Yohani 4:38 - ULufingwi uLupwa

³⁸ Ine návhasonteleziizye imwe kuvuna vwe mutávhwaye. Avhantu avhanji vhávhomvile imbombo yonti ingomu. Imwe mukulyaga ilonka kuzya mbombo yaavho.”

Tesitamenti Umupwa 1965

³⁸ Imwe mbatumile ukuti muṿunaje huho he mutavomṿile. Ukuvomba kwe vavomṿilʼavanji, imwe mwinjiye mumbombo yavo.

Yohani 4:38 ပူးပေါင်းရင်းမြစ်များ

Matayi 4:23

UYeesu ahazyunguulaga mu shigavho isha nsi shonti isha Galilaaya. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Yohani 1:7

UYoohani áyinzile kuvhahomeshezya avhantu izya vhuzelu uvhwo, inga kutuushila ku kwakwe avhantu vhonti vhavhwitishe.

Yohani 17:18

Inza vwe wánsonteleziizye ine mu nsi, vhwevhulo, niine navhasonteelezya mu nsi.

Yohani 4:37

Galiipo amazwi ge gakuti, ‘Umuntu wumo akuvhwala, uwamwavho akuvuna.’ Amazwi iga ga nalyoli.

Yohani 4:39

AVhasamaliya avhinji avha mu nkaaya yiila iya Sikaali vhahamwitiha uYeesu, mwe pe vhívuuye zye umwantanda ula áhomesheziizye kuuti, “Umuntu uyo ambuuzya zyonti zye nkavhombaga.”

iMbombo izya Vhatumwa 2:41

Avhantu avhinji vhahagiitiha amazwi gaakwe isiku liila, vhahoozelwa, vhahonjela avhantu vhe vháfishiiye 3,000 ishi.

iMbombo izya Vhatumwa 4:32

Avhantu vhonti vhe vhámwitisile uYeesu, vháamile umwoyo wooka ni nsiivho zyavho zyámile pooka. Atáliipo umuntu we ahayangaga kuuti ivintu vwe ali navwo vwakwe weeka, ivintu vwavho vwonti vhahasanganyaaga pooka.

iMbombo izya Vhatumwa 4:4

Ileelo avhinji muli ivho vhe vhívuuye izwi ilya Mulungu, vhítisile. Pe uvhwinji vhwavho vhe vhámwitisile uYeesu, wuhafishila avhanaavuli vheeka 5,000 ishi.

iMbombo izya Vhatumwa 5:14

Ileelo vhe vhahamwitihaga uMwene uYeesu vhahonjelaga nkaani, avhanaavuli na vhantanda.

iMbombo izya Vhatumwa 6:7

Izwi ilya Mulungu lihajendeelela kukumuha mu vhantu, avhalandati avha Yeesu vhahonjelaga kuvha avhinji mu Yelusaleemu, na vhapuuti avhinji vhoope vhahamwitihaga uYeesu.

2 VaKolinti 10:15

Havhili tutakuyitumvwa kuzya mbombo iya vhantu avhanji. Ileelo tukusuuvhila kuuti vwe ulwitiho lwinyu lukwonjela kukula, pe imbombo yiitu pahati yiinyu yikujendeelela kwonjela.