Yohani 3:17 - ULufingwi uLupwa

¹⁷ Yeenya, uMulungu atánsonteleziizye ne Mwana waakwe kuvhalonga avhantu avha mu nsi umu, nkandi kuvhapoha.

Tesitamenti Umupwa 1965

¹⁷ ShʼuMulungu atamutumilʼuMwana wakwe munsʼumu ukuti alonjʼinsi, nkandi ukuti aposhʼinsi.

Yohani 3:17 ပူးပေါင်းရင်းမြစ်များ

Matayi 1:23

“Yeenya! Umulindu we atamumanyile umwanaavuli, aliivha pa vhumwamu. Havhili alipaapa umwana umwanaavuli! Pe umwana uyo vhalimwita izina ilya Maanweli.” Izina ilyo kwe kuuti, “UMulungu ali pooka niiswe.”

Matayi 18:10

“Muvhanje minso, mutamusufwaje wumo mu vhansi ivha! Nkuvhavhuuzya kuuti, avhahavhizya vhaavho ku mwanya, ahavhaliilizyo honti vhali pilongolela ilya Taata waane uwa ku mwanya.

Matayi 18:11

Yeenya, ne Mwana wa Aadamu ninzile mu nsi kuvhapoha vhe vhateezile.

uLuuka 19:10

Mukumbushe kuuti, ne Mwana wa Aadamu ninzile kulondola nu kuvhapoha avhantu vhe vhateezile.”

uLuuka 9:56

Vhaheepa, vhahasogola mu lutala ulunji.

Yohani 1:29

Isiku lye likulandata, uYoohani ahamulola uYeesu akwinza ku kwakwe. Ahavhavhuuzya avhantu vhe vháliipo paala ahati, “Yeenya, uno wu Hagonzi aha Mulungu we akwefwa uvhutalamalandu uvhwa vhantu vhonti mu nsi!

Yohani 10:36

Vhuli, shooni she mukuti ine nkumusaamula uMulungu lwe nkuti, ‘Ine ne Mwana wa Mulungu’? UTaata we ansavhuuye nu kunsonteelezya mu nsi.

Yohani 11:42

Imanyile kuuti, ukuntejelezyaga ahavhaliilizyo honti, ileelo nkuyanga izi kuzya ivhungaana ilya vhantu ivha, inga vhiitishe kuuti iwe we unsonteleziizye.”

Yohani 17:18

Inza vwe wánsonteleziizye ine mu nsi, vhwevhulo, niine navhasonteelezya mu nsi.

Yohani 17:21

Nkukulaavha kuuti vhonti ivho vhavhe ishintu shooka, inza vwe niiwe Taata uli muhati yaane, niine indi muhati yaaho. Nkuvhalaavhila vhavhe muhati yiitu, inga avhantu vhonti mu nsi vhiitishe kuuti iwe we unsonteleziizye.

Yohani 17:23

Ine indi muhati zyavho, niiwe uli muhati yaane. Nkulaavha kuuti vhavhe ishintu shooka, inga avhantu vhonti vhe vhatanitisile vhamanye kuuti iwe unsonteleziizye, havhili vhamanye kuuti uvhakunzite avhasundikwa vhaane inza vwe unkunzite ine.

Yohani 17:25

We Taata uMugolosu, avhantu avha mu nsi vhatakumanyile. Ileelo ine nkumanyile, havhili vhoope avhasundikwa vhaane vhamanyile kuuti iwe we unsonteleziizye.

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

Yohani 17:8

mwe pe mbavhuziizye amazwi gonti ge wámbuziizye. Vhoope vhagaposheleeye, havhili vhamanyile kuuti nalyoli mfumile ku kwaho, havhili vhitisile kuuti iwe we unsonteleziizye.

Yohani 20:21

UYeesu ahavhavhuuzya havhili ahati, “Uvhutehamu vhuvhe pooka niimwe! Inza vwe uTaata ánsonteleziizye ine, vhwevhulo niine nkuvhasonteelezya imwe.”

Yohani 3:34

mwe pe uMulungu ámusonteleziizye uYeesu kuyanga amazwi aga Mulungu. UMulungu ámupiiye uYeesu uMupepo uMufinjile ishisita ishipimo.

Yohani 5:36

“Ileelo imbombo zye nkuvhomba zikuhomeshezya ahinza vwe ne wa nalyoli, havhili zilusiizye nkaani zye uYoohani aayanzile. Nkuyanga vhwevhulo, mwe pe imbombo zye uTaata waane ampiiye kuuti mbombaje zye zikulolesya kuuti uTaata uMulungu we ansonteleziizye.

Yohani 5:38

Mukuhaana kugavhiiha amazwi aga Mulungu mu mooyo giinyu, mwe pe mutakuniitiha ine, ne uMulungu ansonteleziizye kuli imwe.

Yohani 5:45

Mutasiivhaje kuuti ine kwe mbalonje kwa Taata waane, nkandi uMoose we kwe avhalonje, mwe pe we mukumusuuvhila.

Yohani 6:29

Woope uYeesu ahavhaamula ahati, “Imbombo ye uMulungu akwanza muvhombaje, ya kuniitiha ine, ne ansonteleziizye kuli imwe.”

Yohani 6:38

Nkuyanga isho, mwe pe ine ninzile kufuma ku mwanya, inga mbombaje ulukasamo ulwa Taata waane we ansonteleziizye. Ntinzile kuvhomba zye nkansiime neene.

Yohani 6:40

Kwe kuuti ulukasamo ulwa Taata waane lwa kuuti umuntu wonti we amanyile kuuti ine ne Mwana wa Mulungu nu kuniitiha, avhe nu vhulanzi uvhwa shiima. Niine ndimuzyusya isiku ilya vhusililishilo.”

Yohani 6:57

“Inza vwe uTaata we ansonteleziizye ine mulanzi, niine nkuvhwaga uvhulanzi kufuma ku kwakwe. Vhwevhulo, umuntu wonti we akundya ine, akuvhwaga uvhulanzi kufuma ku kwane.

Yohani 7:29

Ileelo ine imumanyile, mwe pe mfumile ku kwakwe, havhili uweene we ansonteleziizye kuli imwe.”

Yohani 8:11

Umwantanda uyo ahamwamula ahati, “We mwene, ataliipo naawumo.” Pe uYeesu ahamuvhuuzya ahati, “Niine ntakukulonga. Sogolaaga, kufuma ileelo, utahasheele havhili kuvhomba uvhutalamalandu.”

Yohani 8:42

UYeesu ahavhavhuuzya ahati, “Inga uMulungu wu Taata wiinyu, nkandi munkunzite. Ine ntinzile ku maha gaane, uMulungu we ansonteleziizye.

1 Yohani 2:2

UYeesu we mpuutile iya kuvhoolwa, kwi idala ilyo, áyefwizye uvhutalamalandu vhwitu nu kutukundanya nu Mulungu. Havhili te kuuti áyefwizye vhwe vhutalamalandu vhwitu vhweka vhweleele, nkandi nu vhwa vhantu vhonti.

1 Yohani 4:14

Iswe tuvhwenyi nu kuvhahomeshezya avhanji kuuti uTaata uMulungu ámusonteleziizye uMwana waakwe mu nsi, kuuti avhe Muposhi wa vhantu.