Yohani 5:24 - ULufingwi uLupwa

²⁴ “Nalyoli nkuvhavhuuzya kuuti, avhantu vhonti vhe vhakwivwa amazwi gaane nu kumwitiha uMulungu we ansonteleziizye ine, vhali nu vhulanzi uvhwa shiima. Te vhahalongwe ku vhutalamalandu vhwavho. Avheene vhatuusile kufuma mu vhufwe nu kwinjila mu vhulanzi uvhwa shiima.

Tesitamenti Umupwa 1965

²⁴ Nalyoli lyoli nkuvavuzyʼine nkuti: Uno wengʼakwiṿwʼizwi lyanʼine nukumwitiha wuyo wʼantumilʼine, wʼali navwo uvulanzi vwa shimashima, wʼatakufiha pilonjelwi, nkandi apoye muvufwe, ayinjiye muvulanzi.

Yohani 5:24 ပူးပေါင်းရင်းမြစ်များ

Matayi 25:46

“Pe avhatalamalandu vhaliyeepa nu kusogola kwi isunde ilya shiima. Ileelo avhagolosu, vhaliyinjila mu vhulanzi uvhwa shiima.”

Maliko 16:16

Umuntu wonti we ayiitiha nu kwozelwa we aliipokwa, ileelo we atakwitiha alilongwa.

Yohani 11:26

Woope we mulanzi, havhili akuniitiha ine, te ahaafwe naalumo. Vhuli, ukuzyitiha izyo?”

Yohani 12:44

Pe uYeesu ahayanga kwi izwi ipiti ahati, “Umuntu we akuniitiha ine, atakuniitiha neneene vhweleele, akumwitiha na ula we ansonteleziizye.

Yohani 20:31

Ileelo ivilolesyo vwe vili mwi ikalaata ili visimviilwe, inga mwitishe kuuti uYeesu wu Chilisiti, uMwana wa Mulungu, nu kuuti kwi idala ilya kumwitiha, mukuposheela uvhulanzi kwi izina lyakwe.

Yohani 3:16

UMulungu ávhakunzite nkaani avhantu avha mu nsi umu, ye nongwa ánsonteleziizye ne Mwana waakwe imozi, kwinza mu nsi umu inga umuntu wonti we akuniitiha atahateeje, nkandi avhwaje uvhulanzi uvhwa shiima.

Yohani 3:18

“UMulungu atakumulonga umuntu we anitisile ne Mwana waakwe, ileelo umuntu we atanitisile alonziilwe, mwe pe atanitisile ne Mwana waakwe imozi.

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

Yohani 4:36

We akuvuna akuposheela amalipilo gaakwe. Akuvhungaaniha mu shanga shaakwe vwe avunile, kwe kuuti uvhulanzi uvhwa shiima. Kuli izyo, we akuvhwala na we akuvuna vhonti vhaliseshela pooka.

Yohani 6:40

Kwe kuuti ulukasamo ulwa Taata waane lwa kuuti umuntu wonti we amanyile kuuti ine ne Mwana wa Mulungu nu kuniitiha, avhe nu vhulanzi uvhwa shiima. Niine ndimuzyusya isiku ilya vhusililishilo.”

Yohani 6:47

“Nalyoli nkuvhavhuuzya kuuti, umuntu we akuniitiha ine, ali nu vhulanzi uvhwa shiima.

Yohani 6:50

Ileelo ipa shiliipo ishaakulya she shikufuma kwa Mulungu. Inga umuntu aalya ishaakulya isho, te ahaafwe naalumo.

Yohani 6:51

Ine ne shaakulya she shifumile ku mwanya, she shikuuvhapa avhantu uvhulanzi. Umuntu wonti we akulya ishaakulya ishi akuvha nu vhulanzi uvhwa shiima. Ishaakulya ishi muvhili waane we kwe mbufumwe ku vhantu vhonti, inga vhavhe nu vhulanzi uvhwa shiima.”

Yohani 6:58

Ine ne shaakulya she shifumile kwa Mulungu. Ishaakulya she shitaholiine na shiila she vhahalyanga avhataata vhiitu. Avheene vháliiye nu kufwa. Ileelo umuntu wonti we akulya ishaakulya ishi, kwe avhe nu vhulanzi uvhwa shiima.”

Yohani 8:51

Nalyoli kuvhavhuuzya kuuti, umuntu wonti we akuzilandata zye nkusambiilizya, te ahaafwe naalumo.”

VaLoma 8:1

Pe ishi, kwandila ahavhaliilizyo iha uMulungu te aavhape isunde vhaala vhe vhasopenkiine nu Chilisiti uYeesu.

1 VaTesaloniki 5:9

Mwe pe uMulungu atátusavhuuye iswe inga atulovwe ku vhuhalazu vhwakwe, nkandi átusavhuuye inga tuvhwaje uvhuposhi kwi idala ilya Mwene wiitu uYeesu Chilisiti.

1 Peteli 1:21

Kwi idala lyakwe mumwitishe uMulungu we ámuzyusiizye nu kuumupa uvhushindamu. Ye nongwa mukwitiha nu kumusuuvhila uMulungu.

1 Peteli 1:5

Uvhupwano uvhwo vhwinyu imwe mwe mukuguulilwa na maha aga Mulungu kwi idala ilya lwitiho, kufishila pe mwavhwaga uvhuposhi vhwe vhuliloleha amanda aga kumpeleela.

1 Yohani 3:14

Iswe tumanyile kuuti tufumile mu maha aga vhufwe, nu kwinjila mu vhulanzi uvhwa shiima shiima. Tumanyile vhwevhulo, mwe pe tukuvhakunda avhamwitu. Umuntu we atakuvhakunda avhamwavho ali she asyaye mu vhufwe.

1 Yohani 5:1

Umuntu wonti we akwitiha kuuti uYeesu wu Chilisiti, uyo we mwana wa Mulungu. Havhili umuntu wonti we akumukunda uyise, akumukunda nu mwana waakwe.