Yohani 4:14 - ULufingwi uLupwa

¹⁴ Ileelo umuntu we akumwela aminzi ge ine nkuumupa, te ahuumilwe ishinyooto havhili. Aminzi ge ine nkuumupa, galiivha inza ishiduda isha minzi muhati yaakwe she shitakwuma naalumo nu kuumupa uvhulanzi uvhwa shiima.”

Tesitamenti Umupwa 1965

¹⁴ Nkandʼuno wengʼakungʼwelʼaminzi genga nkumupʼine, wʼataliyumilwa nalumo ndali, aminzi gugo ge nkumupʼine, ge gakuyipelʼukuvʼishiduda sha minzi mumwakwe, ge gakuduvuha gakuvalʼukufiha nakuvulanzi vwa shimashima.

Yohani 4:14 ပူးပေါင်းရင်းမြစ်များ

Matayi 25:46

“Pe avhatalamalandu vhaliyeepa nu kusogola kwi isunde ilya shiima. Ileelo avhagolosu, vhaliyinjila mu vhulanzi uvhwa shiima.”

Matayi 5:6

Vhalosiitwe vhe vhali ni nzala ni shinyooto isha vhugolosu, mwe pe vhaliyiikuta.

Yohani 10:10

Umwivha akwinza ni nsiivho izya kwivha nu kugoga nu kunanganya. Ileelo ine ninzile, inga zivhe nu vhulanzi, havhili zivhe navhwo ku vhwinji.

Yohani 11:26

Woope we mulanzi, havhili akuniitiha ine, te ahaafwe naalumo. Vhuli, ukuzyitiha izyo?”

Yohani 4:10

UYeesu ahamwamula ahati, “Inga waamanyile she uMulungu akwanza kuukupa, havhili kuuti wu naanu we akukulaavha aminzi aga kumwela, waamile undaavhaje, niine naamile inkupanje aminzi ge gakuuvhapa avhantu uvhulanzi.”

Yohani 4:11

Umwantanda uyo ahamwamula uYeesu ahati, “We mwene, iwe utali nu lukusa, poosye ishiliilo isha kutapila aminzi, havhili ishifula ishi shivhiiye nkaani, ishi kwe ugaaje kwoshi aminzi igo ge gakuuvhapa avhantu uvhulanzi?

Yohani 4:13

Pe uYeesu ahamwamula ahati, “Umuntu wonti we akumwela aminzi ge gakufuma mu shifula ishi, akwumilwa ni shinyooto havhili.

Yohani 4:36

We akuvuna akuposheela amalipilo gaakwe. Akuvhungaaniha mu shanga shaakwe vwe avunile, kwe kuuti uvhulanzi uvhwa shiima. Kuli izyo, we akuvhwala na we akuvuna vhonti vhaliseshela pooka.

Yohani 6:27

Mutavhombaje imbombo ku nsiivho izya kushaaga ishaakulya she shikunanjiha, nkandi muvhombaje ku nsiivho izya shaakulya she shitakunanjiha, she shikuvhavhiiha kuvha nu vhulanzi uvhwa shiima. Ine ne Mwana wa Aadamu nkuuvhapa avhantu ishaakulya isho, mwe pe uTaata uMulungu ampiiye amaha aga kuvhomba izyo.”

Yohani 6:35

UYeesu ahavhaamula ahati, “Ine ne ne shaakulya she shikuuvhapa avhantu uvhulanzi. Umuntu wonti we akwinza ku kwane nu kuniitiha, inzala ni shinyooto te vihamulume naalumo.

Yohani 6:58

Ine ne shaakulya she shifumile kwa Mulungu. Ishaakulya she shitaholiine na shiila she vhahalyanga avhataata vhiitu. Avheene vháliiye nu kufwa. Ileelo umuntu wonti we akulya ishaakulya ishi, kwe avhe nu vhulanzi uvhwa shiima.”

Yohani 7:37

Isiku ilya vhusililishilo ilya shikulukuulu isha vwegwi, lyáli lisiku ipiti nkaani. Pe uYeesu ahimiilila pa Nyumba iMfinjile, ahayanga kwi izwi ipiti ahati, “Umuntu wonti we ali ni shinyooto, ayinze ku kwane amwele.

VaLoma 5:21

Pe ishi, inza vwe uvhutalamalandu vhwámile na maha aga kuvhakonzya avhantu nu kuvhapelela uvhufwe, vhwevhulo kwi idala ilya kuvhavhaazya kuuti vhagolosu, uvhwila uvhwa Mulungu vhukuvhakonzya avhantu nu kuvhapelela uvhulanzi uvhwa shiima kwi idala ilya Yeesu Chilisiti uMwene wiitu.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

2 VaKolinti 1:22

nu kutuvhiiha ishilemezanyo kuvha swe vhantu vhaakwe, nu kumuvhiiha mu mooyo giitu uMupepo uMufinjile, inga avhe wu hapinjiha ku zye áfinzile kuutupa.

VaEfeso 4:30

Mutamuvhiihaje uMupepo uMufinjile kuuti aswimililwaje. Uweene shilemezanyo isha kulolesya kuuti, mwe vhantu vha Mulungu, havhili akuhomeshezya kuuti isiku liliyinza lye uMulungu alivhatavhula imwe.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.

Ishitushizya 7:16

Te vhahaalole inzala naalumo poosye ishinyooto, havhili izuvha te lihavhooshe poosye ilunguula.

Ishitushizya 7:17

Mwe pe aHagonzi aha MWENE uMulungu he hali pamwanya pa shitengo isha vhumwene halivhadiima. Hoope halivhatwala ku viduda ivwa minzi ge gakufumwa uvhulanzi. Havhili uMulungu woope alivhasyumula amansozi gonti ku minso gaavho.’”