Yohani 5:17 - ULufingwi uLupwa

¹⁷ Ileelo uYeesu ahavhavhuuzya ahati, “UTaata waane akuvhomba imbombo insiku zyonti. Niine nkuvhomba vhwevhulo.”

Tesitamenti Umupwa 1965

¹⁷ UwenʼuYesu ahavamula ahati: UTata ine avomṿile afisile kushinishi uku. Nane she nkonzizye, nane nkuvomba.

Yohani 5:17 ပူးပေါင်းရင်းမြစ်များ

Matayi 10:29

Vhuli, utudunduulu tuvhili vhatakukazya ku mpiiya nyinsi vhweleele? Ileelo poosye vhwevhulo, naahamo ahadunduulu he hakugwa pansi ishisita ulukasamo ulwa Taata wiitu uMulungu.

Yohani 10:36

Vhuli, shooni she mukuti ine nkumusaamula uMulungu lwe nkuti, ‘Ine ne Mwana wa Mulungu’? UTaata we ansavhuuye nu kunsonteelezya mu nsi.

Yohani 14:10

Vhuli, utakwitiha kuuti ine indi muhati ya Taata, woope uTaata ali muhati yaane? Amazwi iga ge nkuvhavhuuzya ntakuyanga ku maha gaane neene, uTaata we ali mu mwane we akuvhomba imbombo zyonti izi.

Yohani 5:16

Pe avhalongozi avha Vhayuuda vhahanda kumuyimvwa uYeesu, mwe pe ahavhaponiaga avhantu isiku ilya Sabaato.

Yohani 5:18

Kufumiilana niizyo, avhalongozi avha Vhayuuda vhahanda kulondola idala ilya kumugoga uYeesu. Vhahanzaga kumugoga, te kuuti, mwe pe atahashindihaga isiku ilya Sabaato vhweleele, nkandi, mwe pe ahayangaga ahatinji, uMulungu wu Yise waakwe. Kwi idala ilyo, álolesile akuyivhiiha kuuti ali inza uMulungu.

Yohani 9:4

Tukwanzilwa kuvhomba imbombo iya Mulungu we ansonteleziizye she musanya. Uvhusiku vhukwinza vhwe umuntu nuumo atangavhomba imbombo izi.

iMbombo izya Vhatumwa 14:17

Ileelo atahaleha kulolesya kuuti ali pooka navho, mwe pe ahavhavhombelaga inyinza. Ahavhapanga imwe imvula ni viyavho ku havhaliilizyo he hahondeeye, havhili, ahavhapanga ishaakulya isha kuvhakwila nu kugiizuzya amooyo giinyu uluseshelo.”

iMbombo izya Vhatumwa 17:28

inza vwe umuntu wumo áyanzile kuuti, ‘Iswe muhati yaakwe mwe tukutendama nu kujenda nu kuvha swe vhapuuma.’ Havhili vhamo mu vhasimvi vhiinyu avha nyimbo vhátili, ‘Iswe swe vhaana vhaakwe.’”

1 VaKolinti 12:6

Havhili kuvhomba imbombo kuli ukwa mavhiila mu mavhiila, ileelo uMulungu we wewuula we akuuvhapa avhantu vhonti amaha aga kuvhomba imbombo izyo.

Kolosi 1:16

Kufumiilana nu weene, uMulungu ápezile ivintu vwonti, vwe vili ku mwanya na vwe vili pa nsi, vwe vikuloleha na vwe vitakuloleha, kwe kuuti impepo zye zikukonzya, poosye zye vhe vhamwene, poosye zye mpiti, poosye izya maha. UMulungu ápezile vwonti kufumiilana nu Mwana, havhili ku vhushindamu uvhwa Mwana uyo.

1 VaTesaloniki 2:13

Havhili tukumusalifwa uMulungu ishisita kulita, mwe pe lwe mwalitejeelezya izwi lyakwe kufuma kuli iswe, mutáliposheleeye ngati lizwi lya muntu, nkandi ngati lizwi kufuma kwa Mulungu, nalyoli vwe zili. Izwi ilyo likuvhomba imbombo muhati mu mooyo giinyu imwe mwe mumwitisile.

VaHebuli 1:3

UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.