Yohani 3:26 - ULufingwi uLupwa

²⁶ Pe vhahasogola kwa Yoohani uMwozyi, vhahamuvhuuzya vhahati, “We musambiilizi, umuntu we waamile nawo kwi isyila ilya ijenje uYoolodaani, we waatuvhuziizye inongwa zyakwe, woope akwozya avhantu. Havhili avhantu avhinji vhakusogola ku kwakwe kuluusya ku kwaho.”

Tesitamenti Umupwa 1965

²⁶ Vahajenda kwa Yohani vahamuvuzya vahati: Labi, umuntʼula we wali nawo isyila lila lya Yolidani, ula wʼuhamuhomeshezya, yenya, wope akuvozyʼavantu, vonti vakumwinzila.

Yohani 3:26 ပူးပေါင်းရင်းမြစ်များ

Matayi 23:7

Havhili, vhakusungwa avhantu vhavhalamuhaje ku mushinzi lwe vhali mu madala nu kuuti vhavhiitaje vhatinji, ‘We musambiilizi.’

Matayi 23:8

“Ileelo imwe mutitihaje lwe vhakuvhiita kuuti, ‘We musambiilizi!’ Nkuyanga vhwevhulo, mwe pe muli nu Musambiilizi wooka vhweleele, niimwe mwenti mwe vhasundikwa vhaakwe.

Yohani 1:15

UYoohani ahavhahomeshezya avhantu inongwa izya muntu uyo, ahayanga kwi izwi ipiti, ahati, “Uno we nkavhavhuzyaga kuuti, ‘Aliyinza umuntu wumo mwisinda lyane, we mupiti kunduusya ine, mwe pe uweene áliipo lwe ine nshiili kupaapwa.’”

Yohani 1:7

UYoohani áyinzile kuvhahomeshezya avhantu izya vhuzelu uvhwo, inga kutuushila ku kwakwe avhantu vhonti vhavhwitishe.

Yohani 1:9

Uvhuzelu uvhwo vhwáli vhwa nalyoli, vhuhinza mu nsi umu nu kuvhahozezya avhantu vhonti.

Yohani 11:48

Inga twamuleha vhweleele kuuti avhombaje ivilolesyo ivwo, avhantu vhonti kwe vhamwitishe. Pe aVhaluumi kwe vhinze kunanganya iNyumba iMfinjile ni nsi yiitu.”

Yohani 12:19

Lwe aVhafalisaayi vhaalola vwe avhantu vhamuposheela uYeesu, vhahavhuzilizanya vhuuvho vheeka vhahati, “Vhuli, mwalola? Tutangavhomba naashimo! Yeenya, avhantu vhonti vhakumulandata uweene.”

Yohani 3:2

Isiku limo uvhusiku, uNikodeemo ahasogola kwa Yeesu, ahamuvhuuzya ahati, “We Musambiilizi, tumanyile kuuti iwe we Musambiilizi we uMulungu akusonteleziizye, mwe pe ataliipo umuntu we angavhomba ivilolesyo vwe ukuvhomba inga uMulungu atali pooka nawo.”

Yohani 4:1

Pe aVhafalisaayi vhahiivwa kuuti uYeesu akwozya avhantu nu kuvha na vhasundikwa avhinji kuluusya uYoohani uMwozyi.

Yohani 4:2

Ileelo uvhwanalyoli uYeesu atahozyaga, nkandi avhasundikwa vhaakwe vhe vhahozyaga.

Yohani 4:31

Lwe avhantu vhaala vhashiili kufiha, avhasundikwa vhaakwe vhahamulaavha vhahati, “We Musambiilizi, nzaaga ulye ishaakulya.”

Yohani 5:33

Imwe mwaavhasonteleziizye avhantu kwa Yoohani uMwozyi, woope ahomesheziizye izya nalyoli ku zyane.