Yohani 4:24 - ULufingwi uLupwa

²⁴ UMulungu Mupepo, avhantu vhe vhakumupuuta, vhakwanzilwa kumupuuta inza vwe uMupepo waakwe akuvhalongola kumupuuta uweene mu vhwanalyoli.”

Tesitamenti Umupwa 1965

²⁴ UwenʼuMulungu Mupepo, vonti lelo ve vakuputa kukwakwe ve pakuti vaputaje namwa Mupepo wa muhati namuzya nalyoli.

Yohani 4:24 ပူးပေါင်းရင်းမြစ်များ

Yohani 4:23

Ahavhaliilizyo hakwinza, havhili hafisile he avhantu vhe vhakumupuuta uMulungu mu vhwanalyoli, vhalimupuutaga uTaata inza vwe uMupepo waakwe akuvhalongola kumupuuta uweene inza vwe wa nalyoli. UTaata uMulungu akuvhalondola avhantu vhe vhakumupuuta kwi idala ilyo.

2 VaKolinti 1:12

Ishi iswe tukuyitumvwa kuli ili: Tukuyilola mu mooyo giitu kuuti mu nsi umu, inkaani kuli imwe, twálandiiye ku vhugolosu, havhili na ku mwoyo umuzelu kufuma kwa Mulungu. Tutávhomvile vhwevhulo ku vhushindamu vhwitu uvhwa njeele, nkandi ku vhwila uvhwa Mulungu.

2 VaKolinti 3:17

Yeenya, uMwene we wu Mupepo, pe pali uMupepo uwa Mwene pali uvhusatushe.

Filipi 3:3

Iswe twe tutahiliilwe ku wanalyoli, mwe pe tukumupuuta uMulungu kwi idala ilya Mupepo waakwe. Tukuyitumvwizya uChilisiti uYeesu, havhili tutakusuuvhila kutahiililwa.

1 Timoti 1:17

UMulungu wu Mwene uwa shiima, ataliifwa naalumo. Ataliipo umuntu we angamulola uMulungu, havhili ataliipo uMulungu uwunji naawumo. Uweene weeka vhweleele we ahondeeye kuposheela umushinzi, havhili ashindikwaje shiima shiima! Amina.