Yohani 5:39 - ULufingwi uLupwa

³⁹ Mukuvhaazya ku mute uVhusimbe uVhufinjile, mwe pe mukusiivha kuuti, umwo mungavhwaga uvhulanzi uvhwa shiima. Nalyoli uVhusimbe uvhwo vhukuhomeshezya inongwa zyane.

Tesitamenti Umupwa 1965

³⁹ Mukwanza muvakalata, she mukuti mwe tukuvwagʼuvulanzi vwa shimashima, she vuvo vakunkomeshezyʼine.

Yohani 5:39 ပူးပေါင်းရင်းမြစ်များ

Matayi 22:29

UYeesu ahavhaamula ahati, “Mupuvile nkaani, mwe pe mutavhumanyile uVhusimbe uVhufinjile na maha aga Mulungu.

Maliko 10:3

UYeesu ahamwamula ahati, “UMoose álajiziizye ishooni?”

Maliko 12:10

Vhuli, mutahavhaazya uVhusimbe uVhufinjile? Yisimviilwe kuuti, ‘Ivhwe lye avhazenzi vhálihaanile, lye lyavha livhwe ipiti ilya pa shipembe isha nyumba.

uLuuka 16:29

UAabulahamu ahamwamula ahati, ‘Avhanine vhaaho vhali nu vhusimbe vhwe vhwásimviilwe nu Moose na vhakuvhwi, vhavhutejelezyaje vhwenevhwo!’

uLuuka 16:31

UAabulahamu ahamwamula ahati, ‘Inga vhatakuzyitiha zye zisimviilwe nu Moose na vhakuvhwi, poosye umuntu azyushe kufuma ku vhafwe, vhatangamwitiha.’”

uLuuka 24:25

Uweene uYeesu ahavhavhuuzya ahati, “Imwe mwe vhapukupuuku! Shooni she amooyo giinyu magomu kwitiha zyonti zye avhakuvhwi vháyanzile?

uLuuka 24:27

Pe ahavhavhuuzya inongwa zyonti izya mu Vhusimbe uVhufinjile zye zyásimviilwe ku zyakwe. Ahayanga izyo kwandila amakalaata aga Moose na makalaata gonti aga vhakuvhwi.

uLuuka 24:44

Pe ahavhavhuuzya ahati, “Izi, zye naavhavhuziizye ahavhaliilizyo he naamile pooka niimwe, kuuti inongwa zye zisimviilwe mu ndajizyo izya Moose, na makalaata aga vhakuvhwi, na mwi ikalaata ilya Zabuuli zye zikuyanga izyane, zyonti zikwanzilwa zivhombeshe.”

Yohani 1:45

UFiilipo ahamulola uNasaniyeeli, ahamuvhuuzya ahati, “Twamulola umuntu ula we uMoose ásimvile inongwa zyakwe mwi ikalaata ilya ndajizyo na we avhakuvhwi vhásimvile inongwa zyakwe. Umuntu uyo izina lyakwe wu Yeesu umwana wa Yoosefu we akufuma mu nkaaya iya Naazaleeti.”

Yohani 5:32

Ileelo uTaata waane woope akuhomeshezya inongwa zyane kuli imwe, niine imanyile kuuti zyonti zye akuhomeshezya zya nalyoli.

Yohani 5:36

“Ileelo imbombo zye nkuvhomba zikuhomeshezya ahinza vwe ne wa nalyoli, havhili zilusiizye nkaani zye uYoohani aayanzile. Nkuyanga vhwevhulo, mwe pe imbombo zye uTaata waane ampiiye kuuti mbombaje zye zikulolesya kuuti uTaata uMulungu we ansonteleziizye.

Yohani 5:40

Ileelo mukuhaana kwinza ku kwane, inga mbape uvhulanzi uvhwa shiima.

Yohani 5:46

Inga nalyoli mwámwitisile uMoose, pe nkandi munitisile niine, mwe pe uMoose we ásimvile inongwa zyane.

Yohani 7:52

Avheene vhahamwamula uNikodeemo vhahati, “Vhuli, niiwe ufumile mu Galilaaya? Sogoola uvhaazye havhili ahinza uVhusimbe uVhufinjile, pe niiwe kuuti umanye kuuti ataliipo umukuvhwi we angaafuma mu Galilaaya.”

iMbombo izya Vhatumwa 13:27

Avhantu vhe vhahaaya mu Yelusaleemu pooka na vhapiti vhaavho vhatámumanyile uYeesu kuuti we Muposhi. Havhili vhatágamanyile na mazwi aga vhakuvhwi kuzya Yeesu, ge vhakuvhaazya insiku zyonti izya Sabaato. Vhahagalunjisya kwi idala ilya kumulonga uYeesu.

iMbombo izya Vhatumwa 17:11

Avhantu avha ku Belooya vháamile vhatehamu kuluusya avha ku Tesaloniiki. Avheene vhahalyitiha izwi ilya Mwene uYeesu ku mwoyo wonti, vhahenyelezyaga uVhusimbe uVhufinjile amanda gonti, inga vhahomeshezye inga zye avha Paavhuli nu Siila vhakuyanga zya nalyoli.

iMbombo izya Vhatumwa 26:27

We mwene Agiliipa, vhuli, ukwitiha zyonti zye avhakuvhwi vhayanzile? Ine imanyile ahinza kuuti ukuzyitiha.”

VaLoma 1:2

Izwi ilyo, lye uMulungu áfinzile kufuma hali kwi idala ilya vhakuvhwi vhaakwe mu Vhusimbe uVhufinjile.

VaLoma 3:2

Nalyoli kuvha we Muyuuda kuli ilonka ipiti. Ipiti kuli izyo, uMulungu ávhapiiye aVhayuuda indajizyo, inga vhazisunjiilile nu kuzilandata mu vhulanzi vhwavho.

Kolosi 3:16

Izwi ilya Chilisiti livhe ku vhwinji muhati zyinyu. Musambilizanyaaje nu kusohana mu vhushindamu uvhwa njeele vhwonti. Mumwimbilaje uMulungu izabuuli ni nyimbo izya kumutiima ni nyimbo zye zikufuma kwa Mupepo uMufinjile, pooka nu kumusalifwa ku mwoyo wonti.

VaHebuli 11:16

Ileelo avhantu ivho vhahayinyonywaga insi inyinza nkaani iya ku mwanya. Ye nongwa uMulungu atakulola insoni inga avhantu ivho vhakumwita kuuti wu Mulungu waavho, mwe pe avhasenganiziinye inkaaya.

VaHebuli 11:35

Mwe pe avhantanda vhamo vhámwitisile uMulungu, vhávhaposheleeye avhajenzi vhaavho vhe vhápezile vhafuuye lwe vhazyuha. Vhamo vháhaanile kuuti vhavhavhiishe kuvha vhasatushe, mwe pe vhávhwenyi kuuti hinza kuyimvilwa nu kuvhagoga kuluusya kumuleha uMulungu. Vhávhomvile vhwevhulo, inga uMulungu avhazyusye nu kuuvhapa uvhulanzi uvhwinza nkaani.

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”