Yohani 4:3 - ULufingwi uLupwa

³ Lwe uYeesu aamanya kuuti inongwa izyo zyakumuha, aheepa mu shigavho isha nsi isha Yudeeya pooka na vhasundikwa vhaakwe ahasogola mu shigavho isha nsi isha Galilaaya.

Tesitamenti Umupwa 1965

³ pʼahepa mu-Yudayi, ahavala mu-Galilayi nohavili.

Yohani 4:3 ပူးပေါင်းရင်းမြစ်များ

Matayi 10:23

Inga vhakuvhayimvwa mu nkaaya yimo, mushimbililaje mu nkaaya iyamwavho. Nalyoli nkuvhavhuuzya kuuti, te muhaamale kusogola mu nkaaya zyonti izya Isilayeeli she ne Mwana wa Aadamu nshiili kugaluha.

Maliko 3:7

UYeesu aheepa penepo pooka na vhasundikwa vhaakwe, ahasogola kwa sumbi uwa Galilaaya, ni mpuga impiti iya vhantu kufuma mu shigavho isha nsi isha Galilaaya, yihamulandata. Avhantu avhinji kufuma intala inyinji, lwe vhiivwa zyonti zye ahazivhombaga, vhahamwinzila kufuma mu Yelusaleemu na mu shigavho isha nsi isha Yudeeya shonti na mu shigavho isha nsi isha Idumaayi na mwi isyila ilya ijenje uYoolodaani na mu nkaaya iya Tiilo ni Siidoni.

uLuuka 17:11

Lwe uYeesu akusogola ku Yelusaleemu, ahatuuha idala lye lyátuusile mu nshinji iya shigavho isha nsi isha Samaliya ni sha Galilaaya.

Yohani 1:43

Indaavhi yaakwe, uYeesu ahaamula kusogola mu shigavho isha nsi isha Galilaaya. Lwe aafiha, ahamwaga uFiilipo, ahamuvhuuzya ahati, “We Fiilipo, undandate, uvhe we musundikwa.”

Yohani 10:40

Pe uYeesu ahasogola havhili kwi isyila ilya ijenje uYoolodaani, ahafiha pe uYoohani ahozyaga avhantu ku vhwandilo, ahatendama kwekuula.

Yohani 11:54

Kuli izyo, uYeesu ahaleha kujenda apazelu mu shigavho isha nsi isha Yudeeya, pe aheepa nu kusogola papiipi nu luugwa, mu nkaaya iya Eefulayimu. Ahatendama ukwo pooka na vhasundikwa vhaakwe.

Yohani 2:11

UYeesu ávhomvile ishilolesyo ishi mu nkaaya iya Kaana, mu shigavho isha nsi isha Galilaaya. Ishilolesyo isho she sháamile sha kwanda kuvhomba, kulolesya uvhushindamu vhwakwe ku vhantu. Kufumiilana niilyo, avhasundikwa vhaakwe vhahamwitiha.

Yohani 3:22

Lwe ahavhaliilizyo hatuuha hansi, uYeesu na vhasundikwa vhaakwe vhahasogola mu nsi iya Yudeeya. Vhahatendama ku havhaliilizyo hamo mu nsi iyo, umwo ahozyaga avhantu.

Yohani 3:32

Umuntu uyo akuhomeshezya zye azivhwenyi nu kuzyivwa kufuma kwa Mulungu, ileelo avhantu vhansi vhweleele vhe vhakwitiha kuuti zye akuyanga zya nalyoli.

Yohani 4:47

Umulongozi uyo ahiivwa kuuti uYeesu ayinzile havhili mu shigavho isha nsi isha Galilaaya, kufuma mu shigavho isha nsi isha Yudeeya. Ahasogola kwa Yeesu nu kumulaavha nkaani kuuti asogole ku nkaaya iya Kapelanawuumu kumuponia umwana waakwe, mwe pe ávhinile nkaani, asyaye hansi kufwa.

Yohani 7:1

Lwe izyo zyatuuha, uYeesu ahanda kuzyunguula mu shigavho isha nsi isha Galilaaya. Atahanzaga kuzyunguula mu shigavho isha nsi isha Yudeeya, mwe pe avhalongozi avha Vhayuuda vhahanzaga kumugoga.