Yohani 5:23 - ULufingwi uLupwa

²³ Kwi idala ilyo, avhantu vhonti vhalinshindihaga ine inza vwe vhakumushindiha uTaata. Umuntu wonti we atakunshindiha ine, akuvha atakumushindiha uTaata waane we ansonteleziizye.

Tesitamenti Umupwa 1965

²³ vontʼukuti vamunyilajʼuMwana inza she vakumunyila nawe Yise. Shʼuno wengʼatakunyilʼuMwana, wʼalesile ukumunyila nawe Yise wʼamutumile.

Yohani 5:23 ပူးပေါင်းရင်းမြစ်များ

Matayi 10:37

Umuntu wonti we akumukunda uyise, poosye unyina kuluusya kunkunda ine, uyo atankondeeye. Havhili, wonti we akumukunda umwana waakwe umwanaavuli, poosye umwantanda, kuluusya kunkunda ine, woope atankondeeye.

Matayi 11:27

“UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.

Matayi 12:21

Havhili, vhe te Vhayuuda vhalilisuuvhila izina lyakwe.”

Matayi 15:8

‘Avhantu ivha vhakunshindiha pe pi ilomu vhweleele, ileelo amooyo gaavho gali ukutali niine.

Matayi 28:19

Ishi musogole ku vhantu avha mu nsi zyonti nu kuvhapela kuvha vhasundikwa vhaane. Muvhombaje isho, kwi idala ilya kuvhoozya kwi izina ilya Taata ni lya Mwana ni lya Mupepo uMufinjile,

uLuuka 10:16

UYeesu ahavhavhuuzya avhasundikwa vhaakwe ahati, “Umuntu we akuvhiivwa imwe, akuniivwa neene, woope we akuvhahaana imwe, akunkaana neene. Havhili we akunkaana ine, akumuhaana ula we antumiliziizye.”

Yohani 14:1

Pe uYeesu ahajendeelela kuvhavhuuzya avhasundikwa vhaakwe kuuti, “Mutaswimililwaje mu mooyo giinyu. Mumumwitihaje uMulungu, munitihaje niine.

Yohani 16:14

Uweene alilolesyaga uvhushindamu vhwane, mwe pe alivhavhuzyaga zye aposheela kuli ine.

Yohani 17:10

Avhantu vhonti vhe vhaane, niiwe vhaaho, havhili avhantu vhonti vhe vhaaho, niine vhaane. Uvhushindamu vhwane vhulolesile ku vhantu kutuushila ku kwavho.

VaLoma 1:7

Kuli izyo, nkuvhasimbila imwe mwe muli ku Luumi, mwe uMulungu avhakunzite nkaani nu kuvhiita kuvha mwe vhafinjile. UTaata wiitu uMulungu nu Mwene uYeesu Chilisiti vhavhafwilaje uvhwila nu kuuvhapa uvhutehamu.

VaLoma 15:12

Woope umukuvhwi uYisaayi átili, “Umuntu wumo mu luho ulwa Yeese aliyinza, aliyinza kuzikonzya inkolo zyonti, na vhantu avha mu nsi zyonti vhalimusuuvhila kuuti avhaposhe.”

VaLoma 6:22

Ileelo ishi musatuliilwe kufuma mu vhutalamalandu, mwe vhazya vha Mulungu, ni ilonka lye mukuliposheela, vhufinjile na ku vhusililishilo uvhulanzi uvhwa shiima.

VaLoma 8:9

Ileelo imwe mutakulongolwa nu vhuntu uvhwa vhutalamalandu, mukulongolwa nu Mupepo uMufinjile, inga nalyoli uMupepo uwa Mulungu akulandila muli imwe. Ileelo umuntu we atali nu Mupepo uwa Chilisiti, uyo te wa Chilisiti.

1 VaKolinti 1:3

UTaata wiitu uMulungu, nu Mwene uYeesu Chilisiti, vhavhafwilaje uvhwila nu kuuvhapa uvhutehamu.

1 VaKolinti 10:31

Ishi, zyonti zye mukuvhomba, yivhe kwe kulya, poosye kumwela, poosye ishinji shonti she mukuvhomba, muvhombaje kuzya kuumupa uMulungu uvhushindamu.

1 VaKolinti 16:22

Umuntu wonti we atakumukunda uMwene uYeesu, atipwaje. Malanaasa, kwe kuuti we Mwene uyinze!

1 VaKolinti 6:19

Mutamanyile kuuti, amavhili giinyu Nyumba iMfinjile iya Mupepo uMufinjile we uMulungu ávhapiiye? Ishi amavhili igo te vwuma vwinyu,

2 VaKolinti 1:9

Nalyoli twáli ngati vhantu vhe vhalonziilwe kuvhagoga. Ilyo lyáfumiiye inga tuleshe kusuuvhila amaha giitu, nkandi uMulungu we akuvhazyusya avhafwe.

2 VaKolinti 13:14

UMwene uYeesu Chilisiti avhafwilaje uvhwila. UMulungu alolesyaje ishikunzi kuli imwe. Woope uMupepo uMufinjile, avhapanje uvhuliilani imwe mwenti.

2 VaKolinti 5:14

Ishikunzi isha Chilisiti shikutulongola iswe, mwe pe tumanyile kuuti umuntu wooka áfuuye kuzya vhantu vhonti, kuli izyo, avhantu vhonti vháfuuye.

2 VaKolinti 5:19

Kwe kuuti kutuushila kwa Chilisiti, uMulungu ahavhakundanyaaga avhantu nu weene, ishisita kuvhaazya uvhutalamalandu vhwaho. Havhili uMulungu atupiiye imbombo iya kuvhavhuuzya avhantu inongwa izya lukundanyo ulwo.

VaEfeso 6:24

UMulungu avhafwile uvhwila vhonti vhe vhakumukunda uMwene wiitu uYeesu Chilisiti ku shikunzi she shitali nu vhusililishilo.

2 Timoti 1:12

Izwi ilyo lye lihambiiha kuuti amayimba iga ganaaje. Ileelo ine ntakulola insoni, mwe imumanyile ahinza ula we nkamwitiha. Havhili indi nu vhwanalyoli kuuti ali na maha kuliguulila Izwi iLyinza kufiha pi isiku ilya vhusililishilo. Izwi ilyo ampiiye, inga mbasambiilizye avhantu.

VaHebuli 1:6

Havhili uMulungu lwe akumuleeta uMwana waakwe imozi mu nsi, áyanzile átili, “Avhahavhizya vhonti avha Mulungu vhamupuute uMwana uyo.”

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.

1 Yohani 2:23

Wonti we akumuhaana uMwana, akumuhaana nu Taata uMulungu. Ileelo wonti we akumwitiha uMwana pilongolela lya vhantu, ali nu vhuliilani nu Taata uMulungu vhweleele.

2 Yohani 1:9

Umuntu wonti we akupindula insambiilizyo izya Chilisiti, havhili atakujendeelela kulema izyo zye vhamusambiliziizye, uyo atali nu vhuliilani nu Mulungu. Ileelo wonti we akujendeelela kulema insambiilizyo, ali nu vhuliilani nu Taata uMulungu, nu Mwana waakwe.