Yohani 5:18 - ULufingwi uLupwa

¹⁸ Kufumiilana niizyo, avhalongozi avha Vhayuuda vhahanda kulondola idala ilya kumugoga uYeesu. Vhahanzaga kumugoga, te kuuti, mwe pe atahashindihaga isiku ilya Sabaato vhweleele, nkandi, mwe pe ahayangaga ahatinji, uMulungu wu Yise waakwe. Kwi idala ilyo, álolesile akuyivhiiha kuuti ali inza uMulungu.

Tesitamenti Umupwa 1965

¹⁸ Lye lilyo vahonjezyʼavaYuda ukuti tumugoje, she vatili: Atatazile uno weka uwa kuvindulʼisabati ndali, ayonjezizye nilya kuti uMulungu we wʼuYise, ilelo mwe munumu kwe kuvʼakuti nkoline nuMulungu ine.

Yohani 5:18 ပူးပေါင်းရင်းမြစ်များ

Matayi 12:5

Vhuli, mutahavhaazya mu ndajizyo izya Moose kuuti avhapuuti vhakuvhomba imbombo mu Nyumba iMfinjile pi isiku ilya Sabaato, ileelo uMulungu atakuvhavhaazya kuuti vhakuvhomba havhiivhi?

Yohani 1:19

Isiku limo, avhalongozi avha Vhayuuda vhávhasonteleziizye avhapuuti na Vhalaawi kufuma mu Yelusaleemu kumuvhuziilizya uYoohani uMwozyi kuuti uweene wu naanu. Uweene ahahomeshezya,

Yohani 10:30

Ine nu Taata waane tuli pooka.”

Yohani 10:33

AVhayuuda vhahamwamula vhahati, “Tutakwanza kukuhoma na mavhwe, mwe pe uvhomvile imbombo inyinza, nkandi, mwe pe ukumusaamula uMulungu. Tukuyanga vhwevhulo, mwe pe iwe ukuyanga kuuti we Mulungu she we muntu vhweleele inza avhantu avhanji!”

Yohani 14:23

UYeesu ahamwamula ahati, “Umuntu wonti we ankunzite ine, kwe azivhombelaje imbombo zye nkumulajizya. Woope uTaata waane kwe amukundaje umuntu uyo, havhili ine nu Taata waane tuliyinza ku kwakwe nu kutendama pooka nawo.

Yohani 14:9

UYeesu ahamwamula ahati, “We Fiilipo, natendama niimwe ahavhaliilizyo ahatali honti iha, niishi ushiili utamanyile? Umuntu wonti we ambwenyi ine, amuvhwenyi nu Taata. Ishi pe shooni she ukuti, ‘Utulanje uTaata’?

Yohani 19:7

AVhayuuda vhahamwamula uPilaato vhahati, “Iswe tuli nu lulajizyo. Kulandatana nu lulajizyo ulwo, yikwanzilwa afwe, mwe pe akuyivhiiha kuuti Mwana wa Mulungu.”

Yohani 5:15

Umuntu uyo aheepa paala, ahagaluha kuvhavhuuzya avhalongozi avha Vhayuuda kuuti, izina ilya muntu we aamuponiizye wu Yeesu.

Yohani 5:16

Pe avhalongozi avha Vhayuuda vhahanda kumuyimvwa uYeesu, mwe pe ahavhaponiaga avhantu isiku ilya Sabaato.

Yohani 5:17

Ileelo uYeesu ahavhavhuuzya ahati, “UTaata waane akuvhomba imbombo insiku zyonti. Niine nkuvhomba vhwevhulo.”

Yohani 5:23

Kwi idala ilyo, avhantu vhonti vhalinshindihaga ine inza vwe vhakumushindiha uTaata. Umuntu wonti we atakunshindiha ine, akuvha atakumushindiha uTaata waane we ansonteleziizye.

Yohani 7:1

Lwe izyo zyatuuha, uYeesu ahanda kuzyunguula mu shigavho isha nsi isha Galilaaya. Atahanzaga kuzyunguula mu shigavho isha nsi isha Yudeeya, mwe pe avhalongozi avha Vhayuuda vhahanzaga kumugoga.

Yohani 7:19

UYeesu ahajendeelela kuyanga kuuti, “Mumanyile kuuti uMoose ávhapiiye avhataata vhiinyu indajizyo zyakwe, inga muzilandate. Ileelo ataliipo umuntu pahati yiinyu we akulandata indajizyo izyo. Pe shooni she mukwanza kungoga?”

Yohani 8:54

UYeesu ahavhaamula ahati, “Inga nkuyishindiha neene neeka, uvhushindamu vhwane vhutali ni mbombo naayimo. Ileelo uTaata waane we imwe mukuti wu Mulungu wiinyu, we akunshindiha.

Yohani 8:58

UYeesu ahavhaamula ahati, “Nalyoli nkuvhavhuuzya kuuti, lwe uAabulahamu ashiili kupaapwa, ine indiipo.”

Filipi 2:6

Pooka nu kuuti, kufuma hali uweene álingiine nu Mulungu, atávhwenyi kuuti kuula kulingaana nu Mulungu, shintu sha kushilemeelela.

Ishitushizya 22:1

Pe uhavhizya ahandanga ijenje ilya minzi ge gakufumwa uvhulanzi, amazelu ngati lilooli, gahafumaga ku shitengo isha vhumwene isha Mulungu na Hagonzi aha MWENE uMulungu.

Ishitushizya 22:3

Shitaliipo ishintu naashimo she vhashitifile she shiliivha mu nkaaya iyo. Ishitengo isha vhumwene isha Mulungu ni sha Hagonzi aha MWENE uMulungu shiliivha mu nkaaya iyo na vhavhomvi avha Mulungu vhalimupuutaga.