Yohani 3:5 - ULufingwi uLupwa

⁵ UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu inga atapafwilwe kwi idala ilya minzi ni lya Mupepo uwa Mulungu.

Tesitamenti Umupwa 1965

⁵ AhamulʼuYesu ahati: Nalyoli lyoli nkukuvuzyʼine nkuti: Umuntu ingʼatakupapwa nakuminzi nakwa Mupepo, pʼakupotwa ukwinjila mushinamwene sha Mulungu.

Yohani 3:5 ပူးပေါင်းရင်းမြစ်များ

Matayi 18:3

Ahayanga ahati, “Nalyoli nkuvhavhuuzya kuuti, inga mutakwanduha nu kuvha inza avhaana avhansi, te muhinjile naalumo mu vhumwene uvhwa Mulungu.

Matayi 19:24

Havhili nkuvhavhuuzya kuuti, shipupuusu nkaani ingamila kutuuha pi indovhoolwi ilya nsindaani, kuluusya udumbwe kwinjila mu vhumwene uvhwa Mulungu.”

Matayi 21:31

Vhuli, muli ivho vhavhili, wu naanu we ávhomvile inza vwe uyise ahanzaga?” Vhahamwamula vhahati, “We wula umutanzi.” Pe uYeesu ahavhavhuuzya ahati, “Nalyoli nkuvhavhuuzya kuuti, avhasonchezya musonko na vhamalaaya vhalivhalongolela kwinjila mu vhumwene uvhwa Mulungu.

Matayi 28:19

Ishi musogole ku vhantu avha mu nsi zyonti nu kuvhapela kuvha vhasundikwa vhaane. Muvhombaje isho, kwi idala ilya kuvhoozya kwi izina ilya Taata ni lya Mwana ni lya Mupepo uMufinjile,

Matayi 3:11

“Nalyoli ine nkuvhoozya na minzi kulolesya kuuti mwatonta uvhutalamalandu vhwinyu. Ileelo akwinza mwisinda lyane we ali na maha kunduusya ine, we ine ntahondeeye poosye kuvha ne muvhomvi uwa kuvhuusya ivilyatu vwake. Uyo we kwe avhoozye nu Mupepo uMufinjile nu mwoto.

Matayi 5:20

Nalyoli nkuvhavhuuzya kuuti, inga uvhugolosu vhwinyu vhutakushila uvhwa vhasambiilizi avha ndajizyo izya Moose nu vhwa Vhafalisaayi, te muhinjile naalumo mu vhumwene uvhwa Mulungu.”

Maliko 10:14

Ileelo uYeesu atahasungwa lwe aalola vhakuvhadindila, ahati, “Vhaleshi avhaana ivho vhinze kuli ine, mutavhadindaje ndaali, mwe pe uvhumwene uvhwa Mulungu vhwa vhantu vhe vhali inza avhaana ivho.

Maliko 16:16

Umuntu wonti we ayiitiha nu kwozelwa we aliipokwa, ileelo we atakwitiha alilongwa.

Maliko 9:47

Havhili, inga ilyinso lyaho likukupelela kuuti uvhombe uvhutalamalandu, ulifwonkole nu kulisumba ukutali! Yeenya, kwashi kwinjila mu vhumwene uvhwa Mulungu ni lyinso lyoka, kuluusya kusumbilwa mwi ipalaazya ilya mwoto uwa shiima na minso gonti gavhili.

uLuuka 13:24

“Kwinjila mu vhumwene uvhwa Mulungu, kuli inza kwinjila pa mulyango umufinyanu. Nalyoli nkuvhavhuuzya vhwevhulo, mwe pe avhinji vhaliinyonywa kwinjila ileelo vhalipootwa. Ishi imwe muyikungulaje nkaani kwinjila.

uLuuka 13:3

Te vwe zili haa! Ileelo niimwe muliilovha mwenti, inga mutakutonta uvhutalamalandu vhwinyu!

uLuuka 13:5

Te vwe zili haa! Ileelo niimwe muliilovha mwenti, inga mutakutonta uvhutalamalandu vhwinyu!”

Yohani 1:13

Ivho vhe vhaana vha Mulungu, ileelo te kulandatana ni shifumo shaavho, poosye kulandatana nu kupaapwa kwi idala ilya kuhomaana umwanaavuli nu mwantanda, poosye ku lukasamo ulwa muntu, uMulungu wuuyo we avhavhiisile kuvha vhaana vhaakwe.

