Yohani 5:35 - ULufingwi uLupwa

³⁵ UYoohani uMwozyi aalolesiizye uvhwanalyoli kuli imwe inza vwe inyaale yikuhozya mu shiisi, niimwe mwaasesheeye uvhuzelu uvhwo ku havhaliilizyo hansi.

Tesitamenti Umupwa 1965

³⁵ Uwene ali nyale yʼikwaha ikuhozya. Nkandʼimwe mwasungwʼukwizya hamo mululangalilo lwakwe.

Yohani 5:35 ပူးပေါင်းရင်းမြစ်များ

Matayi 11:11

UYeesu ahati, “Nalyoli nkuvhavhuuzya kuuti, ku vhantu vhonti atahafumila naalumo we mupiti kumuluusya uYoohani uMwozyi. Ileelo umuntu we munsi nkaani mu vhumwene uvhwa Mulungu, we mupiti kuluusya uYoohani.

Matayi 21:26

Poosye inga twati gáfumile ku vhantu, tukwogopa ivhungaana ili ilya vhantu, mwe pe avhantu vhonti vhamanyile kuuti uYoohani áamile mukuvhwi.”

Maliko 1:5

Avhantu kufuma mu nkaaya iya Yelusaleemu na mu shigavho isha nsi shonti isha Yudeeya vhahasogolaga kwa Yoohani kumutejeelezya. Vhahapemulaga uvhutalamalandu vhwavho, woope ahavhozyaga mwi ijenje uYoolodaani.

Maliko 6:20

mwe pe uHeelodi ahamugulilaga. Uweene uHeelodi ahamwogopaga uYoohani, mwe pe ámanyile kuuti muntu umugolosu, havhili mufinjile. Ahasungwaga kumutejeelezya, ileelo lwe amutejeelezya ahaswimililwaga nkaani.

uLuuka 7:28

UYeesu ahati, “Nkuvhavhuuzya kuuti, ku vhantu vhonti, atahafumila naalumo we mupiti kumuluusya uYoohani uMwozyi. Ileelo umuntu we munsi nkaani mu vhumwene uvhwa Mulungu, we mupiti kuluusya uYoohani.”

Yohani 6:66

Kufuma ahavhaliilizyo iho, avhinji mu vhasundikwa vhaakwe vhahagaluha mwisinda, vhahaleha kumulandata.

2 Peteli 1:19

Havhili amazwi aga vhakuvhwi gakuhomeshezya inongwa izyo, niimwe mukuvhomba ahinza inga mukugalema. Amazwi igo gali inza inyaale ye yikuhozya mu shiisi, kufishila lwe kwasha. Kwe kuuti uChilisiti akuvhahozya mu mooyo giinyu inza uluzota ulwa nzanshi.