Yohani 4:42 - ULufingwi uLupwa

⁴² Vhahamuvhuuzya umwantanda uyo vhahati, “Ishi twamwitiha umuntu uno, te ku ziila zyeka zye utuvhuziizye, nkandi twamwitiha, mwe pe twivwa sweneeswe zye akuyanga. Havhili twamanya kuuti, nalyoli umuntu uno we Muposhi uwa nsi.”

Tesitamenti Umupwa 1965

⁴² Pe vahamuvuzyʼumwantanda vahati: Shinishi tutakwitiha shʼutuvuzizye iwe ndali, shinishi pe twiṿuye, pe tuwenyi sweneswe ukuti nalyoli Muposhi wa nsi wununo.

Yohani 4:42 ပူးပေါင်းရင်းမြစ်များ

Matayi 1:21

Kwe apaape umwana umwanaavuli, niiwe kwe umwite izina ilya Yeesu, mwe pe umwana uyo alivhapoha avhantu vhaakwe mu vhutalamalandu vhwavho.”

uLuuka 2:32

Uno kuuti avhe vhuzelu uvhwa kukulolesya iwe ku vhe te Vhaisilayeeli, havhili kuuti aleetaje uvhushindamu ku vhantu vhaaho aVhaisilayeeli.”

Yohani 1:29

Isiku lye likulandata, uYoohani ahamulola uYeesu akwinza ku kwakwe. Ahavhavhuuzya avhantu vhe vháliipo paala ahati, “Yeenya, uno wu Hagonzi aha Mulungu we akwefwa uvhutalamalandu uvhwa vhantu vhonti mu nsi!

Yohani 11:17

Lwe uYeesu aafiha mu lutala ulwa Besaniya, ahaaga uLaazalo ali ni nsiku zine mu mbiipa.

Yohani 17:8

mwe pe mbavhuziizye amazwi gonti ge wámbuziizye. Vhoope vhagaposheleeye, havhili vhamanyile kuuti nalyoli mfumile ku kwaho, havhili vhitisile kuuti iwe we unsonteleziizye.

Yohani 4:29

“Tujende mumwenye umuntu we ambuuzya zyonti zye nkavhombaga. Vhuli, umuntu uyo angavha wu Chilisiti we tukumusuuvhila kuuti akwinza?”

Yohani 4:41

Ahavhaliilizyo honti iho, avhantu avhinji nkaani vhahamwitiha uYeesu ku ziila zye ahayangaga.

iMbombo izya Vhatumwa 13:23

“Kufuma mu mpaapo izya mwene uDaavhudi, mwe uMulungu avhaleteeye aVhaisilayeeli uMuposhi uYeesu, inza vwe áfinzile.

iMbombo izya Vhatumwa 4:12

Kwe kuuti, naawumo uwunji wonti we angatupoha, mwe pe ataliipo umuntu uwunji we avhantu vhahapeelwa pansi ipa, we angatupoha iswe mu vhutalamalandu.”

iMbombo izya Vhatumwa 5:31

Ahamuzuvwa nu kumuvhiiha ku luvhazu lwakwe ulwa kundiilo, kuvha wu Songo, havhili kuvha Muposhi, inga uMulungu atwavwe swe Vhaisilayeeli tuvhe ni idala ilya kupinduha nu kuswilwa uvhutalamalandu vhwitu.

2 VaKolinti 5:19

Kwe kuuti kutuushila kwa Chilisiti, uMulungu ahavhakundanyaaga avhantu nu weene, ishisita kuvhaazya uvhutalamalandu vhwaho. Havhili uMulungu atupiiye imbombo iya kuvhavhuuzya avhantu inongwa izya lukundanyo ulwo.

1 Timoti 4:10

Inongwa izyo zye zikutuvhiiha kuuti tuyifumwaje kuvhomba imbombo, mwe pe iswe tuvhiisile ulusuuvhilo lwitu kwa Mulungu we mulanzi, havhili we Muposhi uwa vhantu vhonti vhe vhamwitisile.

1 Yohani 2:2

UYeesu we mpuutile iya kuvhoolwa, kwi idala ilyo, áyefwizye uvhutalamalandu vhwitu nu kutukundanya nu Mulungu. Havhili te kuuti áyefwizye vhwe vhutalamalandu vhwitu vhweka vhweleele, nkandi nu vhwa vhantu vhonti.

1 Yohani 4:14

Iswe tuvhwenyi nu kuvhahomeshezya avhanji kuuti uTaata uMulungu ámusonteleziizye uMwana waakwe mu nsi, kuuti avhe Muposhi wa vhantu.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.