Yohani 3:36 - ULufingwi uLupwa

³⁶ Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

Tesitamenti Umupwa 1965

³⁶ Uno wengʼamwitisilʼuMwana, wʼali navwʼuvulanzi vwa shimashima. Nkandʼuno wengʼakusufwʼuMwana, wʼataliyenya uvulanzi ndali, vwe vuhalazu vwa Mulungu vwe vukulinda papakwe.

Yohani 3:36 ပူးပေါင်းရင်းမြစ်များ

Matayi 25:46

“Pe avhatalamalandu vhaliyeepa nu kusogola kwi isunde ilya shiima. Ileelo avhagolosu, vhaliyinjila mu vhulanzi uvhwa shiima.”

Maliko 16:16

Umuntu wonti we ayiitiha nu kwozelwa we aliipokwa, ileelo we atakwitiha alilongwa.

uLuuka 2:30

Aminso gaane gamulola uMuposhi,

uLuuka 3:6

Pe avhantu vhonti vhalivhulola uvhuposhi uvhwa Mulungu.’”

Yohani 1:12

Ileelo vhaala vhe vhámuposheleeye nu kumwitiha, ávhavhiisile kuvha vhaana vha Mulungu.

Yohani 10:28

Ine nkuuzipa uvhulanzi uvhwa shiima, te zihateeje naalumo. Havhili ataliipo umuntu we angazifwula ku maha kufuma mu nyoovhe zyane.

Yohani 3:3

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu, inga atapafwilwe ulwa vhuvhili.”

Yohani 4:36

We akuvuna akuposheela amalipilo gaakwe. Akuvhungaaniha mu shanga shaakwe vwe avunile, kwe kuuti uvhulanzi uvhwa shiima. Kuli izyo, we akuvhwala na we akuvuna vhonti vhaliseshela pooka.

Yohani 5:24

“Nalyoli nkuvhavhuuzya kuuti, avhantu vhonti vhe vhakwivwa amazwi gaane nu kumwitiha uMulungu we ansonteleziizye ine, vhali nu vhulanzi uvhwa shiima. Te vhahalongwe ku vhutalamalandu vhwavho. Avheene vhatuusile kufuma mu vhufwe nu kwinjila mu vhulanzi uvhwa shiima.

Yohani 6:58

Ine ne shaakulya she shifumile kwa Mulungu. Ishaakulya she shitaholiine na shiila she vhahalyanga avhataata vhiitu. Avheene vháliiye nu kufwa. Ileelo umuntu wonti we akulya ishaakulya ishi, kwe avhe nu vhulanzi uvhwa shiima.”

Yohani 8:51

Nalyoli kuvhavhuuzya kuuti, umuntu wonti we akuzilandata zye nkusambiilizya, te ahaafwe naalumo.”

iMbombo izya Vhatumwa 14:2

Ileelo aVhayuuda vhamo vhahahaana kumwitiha uYeesu. Ivho vhahanda kuvhasonjeelezya vhe te Vhayuuda, kuuti vhavhaviitilwe avhiitisi.

VaLoma 4:15

mwe pe indajizyo zikuleeta uvhuhalazu uvhwa Mulungu. Ileelo inga indajizyo zitaliipo, pe kutaliipo kushilanya indajizyo.

VaLoma 5:9

Ishi, mwe pe tuvhaziliilwe kuuti twe vhagolosu kwi idala ilya mavhanda aga Yeesu, pe nalyoli kwi idala ilya Yeesu, tuliipokwa ku vhuhalazu uvhwa Mulungu.

VaLoma 8:1

Pe ishi, kwandila ahavhaliilizyo iha uMulungu te aavhape isunde vhaala vhe vhasopenkiine nu Chilisiti uYeesu.

VaGalati 3:10

Ileelo vhonti vhe vhakusuuvhila kuvhomba zye zikwanzilwa ni ndajizyo, vhali mu ntipo. Nkuyanga vhwevhulo, mwe pe uVhusimbe uVhufinjile vhukuti, “Umuntu wonti we atakujendeelela kulandata zye zisimviilwe mwi ikalaata ilya ndajizyo, atifiilwe.”

VaEfeso 5:6

Mutahiitishe umuntu wonti kuvhahopenkanya ku mazwi aga shaaha, mwe pe uMulungu aliivhapa isunde ipiti avhantu vhe vhatakumushindiha ku mbiivhi zyonti zye navhavhuuzya.

1 VaTesaloniki 1:10

nu kumuguliilila uMwana waakwe uYeesu kufuma ku mwanya. Uweene we uMulungu ámuzyusiizye, havhili we akutupoha mu vhuhalazu uvhwa Mulungu vhwe vhukwinza.

1 VaTesaloniki 5:9

Mwe pe uMulungu atátusavhuuye iswe inga atulovwe ku vhuhalazu vhwakwe, nkandi átusavhuuye inga tuvhwaje uvhuposhi kwi idala ilya Mwene wiitu uYeesu Chilisiti.

VaHebuli 10:29

Ishi sivhiliili umuntu we akumusuufwa uMwana wa Mulungu. Isunde lyakwe liliivha vhuli? Havhili, yiliivha vhuli kwa ula we amavhanda aga lufingwi ulwa Mulungu gamuzelufwizye, ileelo uweene akugalola te shintu? Havhili, yiliivha vhuli kwa ula we akumusaamula uMupepo uwa Mulungu we akuvhafwila uvhwila avhantu vhaakwe? Nalyoli isunde lyavho ivho liliivha lipiti, havhili lihali nkaani.

VaHebuli 2:3

Pe ishi, iswe tungaapona inza vhuli kupeelwa isunde, inga tutakuvhusaajila uvhuposhi uvhupiti inza uvhu? UMwene uYeesu wuuyo we átalisile kuvhukumusya uvhuposhi uvhwo, na vhantu vhe vhámwivuuye vhe vhátuhomesheziizye kuuti vhwáli vhwa nalyoli.

VaHebuli 3:18

Havhili ishi vhe vha naanu vhe uMulungu álafile átili te vhahinjile pa lutuuzyo lwakwe, lwe avhasenganiziinye? Vhuli, te vhe vhala vhe vháhaanile kumushindiha?

VaHebuli 3:19

Ishi tumanyile kuuti avhantu ivho vháposiitwe kwinjila pa lutuuzyo ulwo, mwe pe vhatámwitisile uMulungu.

Ishitushizya 21:8

Ileelo avhantu avha ilyoga na vhe vhatakwitiha na vhapoopo na vhagozi na vhalugusu na vhalozi na vhe vhakupuuta iviholanyo na vha ilenga vhonti, uvhuyo vhwavho vhuliivha mwa sumbi ula we akwaha umwoto ni mbaluuti. Uwo we vhufwe uvhwa vhuvhili.”