Yohani 3:21 - ULufingwi uLupwa

²¹ Ileelo avhantu vhonti vhe vhakuvhomba izya nalyoli vhakusogola ku vhuzelu uvhwo, inga imbombo zyavho ziloleshe apazelu kuuti zikuvhombwa inza vwe uMulungu akwanza.”

Tesitamenti Umupwa 1965

²¹ Avene nyene ve vakuvomba izya nalyoli, avene vakuvala nakuluhozyo, she vakuti zilolehaje zye vavomṿile ukuti vazivomṿile mwe mwa Mulungu.

Yohani 3:21 ပူးပေါင်းရင်းမြစ်များ

Yohani 1:47

Lwe uYeesu amulola uNasaniyeeli akwinza ku kwakwe, ahayanga inongwa zyakwe ahati, “Yeenya, umuntu uyo we akwinza, Mwisilayeeli uwa nalyoli we atapezile alume ilenga naalumo.”

Yohani 3:20

Avhantu vhonti vhe vhakuvhomba imbiivhi, vhakuvhuviitilwa uvhuzelu uvhwo. Havhili vhatakwanza kusogola kwe uvhuzelu vhuli, vhakuvhomba isho inga imbiivhi zyavho zitahaloleshe apazelu.

Yohani 5:39

Mukuvhaazya ku mute uVhusimbe uVhufinjile, mwe pe mukusiivha kuuti, umwo mungavhwaga uvhulanzi uvhwa shiima. Nalyoli uVhusimbe uvhwo vhukuhomeshezya inongwa zyane.

Yohani 7:17

Umuntu wonti we akwanza kuvhomba zye uMulungu akasiime, akumanya kuuti insambiilizyo izi zifumile kwa Mulungu, havhili akumanya kuuti ntakuyanga ku maha gaane.

1 VaKolinti 15:10

Ileelo uvhwila uvhwa Mulungu vhwe vhumbiisile kuvha ne mutumwa. Havhili uvhwila vhwakwe kuli ine vhutáali vhwa vhweleele, mwe pe kutuushila uvhwila uvhwo, mbomvile imbombo kuluusya avhatumwa vhonti. Ntavhomvile izyo ku maha gaane, ileelo uMulungu ku vhwila vhwakwe we ali pooka niine.

2 VaKolinti 1:12

Ishi iswe tukuyitumvwa kuli ili: Tukuyilola mu mooyo giitu kuuti mu nsi umu, inkaani kuli imwe, twálandiiye ku vhugolosu, havhili na ku mwoyo umuzelu kufuma kwa Mulungu. Tutávhomvile vhwevhulo ku vhushindamu vhwitu uvhwa njeele, nkandi ku vhwila uvhwa Mulungu.

VaGalati 6:8

Yeenya, we akuvhulandata uvhuntu uvhwa vhutalamalandu, aliivuna uvhufwe. Ileelo we akumulandata uMupepo uMufinjile, aliivuna kufuma ku kwakwe uvhulanzi uvhwa shiima.

VaEfeso 5:9

Nkuyanga vhwevhulo, mwe pe avhantu vhe vhali mu vhuzelu vhakuvhomba inyinza ni ngolosu ni zya nalyoli ahavhaliilizyo honti.

Filipi 1:11

Muvhavhombelaje inyinza avhamwinyu, kwi idala ilya Yeesu Chilisiti, kuzya kumushindiha nu kumutiima uMulungu.

Filipi 2:13

Muvhombaje isho, mwe pe uMulungu wuuyo we akuvhomba imbombo muhati zyinyu, kuuti inyinza zye akwanza, zye niimwe mwanzaje nu kuzivhomba.

Kolosi 1:29

Pe ishi, nkuvhomba ku mute nu kuyikungula ku maha gonti ge uChilisiti akumpa lwe akuvhomba imbombo muhati yaane.

VaHebuli 13:21

Havhili uMulungu ajendeelele kuuvhapa amaha aga kuvhomba zye uweene akasiime, avhombe mu mooyo giinyu kwi idala ilya Yeesu Chilisiti zye zikuhondela pilongolela lyakwe. Uweene ashindikwaje shiima shiima! Amina.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Yohani 1:6

Ishi, inga tukuyanga kuuti tuli nu vhuliilani nu Mulungu, ileelo uku tukujendeelela kulandila mu shiisi, tukuluma ilenga, havhili tutakuvhomba izya nalyoli.

3 Yohani 1:11

We nkundwa waane, utavhalandataje avhanji kuvhomba uvhutalamalandu, nkandi inyinza. Wonti we akuvhomba inyinza, muntu wa Mulungu. Ileelo wonti we akuvhomba uvhutalamalandu, atamanyile kuuti uMulungu wu naanu.

Ishitushizya 3:15

Ndumanyile ulujendo lwaho kuuti iwe te we muhatazu havhili te we mupwu. Kwashi inga waamile we muhatazu, poosye inga we mupwu!