Yohani 3:3

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu, inga atapafwilwe ulwa vhuvhili.”

Yohani 3:4

UNikodeemo ahamuvhuziilizya uYeesu ahati, “Vhuli, umuntu umugoosi angapaapwa vhuli ulwa vhuvhili? Vhuli, anginjila havhili mu lwanda ulwa nyina inga apaapwe?”

iMbombo izya Vhatumwa 2:38

UPeeteli ahavhaamula ahati, “Mwenti mupindushe nu kwozelwa kwi izina ilya Yeesu Chilisiti, inga muswilwe uvhutalamalandu vhwinyu nu kuposheela ishikunjilwa, kwe kuuti uMupepo uMufinjile.

iMbombo izya Vhatumwa 3:19

Ishi pinduushi nu kuzileha imbiivhi zyinyu, mumulandate uMulungu inga avhaswile uvhutalamalandu vhwinyu. Pe haliyinza ahavhaliilizyo he mulisankaana, mwe pe muliivha nu MWENE uMulungu.

VaLoma 14:17

Yeenya, uvhumwene uvhwa Mulungu vhutakuloleha mu vwe tukulya poosye kumwela, nkandi vhukuloleha mu lujendo lwitu ulwa vhugolosu nu vhutehamu nu luseshelo lwe lukufuma kwa Mupepo uMufinjile.

VaLoma 8:2

Mwe pe uMupepo uMufinjile we akuuvhapa uvhulanzi, avhavhiisile kuvha mwe vhasatushe, inga muleshe kulongolwa nu vhutalamalandu vhwe vhukuvhapelela avhantu uvhufwe. Avhomvile vhwevhulo kwi idala ilya Chilisiti uYeesu.

1 VaKolinti 15:50

Vhamwitu, nkuyanga nkuti amavhili giitu aga pa nsi ipa, gatanginjila mu vhumwene uvhwa Mulungu. She shikufwa nu kuvhola, shitangavha nu vhulanzi uvhwa shiima.

1 VaKolinti 2:12

Niiswe, tutaposheleeye impepo izya mu nsi umu, nkandi uMupepo we akufuma kwa Mulungu, inga tuzimanyaje zye tupeliilwe nu Mulungu.

1 VaKolinti 6:11

Vhamo muli imwe vháali inza vhwevhulo. Ileelo ishi, uMulungu avhazelufwizye nu kuvhavhiiha kuvha mwe vhantu vhaakwe, nu kuvhavhaazya kuuti mwe vhagolosu pilongolela lyakwe, kwi izina ilya Mwene wiitu uYeesu Chilisiti na ku maha aga Mupepo uwa Mulungu wiitu.

VaGalati 6:15

Kutahiililwa, poosye kuvha ishisita kutahiililwa, vwonti vitali nu vhumwamu naavhumo, she shili nu vhumwamu, kwe kupelwa vhupwa nu Mulungu.

VaEfeso 5:26

Áyifumwizye kufwa, inga ashizelufwe ishivhanza, áshoziizye na minzi nu kushizelufwa kwi izwi lyakwe.

1 Peteli 1:2

UTaata uMulungu ávhasavhuuye imwe kulandatana nu lukasamo lwakwe, havhili ávhazelufwizye kwi idala ilya Mupepo waakwe. Ávhomvile vhwevhulo, inga mumushindihaje uYeesu Chilisiti, we ávhazelufwizye na mavhanda gaakwe. UMulungu ayonjezye kuvhafwila uvhwila nu kuuvhapa uvhutehamu ku vhwinji.

1 Peteli 3:21

Aminzi igo sháamile shiholanyo isha lwozyo ulwa havhaliilizyo iha, ulwa kuvhapoha imwe kwi idala ilya kuzyuha uYeesu Chilisiti. Kwozelwa te kwe kugeeza, inga uyeefwe intavu mu muvhili, nkandi lufingwi kwa Mulungu lwe lukuvhombeha ku mwoyo umwinza.

1 Yohani 2:29

Mwe pe mumanyile kuuti uChilisiti mugolosu, pe mumanye kuuti wonti we akuvhomba ingolosu, we mwana wa Mulungu.

1 Yohani 5:1

Umuntu wonti we akwitiha kuuti uYeesu wu Chilisiti, uyo we mwana wa Mulungu. Havhili umuntu wonti we akumukunda uyise, akumukunda nu mwana waakwe.