvhushindamu nu mushinzi nu vhutehamu, kwandila ku Vhayuuda kufishila ku vhantu vhe te Vhayuuda.

VaLoma 2:29

Ndaali, uMuyuuda uwa nalyoli we wula we mu mwoyo waakwe akumushindiha uMulungu. Kwope kutahiililwa ukwa nalyoli kwe kuvhulingaanya umwoyo kwe kukuvhombwa nu Mupepo uMufinjile, te kwi idala ilya kulandata indajizyo. Umushinzi uwa muntu inza uyo wutakufuma ku vhantu ndaali, wukufuma kwa Mulungu.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

1 VaKolinti 4:5

Ishi mutavhalongaje avhantu she ahavhaliilizyo aha vhulonzi hashiili kufiha, muguliilile kufishila isiku lye uMwene uYeesu aliyinza. Uweene we alizivhiiha apazelu zyonti zye zizyihiime mu shiisi, nu kuzilolesya zye zili mu mooyo aga vhantu. Ahavhaliilizyo iho, uMulungu alivhatiima vhonti vhe vhakwanzilwa kutiimwa.

2 VaKolinti 10:18

Umuntu wonti we akuyihomeshezya inyinza wuuyo atakwitishilwa, nkandi we uMwene uYeesu akumuhomeshezya inyinza.

Filipi 2:3

Havhili mutavhombelaje ishintu shonti ku lutumvanyo, poosye kuzya kuyitumvwa, nkandi ku vhwahayiisye. Umuntu amushindihaje uwamwavho kuluusya uweene.

1 VaTesaloniki 2:6

Havhili tutahanzaga kuuti avhantu vhatutiime, poosye imwe, havhili poosye avhanji vhonti. Mwe pe iswe twe vhatumwa avha Chilisiti, twáweziizye kwanza ivintu vimo kuli imwe, ileelo tutahavhomba vhwevhulo.

1 Timoti 1:17

UMulungu wu Mwene uwa shiima, ataliifwa naalumo. Ataliipo umuntu we angamulola uMulungu, havhili ataliipo uMulungu uwunji naawumo. Uweene weeka vhweleele we ahondeeye kuposheela umushinzi, havhili ashindikwaje shiima shiima! Amina.

VaHebuli 3:12

Vhamwitu, muvhe minso, muli imwe atahaavhe umuntu uwa mwoyo umuvhiivhi we atakwitiha, uyo akuyilehaanya nu Mulungu uMulanzi.

Yakobu 2:1

Mwe vhamwitu, mutavhanje mwe vhakusavhulanya, mwe pe mumwitisile uMwene wiitu uYeesu Chilisiti uwa Vhushindamu.

1 Peteli 1:7

Kulingwa kwinyu kukulolesya kuuti nalyoli mukumwitiha uYeesu Chilisiti. Inza vwe avhantu vhakuyizelufwa isahaabu kwi idala ilya kuyipemba inga yivhe nyinza, vhwevhulo, ulwitiho lwinyu lukulingwa kulolesya kuuti mumwitisile uChilisiti. Kumwitiha uChilisiti kwinza kuluusya isahaabu ye yikunanjiha. Inga mukujimbiilila indingo izyo, uMulungu alivhatiima, nu kuuvhapa uvhushindamu nu mushinzi pi isiku liila lye uYeesu Chilisiti aliloleha apazelu ku vhantu vhonti.

uYuuda 1:25

Uweene wu Mulungu weeka, havhili Muposhi wiitu, kwi idala ilya Mwene wiitu uYeesu Chilisiti. Uvhushindamu nu vhupiti na maha amasisya na maha, vili nu weene kufuma hali, ishi, havhili poosye shiima. Amina.