Yohani 4:41 - ULufingwi uLupwa

⁴¹ Ahavhaliilizyo honti iho, avhantu avhinji nkaani vhahamwitiha uYeesu ku ziila zye ahayangaga.

Tesitamenti Umupwa 1965

⁴¹ Pe vahaṿula, vahalusya uvwinji ve vitisile pizwi lyakwe wuyo.

Yohani 4:41 ပူးပေါင်းရင်းမြစ်များ

uLuuka 4:32

Avhantu vhahasukumila nkaani insambiilizyo zyakwe, mwe pe zyámile na maha.

Yohani 4:40

Lwe aVhasamaliya vhaala vhaafiha pe uYeesu áali, vhahamulaavha nkaani kuuti atendame pooka navho, woope ahiitiha, pe ahatendama mu nkaaya iyo insiku zivhili.

Yohani 4:42

Vhahamuvhuuzya umwantanda uyo vhahati, “Ishi twamwitiha umuntu uno, te ku ziila zyeka zye utuvhuziizye, nkandi twamwitiha, mwe pe twivwa sweneeswe zye akuyanga. Havhili twamanya kuuti, nalyoli umuntu uno we Muposhi uwa nsi.”

Yohani 6:63

UMupepo uwa Mulungu we akuuvhapa avhantu uvhulanzi uvhwa shiima. Amaha aga muntu gatangaavwa naashimo kuleeta uvhulanzi uvhwa shiima. Amazwi ge navhavhuuzya gakuvhavhiiha imwe kuuti muvhe nu Mupepo uwa Mulungu, nu kuuti muvhe nu vhulanzi uvhwa shiima.

Yohani 7:46

Avhasikaali ivho vhahavhaamula vhahati, “Ataliipo umuntu uwunji we akuyanga inza vwe uweene akuyanga.”

iMbombo izya Vhatumwa 1:8

Ileelo kwe muposheele amaha, lwe uMupepo uMufinjile akuvhiishila imwe. Pe muliivha mwe vhahoome vhaane mu Yelusaleemu, na mu shigavho isha nsi shonti isha Yudeeya ni sha Samaliya, nu kufishila kumpeleela iya nsi.”

iMbombo izya Vhatumwa 15:3

Pe avhantu ivho avha shivhanza isha ku Antiyookiya vhahamusonteelezya uPaavhuli na vhamwavho. Vhoope vhahatuuha mu nsi iya Foyiniikesi ni ya Samaliya. Umwo vhahavhavhuzyaga avhiitisi vwe vhoope vhe te Vhayuuda vhámwitisile uYeesu. Avhiitisi vhonti lwe vhiivwa inongwa izyo, vhahaseshela nkaani.

iMbombo izya Vhatumwa 8:12

Ileelo uFiilipo lwe alumbiilila Izwi iLyinza ilya vhumwene uvhwa Mulungu ni zya izina ilya Yeesu Chilisiti, vhahazyitiha, vhahoozelwa avhanaavuli na vhantanda.

iMbombo izya Vhatumwa 8:25

Avha Peeteli nu Yoohani lwe vhaafumwa uvhwahoome nu kulumbiilila izwi ilya Mwene uYeesu kuukwo, vhahanda kugaluha mu nkaaya iya Yelusaleemu. Lwe vhali mwi idala, vhahalumbililaga Izwi iLyinza mu nkaaya inyinji izya mu Samaliya.

VaHebuli 4:13

Shitaliipo ishipelwa she shizyihiime pilongolela ilya Mulungu. Ivintu vwonti vili apazelu pilongolela lyakwe, uweene we niiswe tulilondovhola imbombo zyitu zyonti zye tukuzivhomba.