Yohani 5:42 - ULufingwi uLupwa

⁴² Ileelo mbamanyile imwe vwe muli, mutamukunzite uMulungu mu mooyo giinyu.

Tesitamenti Umupwa 1965

⁴² Imwe nyene mbamanyilʼine ukuti ishikunzi sha Mulungu mute nasho muhati zyinyu.

Yohani 5:42 ပူးပေါင်းရင်းမြစ်များ

uLuuka 16:15

UYeesu ahavhavhuuzya ahati, “Imwe mukuyivhiiha mwe vhagolosu pilongolela ilya vhantu, ileelo uMulungu azimanyile zye zili mu mooyo giinyu. Ivintu vwe avhantu vhakuvimwamiha, uMulungu akuviviitilwa!”

Yohani 2:25

Havhili atahanzaga umuntu wonti uwa kumuvhuuzya zye avhantu vhakusiivha, mwe pe uweene ázimanyile zyonti zye zyámile mu mooyo aga vhantu.

Yohani 21:17

Ahamuvhuziilizya ulwa vhutatu ahati, “We Siimoni mwana wa Yoohani, vhuli, unkunzite?” Pe uPeeteli ahaswimiililwa, mwe pe amuvhuziilizya ulwa vhutatu kuuti, “Vhuli, unkunzite?” Ahamwamula ahati, “We Mwene, iwe umanyile zyonti. Umanyile kuuti, nkukunzite.” UYeesu ahamuvhuuzya ahati, “Udiimaje ingʼonzi zyane.

Yohani 5:41

“Ine ntakusuuvhila kuuti avhantu vhanshindishe.

Yohani 5:43

Ine ninzile ku maha aga Taata waane, ileelo mukuhaana kumposheela. Ileelo umuntu uwunji inga ayinza ku maha gaakwe wuuyo, mulimuposheela.

Yohani 5:44

Mukusungwa kushindikwa na vhanji, ileelo mutali nu mute uwa kulondola umushinzi we wukufuma kwa Mulungu wuuyo. Pe munganiitiha ine inza vhuli?

Yohani 8:42

UYeesu ahavhavhuuzya ahati, “Inga uMulungu wu Taata wiinyu, nkandi munkunzite. Ine ntinzile ku maha gaane, uMulungu we ansonteleziizye.

Yohani 8:47

Umuntu uwa Mulungu, akulandata amazwi aga Mulungu. Imwe mutakulandata zye uMulungu akuyanga, mwe pe te mwe vhantu vhaakwe.”

Yohani 8:55

Niishi vhweleele, mushiili mutamumanyile uMulungu, ileelo ine imumanyile. Inga nkuti ntamumanyile uMulungu, pe nkuvha ni ilenga inza imwe. Ileelo ine imumanyile uMulungu havhili nkuzilandata zye akuyanga.

VaLoma 8:7

Yeenya, avhantu vhe vhakulongolwa nu vhuntu uvhwa vhutalamalandu vhakuyipela kuvha vhalugu vha Mulungu, mwe pe vhatakuzilandata indajizyo izya Mulungu inga hansi, havhili vhatangazilandata.

1 Yohani 2:15

Pe ishi, nkuvhavhuuzya kuuti, mutasungwaje kuvhomba inza avhantu avha mu nsi, poosye kuvisungwa vwonti vwe avheene vhakuvisungwa. Inga umuntu akuzisungwa izya mu nsi, atangamukunda uTaata uMulungu.

1 Yohani 3:17

Umuntu wonti we ali ni vintu, havhili akumulola uwamwavho we asovheliilwe, ileelo atakuvha nu mwoyo uwa vhwila, angayanga vhuli kuuti ali ni shikunzi isha Mulungu?

1 Yohani 4:20

Inga umuntu akuyanga kuuti amukunzite uMulungu, uku akumuviitilwa uwamwavho, ali ni ilenga. Tukumanya kuuti ali ni ilenga, mwe pe umuntu we atakumukunda uwamwavho we akumulola, atangamukunda uMulungu we atakumulola.

Ishitushizya 2:23

Havhili ndivhagoga avhalandati vhaakwe. Pe ivivhanza vwonti viliimanya kuuti ine ne nkwenyeelezya insiivho na mooyo. Niine ndiimupa umuntu wonti muli imwe kulandatana na zye akuzivhomba.