Yohani 5:28 - ULufingwi uLupwa

²⁸ Mutasukumilaje amazwi iga! Haliyinza ahavhaliilizyo he avhafwe vhonti vhaliyiivwa lwe nkuvhiita,

Tesitamenti Umupwa 1965

²⁸ Zye mutaganduhaje zinizi, she hakwinzʼahenʼahavalilizyo, pe vontʼava ve vali mumbipa valiyiṿwʼizwi lyakwe,

Yohani 5:28 ပူးပေါင်းရင်းမြစ်များ

Yohani 3:7

Utasukumilaje zye nakuvhuuzya kuuti, ‘Mukwanzilwa mupaapwe ulwa vhuvhili.’

Yohani 4:21

UYeesu ahamwamula ahati, “We maayi, yitiiha zye nkuyanga kuuti zya nalyoli, ahavhaliilizyo hakwinza he te muhamupuutaje uTaata mwi igamba ili, poosye ku Nyumba iMfinjile iya ku Yelusaleemu.

Yohani 4:23

Ahavhaliilizyo hakwinza, havhili hafisile he avhantu vhe vhakumupuuta uMulungu mu vhwanalyoli, vhalimupuutaga uTaata inza vwe uMupepo waakwe akuvhalongola kumupuuta uweene inza vwe wa nalyoli. UTaata uMulungu akuvhalondola avhantu vhe vhakumupuuta kwi idala ilyo.

Yohani 5:20

UTaata waane ankunzite ine ne Mwana waakwe, havhili akundolesya imbombo zyonti zye akuzivhomba. Ahavhaliilizyo he hakwinza, alindolesya imbombo impiti kuluusya izi, pe imwe mulisukumila.

Yohani 5:25

Nalyoli nkuvhavhuuzya kuuti, ahavhaliilizyo hakwinza, havhili hafisile, he avhafwe vhaliyiivwa zye ine ne Mwana wa Mulungu nkuyanga. Pe vhonti vhe vhaliyiivwa nu kwitiha, vhaliivha nu vhulanzi uvhwa shiima.

iMbombo izya Vhatumwa 24:15

Ine nkwitiha uvhwanalyoli kuuti, uMulungu alivhazyusya avhantu vhonti, avhagolosu na vhe te vhagolosu, inza vhoope vwe vhakwitiha.

iMbombo izya Vhatumwa 3:12

UPeeteli lwe avhalola avhantu ivho, ahavhavhuuzya ahati, “Mwe vhantu vha mu Isilayeeli, shooni she mukusukumila kuli izi? Shooni she mukututontomela iswe? Mukuti umuntu uno twamuponia ku maha giitu, pamo mwe pe iswe tuli nu lujendo ulwinza pilongolela ilya Mulungu?

1 VaKolinti 15:22

Nkuyanga vhwevhulo, mwe pe inza vwe avhantu vhonti vhakufwa kufumiilana nu Aadamu, vwe avhantu vhonti vhalizyuha kufumiilana nu Chilisiti.

Filipi 3:21

Uweene aligalulanya amavhili giitu ge gayeyevhaaye, inga gaholane nu muvhili waakwe uwa vhushindamu. Alivhomba isho ku maha gaakwe aga kukonzya ivintu vwonti.

Ishitushizya 20:12

Pe nkavhalola avhafwe, avhapiti na vhansi, vhimiliiye pilongolela ilya shitengo isha vhumwene, amakalaata gahagubulwa. Havhili ikalaata ilyamwavho ilya vhulanzi lyope lihagubulwa. Pe uMulungu ahavhalonga avhafwe kulandatana nu lujendo lwavho, inza vwe lwásimviilwe mu makalaata igo.