Yohani 3:22 - ULufingwi uLupwa

²² Lwe ahavhaliilizyo hatuuha hansi, uYeesu na vhasundikwa vhaakwe vhahasogola mu nsi iya Yudeeya. Vhahatendama ku havhaliilizyo hamo mu nsi iyo, umwo ahozyaga avhantu.

Tesitamenti Umupwa 1965

²² Pisinda pazinizi pʼuYesu ahavala munsi ya mu-Yudayi navasundikwa vakwe. Mwe vahadila, ahozya.

Yohani 3:22 ပူးပေါင်းရင်းမြစ်များ

Yohani 2:13

Lwe ahavhaliilizyo aha shikulukuulu isha Vhayuuda isha Pasaaka hapalamila, uYeesu ahazuvha ku Yelusaleemu.

Yohani 2:2

UYeesu na vhasundikwa vhaakwe vhoope vhálanjiliilwe, vháliipo pa winga uwo.

Yohani 3:23

Ahavhaliilizyo hehaala, woope uYoohani uMwozyi ahozyaga avhantu mu nkaaya iya Ayinooni, papiipi ni nkaaya iya Saleemu, mwe pe ukwo kwámile aminzi aminji. Avhantu avhinji vhahasogolaga ku kwakwe, inga avhoozye.

Yohani 3:26

Pe vhahasogola kwa Yoohani uMwozyi, vhahamuvhuuzya vhahati, “We musambiilizi, umuntu we waamile nawo kwi isyila ilya ijenje uYoolodaani, we waatuvhuziizye inongwa zyakwe, woope akwozya avhantu. Havhili avhantu avhinji vhakusogola ku kwakwe kuluusya ku kwaho.”

Yohani 7:3

Pe avhanine avha shanaavuli avha Yeesu vhahamuvhuuzya vhahati, “Uyeepe ipa, usogole mu Yudeeya, inga avhalandati vhaaho vhoope vhasogole vhazilole imbombo zye ukuvhomba.