Yohani 4:23 - ULufingwi uLupwa

²³ Ahavhaliilizyo hakwinza, havhili hafisile he avhantu vhe vhakumupuuta uMulungu mu vhwanalyoli, vhalimupuutaga uTaata inza vwe uMupepo waakwe akuvhalongola kumupuuta uweene inza vwe wa nalyoli. UTaata uMulungu akuvhalondola avhantu vhe vhakumupuuta kwi idala ilyo.

Tesitamenti Umupwa 1965

²³ Ahenʼahavalilizyo nyene he hakwinza, nashinishi halipo, pe vonti ve vakuputa imputo zya nalyoli ve valiputa kwa Tata namwa Mupepo wa muhati namuzya nalyoli. She wope nuTata akwanza ukuti vavanje vovulo venga vakuputa kukwakwe.

Yohani 4:23 ပူးပေါင်းရင်းမြစ်များ

Yohani 1:17

Nkuyanga vhwevhulo, mwe pe uMulungu áfumwizye indajizyo zyakwe kwi idala ilya Moose, ileelo uvhwila nu vhwanalyoli atupiiye kwi idala ilya Yeesu Chilisiti.

Yohani 12:23

UYeesu ahavhaamula ahati, “Ishi ahavhaliilizyo haafiha aha vhushindamu vhwane ne Mwana wa Aadamu kuloleha.

Yohani 16:2

Yeenya, vhalivhashimbizyaga imwe mu masinagoogi. Havhili, ahavhaliilizyo hakwinza he inga umuntu amugoga wumo muli imwe, alisiivhaga kuuti akuvhomba mbombo ya Mulungu.

Yohani 16:32

Yeenyi, ahavhaliilizyo hapalamiiye, havhili hali papiipi nkaani, he mwenti kwe musataane. Mwenti kwe musogole ukwinyu nu kundeha neeka. Ileelo ine ntali neeka, mwe pe uTaata ali pooka niine.

Yohani 4:21

UYeesu ahamwamula ahati, “We maayi, yitiiha zye nkuyanga kuuti zya nalyoli, ahavhaliilizyo hakwinza he te muhamupuutaje uTaata mwi igamba ili, poosye ku Nyumba iMfinjile iya ku Yelusaleemu.

Yohani 5:25

Nalyoli nkuvhavhuuzya kuuti, ahavhaliilizyo hakwinza, havhili hafisile, he avhafwe vhaliyiivwa zye ine ne Mwana wa Mulungu nkuyanga. Pe vhonti vhe vhaliyiivwa nu kwitiha, vhaliivha nu vhulanzi uvhwa shiima.

Yohani 5:28

Mutasukumilaje amazwi iga! Haliyinza ahavhaliilizyo he avhafwe vhonti vhaliyiivwa lwe nkuvhiita,

VaLoma 1:9

UMulungu we nkumuvhombela ku mwoyo waane wonti, lwe nkuvhalumbiilila avhantu avhanji Izwi iLyinza ilya Mwana waakwe, wu hoome waane. Amanyile vwe nkuvhalaavhila imwe ahavhaliilizyo honti ishisita kulita.

VaLoma 8:15

Yeenya, uMupepo uwa Mulungu atakutupela kuvha twe vhazya vhe vhakumwogopa uMulungu, nkandi tukuvha twe vhaana vhaakwe nu kumwita uweene kuuti, “Taata wiitu.”

VaLoma 8:26

Pooka niizyo, uMupepo uMufinjile we akutwavwaga mu vhuyeyevhazu vhwitu, mwe pe iswe tutamanyile vwe yikwanzilwa kulaavha, nkandi uMupepo uMufinjile wuuyo akutulaavhila ku nkuuta iya vhuswimiilizu ye yitangalondovholwa.

VaGalati 4:6

Ishi, mwe pe twe vhaana vhaakwe, uMulungu amusonteleziizye uMupepo uwa Mwana waakwe mu mooyo giitu, uMupepo we akutuvhiiha kuuti tumwitaje uMulungu tutinji, “Aba,” kwe kuuti, “Taata.”

VaEfeso 6:18

Ishi vhamwitu, ahavhaliilizyo honti mulaavhaje ku mpuuto zyonti inza vwe uMupepo uMufinjile akuvhalongola. Kuvhomba isho, muvhanje minso, mutalitaje kuvhalaavhila avhafinjile vhonti.

Filipi 3:3

Iswe twe tutahiliilwe ku wanalyoli, mwe pe tukumupuuta uMulungu kwi idala ilya Mupepo waakwe. Tukuyitumvwizya uChilisiti uYeesu, havhili tutakusuuvhila kutahiililwa.

1 Peteli 2:9

Ileelo uMulungu ávhasavhuuye imwe kuvha mwe vhantu vhaakwe. Imwe mwe vhapuuti mu vhumwene vhwakwe, havhili mwe vhantu avhafinjile. UMulungu ávhasavhuuye imwe, inga mukumusyaje imbombo zyakwe impiti. Uweene ávhiisite kufuma mu shiisi nu kuvhinjizya mu vhuzelu vhwakwe uvhupiti.