Yohani 5:36 - ULufingwi uLupwa

³⁶ “Ileelo imbombo zye nkuvhomba zikuhomeshezya ahinza vwe ne wa nalyoli, havhili zilusiizye nkaani zye uYoohani aayanzile. Nkuyanga vhwevhulo, mwe pe imbombo zye uTaata waane ampiiye kuuti mbombaje zye zikulolesya kuuti uTaata uMulungu we ansonteleziizye.

Tesitamenti Umupwa 1965

³⁶ Nkandʼine ndi nalwʼuluhomeshezyʼulupiti nakulwa Yohani: Imbombo zyʼampiyʼuTata zyʼatili uzimalilizyaje. Zye mbombʼizi zye nkuvombʼine, zye zikunkomeshezyʼine, zikunjanga ukuti antumilʼuTata ine.

Yohani 5:36 ပူးပေါင်းရင်းမြစ်များ

Matayi 11:4

UYeesu ahavhaamula ahati, “Sogooli mumuvhuuzye uYoohani zyonti zye mukuzilola nu kuzyivwa.

uLuuka 2:49

UYeesu ahavhaamula ahati, “Shooni she mwandondolaga? Mutaamanyile kuuti ine nkwanzilwa kuvha mu nyumba iya Taata waane?”

Yohani 10:25

Ileelo uYeesu ahavhaamula ahati, “Ine mbavhuziizye kuuti ne naanu, ileelo imwe mukuhaana kuniitiha. Imbombo zye nkuvhomba ku maha aga Taata waane zye zikunkomeshezya kuuti ine ne naanu.

Yohani 11:37

Ileelo vhamo vhahayanga vhahati, “Umuntu uno we ámuponiizye untonko, ishi pe shooni she atavhombaga shimo, inga uLaazalo atahaafwe?”

Yohani 15:24

Mbomvile imbombo impiti zye umuntu inga wooka atahavhomba. Inga apele vhatazilolaje, nkandi vhatali nu vhutalamalandu. Ileelo ishi vhazivhwenyi zyonti zye mbomvile, ileelo poosye vhwevhulo vhali she vhakumviitilwa ine nu Taata waane.

Yohani 17:4

Ine ndolesiizye uvhushindamu vhwaho ku vhantu vhonti kutuushila ku mbombo ye wánsonteleziizye kuyivhomba.

Yohani 2:23

Lwe uYeesu ali pa shikulukuulu isha Pasaaka ku Yelusaleemu, avhantu avhinji vhahanda kumwitiha, mwe pe vhávhwenyi ivilolesyo vwe ahavhombaga.

Yohani 3:17

Yeenya, uMulungu atánsonteleziizye ne Mwana waakwe kuvhalonga avhantu avha mu nsi umu, nkandi kuvhapoha.

Yohani 3:2

Isiku limo uvhusiku, uNikodeemo ahasogola kwa Yeesu, ahamuvhuuzya ahati, “We Musambiilizi, tumanyile kuuti iwe we Musambiilizi we uMulungu akusonteleziizye, mwe pe ataliipo umuntu we angavhomba ivilolesyo vwe ukuvhomba inga uMulungu atali pooka nawo.”

Yohani 4:34

UYeesu ahavhaamula ahati, “Ishaakulya shaane ine, kwe kuvhomba ulukasamo ulwa Taata we ansonteleziizye kumaliilizya imbombo yaakwe.

Yohani 5:32

Ileelo uTaata waane woope akuhomeshezya inongwa zyane kuli imwe, niine imanyile kuuti zyonti zye akuhomeshezya zya nalyoli.

iMbombo izya Vhatumwa 2:22

UPeeteli ahajendeelela kuyanga kuuti, “Mwe vhanaavuli vha mu Isilayeeli, tejeelezyi amazwi iga! UMulungu avhalolesiizye imwe kuuti akuvhomba imbombo kutuushila kwa Yeesu uwa ku Naazaleeti. Mweneemwe mumanyile ahinza kuuti kwa Yeesu wunuuyo kwe avhomvile amafindango ni zya kusukumizya ni vilolesyo kuli imwe.

1 Yohani 5:9

Havhili kuli avhahoome vhatatu mu nsi: uMupepo na minzi na mavhanda. Avhahoome vhatatu ivho, vhakutuhomeshezya iswe uvhwanalyoli vhwevhuula. Inga tukuvhwitiha uvhwahoome uvhwa vhantu, tukwanzilwa kuvhwitiha uvhwahoome uvhwa Mulungu vhwe vhupiti nkaani. Nkuti vhupiti, mwe pe wu Mulungu wuuyo avhufumwizye, havhili avhufumwizye kuzya Mwana waakwe.