Yohani 3:27 - ULufingwi uLupwa

²⁷ UYoohani ahavhaamula ahati, “Umuntu atangavha ni shintu, inga uMulungu atamupiiye.

Tesitamenti Umupwa 1965

²⁷ AhamulʼuYohani ahati: Numʼumuntu atakuyisendela naṿimo weka ṿwʼatapelilwe ukufuma kumwanya.

Yohani 3:27 ပူးပေါင်းရင်းမြစ်များ

Matayi 21:25

Vhuli, amaha aga Yoohani aga kwozya avhantu gáfumile kwoshi? Gáfumile kwa Mulungu, pamo ku vhantu?” Pe vhahapanzanya vhahati, “Inga twati gáfumile kwa Mulungu, kwe ati, ‘Pe shooni she mutámwitisile?’

Matayi 25:15

Ahaavhapa italanta avhavhomvi vhonti kulandatana nu vhuvhomvi vhwavho. Wooka ahaamupa italanta zisaano, uwamwavho zivhili nu wamwavho yooka, pe ahashuula.

Maliko 13:34

Ishiholanyo isha kugaluha kwane shili ngati muntu we akushuula, ahayileha inyumba yaakwe na vhazya vhaakwe, ahaavhapa vhonti amaha ni mbombo zyavho. Ahamulajizya umuguulizi uwa mulyango ahati, ‘Uvhanje minso.’

Yohani 10:41

Lwe uYeesu ashiili ali kwekuula, avhantu avhinji vhahamwinzila nu kuyanga kuuti, “UYoohani atávhomvile ishilolesyo naashimo, ileelo inongwa zyonti zye ahaziyangaga izya muntu uno zya nalyoli.”

Yohani 6:65

Pe ahajendeelela kuyanga kuuti, “Ino ye nongwa nkuvhavhuuzya kuuti, ataliipo umuntu we anginza ku kwane inga uTaata waane atamulongooye.”

VaLoma 1:5

Kutuushila ku kwakwe, uMulungu ámfwiliiye uvhwila nu kumbiiha kuvha ne mutumwa. Ávhomvile vhwevhulo, inga mbiitaje avhantu vhonti vhe te Vhayuuda, kuuti vhamwitihaje uMwene uYeesu nu kulandata zye uweene akwanza.

VaLoma 12:6

Kuli izyo, tupeliilwe ivikunjilwa vwe vikusugaana, kulandatana nu vhwila vhwe tupeliilwe. We ali ni shikunjilwa isha vhukuvhwi, akuvhwaje kulandatana nu lwitiho lwakwe.

1 VaKolinti 1:1

Ukalaata uno nsimvile neene ne Paavhuli, ne uMulungu aniisite kuuti mbe ne mutumwa uwa Chilisiti uYeesu ku lukasamo lwakwe. Ine nu wamwitu uSositeeni,

1 VaKolinti 12:11

Imbombo zyonti izyo akuzivhomba uMupepo wunuuyo, akuumupa umuntu ishikunjilwa shaakwe inza vwe akasiime wuuyo.

1 VaKolinti 15:10

Ileelo uvhwila uvhwa Mulungu vhwe vhumbiisile kuvha ne mutumwa. Havhili uvhwila vhwakwe kuli ine vhutáali vhwa vhweleele, mwe pe kutuushila uvhwila uvhwo, mbomvile imbombo kuluusya avhatumwa vhonti. Ntavhomvile izyo ku maha gaane, ileelo uMulungu ku vhwila vhwakwe we ali pooka niine.

1 VaKolinti 3:5

Ishi uApoolo wu naanu? Niine ne Paavhuli ne naanu? Iswe twe vhavhomvi vhweleele vhe uMulungu átusonteleziizye kuvhaavwa imwe kumwitiha uYeesu Chilisiti. Iswe swenti tuvhomvile inza vwe uMwene uYeesu átupiiye.

1 VaKolinti 4:7

Vhuli, wu naanu, we akuvhiisile uyilole kuuti, uhondeeye nkaani kuluusya avhanji? Shintu vhuli she uli nasho she uMulungu atakupiiye? Ileelo inga akupiiye, shooni she ukuyitumvwa ngati atakupiiye?

VaGalati 1:1

Ukalaata uno nsimvile neene ne Paavhuli ne mutumwa. Ine ntátumiilwe na vhantu, poosye kusaavhulwa nu muntu wonti, nátumiilwe nu Yeesu Chilisiti, nu Taata uMulungu we ámuzyusiizye uYeesu.

VaEfeso 1:1

Ukalaata uno nsimvile neene ne Paavhuli ne mutumwa uwa Chilisiti uYeesu. Násavhuliilwe kuvha ne mutumwa ku lukasamo ulwa Mulungu. Nkuvhasimbila imwe mwe mukutendama mu nkaaya iya Hefeeso, mwe vhafinjile avhatungamu avha Chilisiti uYeesu.

1 Timoti 2:7

Ku vhwahoome uvhwo, mbisiilwe kuvha ne hakumusya havhili ne mutumwa, kuzya kusambiilizya avhantu vhe te Vhayuuda kuuti vhoope vhamwitishe mu vhwanalyoli. Izi zye nkuyanga zya nalyoli, te zya ilenga!

Yakobu 1:17

Ivintu vwonti ivwinza ni vipeelwa vwonti ivwinza vikufuma ku mwanya kwa Taata uMulungu, uMupezi uwa vintu vwonti ivwa kumwanya vwe vili nu vhuzelu. Vwe vili nu vhuzelu ivwo vitakuhozya ahavhaliilizyo honti, ahavhaliilizyo hamo vikuzima. Ileelo uweene uMulungu atakwanduha, havhili atakugalunkana inza ishinzyunguuli vwe shikugalunkana.