Yohani 5:4 - ULufingwi uLupwa

⁴ mwe pe ahavhaliilizyo hamo uhavhizya uwa Mulungu ahinzaga nu kuvundulanya aminzi aga mwi idiimi ilyo. Umuvhinu we ataliha kwinjila mwi idiimi ilyo lwe aminzi gavundunkana, ahaponaga uvhuvhinu vhwe áali navhwo.

Tesitamenti Umupwa 1965

⁴ Shʼuhavizya ahihaga mumanda mumanda, ahinjila mwidimi, ahaṿwalanganyʼaminzi. Ilelʼuno wengʼatalisilʼukwinjila muminzi lwe ganzitʼukuṿwalangana, wʼahazuzuvuha impungo yonti yengʼali nayo].

Yohani 5:4 ပူးပေါင်းရင်းမြစ်များ

Matayi 11:12

Kwandila insiku zye uYoohani uMwozyi átalisile kulumbiilila kufishila ileelo, uvhumwene uvhwa Mulungu vhukuyimvilwa nkaani. Vhoope vhe vhali na maha, vhakulinga kuvhugoma.

Matayi 6:33

Imwe muvhulondole suuti uvhumwene uvhwa Mulungu nu vhugolosu vhwakwe, pe ivwo vwonti mulipeelwa.

uLuuka 13:24

“Kwinjila mu vhumwene uvhwa Mulungu, kuli inza kwinjila pa mulyango umufinyanu. Nalyoli nkuvhavhuuzya vhwevhulo, mwe pe avhinji vhaliinyonywa kwinjila ileelo vhalipootwa. Ishi imwe muyikungulaje nkaani kwinjila.

uLuuka 16:16

“Indajizyo izya Moose nu vhusimbe uvhwa vhakuvhwi vwávhalongooye avhantu kufishila ahavhaliilizyo aha Yoohani uMwozyi. Kufuma ahavhaliilizyo iho, Izwi iLyinza ilya vhumwene uvhwa Mulungu likulumbiililwa, avhantu avhinji vhakuyifumwa nkaani kwinjila mu vhumwene uvhwo.

Yohani 5:3

Mu nyumba izyo, vhahakaataga avhavhinu avhinji. Mu vhavhinu ivho vháliipo avhantonko na vhantendya na vhe vháhataliiye. Avhavhinu ivho vhahagulililaga kuuti aminzi gavundunkane,

Yohani 5:5

Pi idiimi ipo páali umuntu wumo we áali muvhinu amaaha 38.

Yohani 5:7

Umuvhinu uyo ahamwamula uYeesu ahati, “We mwene, ataliipo umuntu uwa kunaavwa kumbiiha mwi idiimi lwe aminzi gavundunkana. Lwe nkwanza kwinjila mwi idiimi, umuntu uwunji akulongolela pilongolela lyane.”

1 VaKolinti 6:11

Vhamo muli imwe vháali inza vhwevhulo. Ileelo ishi, uMulungu avhazelufwizye nu kuvhavhiiha kuvha mwe vhantu vhaakwe, nu kuvhavhaazya kuuti mwe vhagolosu pilongolela lyakwe, kwi izina ilya Mwene wiitu uYeesu Chilisiti na ku maha aga Mupepo uwa Mulungu wiitu.

1 Yohani 1:7

Ileelo inga tukulandila mu vhuzelu, inza vwe uMulungu ali mu vhuzelu, pe tukuvha nu vhuliilani sweneeswe. Havhili amavhanda aga Mwana waakwe uYeesu gakutuzelufwa uvhutalamalandu vhwitu vhwonti.