Yohani 3:16 - ULufingwi uLupwa

¹⁶ UMulungu ávhakunzite nkaani avhantu avha mu nsi umu, ye nongwa ánsonteleziizye ne Mwana waakwe imozi, kwinza mu nsi umu inga umuntu wonti we akuniitiha atahateeje, nkandi avhwaje uvhulanzi uvhwa shiima.

Tesitamenti Umupwa 1965

¹⁶ Uwene shʼahonzizye vovulʼuMulungu ukukundʼinsi, kwe kuyipʼuMwana wakwe woka mwene imozi, vonti ve vakumwitiha ukuti vatatupulwaje ndali, nkandi vavwajʼuvulanzi vwa shimashima.

Yohani 3:16 ပူးပေါင်းရင်းမြစ်များ

Matayi 9:13

Ishi sogooli musambiilile amazwi ge gakuti, ‘Nkwanza uvhwila kuluusya kufumwa impuutile.’ Nkuvhavhuuzya vhwevhulo, mwe pe ntinzile kuvhiita avhantu avhagolosu, nkandi kuvhiita avhatalamalandu, inga vhapindushe.”

Maliko 12:6

“Pisinda, ahasyala we mwana waakwe unkundwa, umwanaavuli, ahamusonteelezya woope, ahati, ‘Uno kwe vhamushindishe, mwe pe mwana waane.’

uLuuka 2:14

“Ashindikwaje uMulungu uMupiti uwa ku Mwanya, vhwope uvhutehamu vhuvhanje mu nsi ku vhantu vhe avhitisile.”

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 1:18

Ataliipo umuntu we amuvhwenyi uMulungu lumo, nkandi we Mwana imozi, we woope wu Mulungu, havhili ali nu vhuliilani uvhwa papiipi nkaani nu Taata uMulungu. Uyo we amulolesiizye uMulungu kuli iswe.

Yohani 1:29

Isiku lye likulandata, uYoohani ahamulola uYeesu akwinza ku kwakwe. Ahavhavhuuzya avhantu vhe vháliipo paala ahati, “Yeenya, uno wu Hagonzi aha Mulungu we akwefwa uvhutalamalandu uvhwa vhantu vhonti mu nsi!

Yohani 10:28

Ine nkuuzipa uvhulanzi uvhwa shiima, te zihateeje naalumo. Havhili ataliipo umuntu we angazifwula ku maha kufuma mu nyoovhe zyane.

Yohani 3:15

inga mbape uvhulanzi uvhwa shiima avhantu vhe vhakuniitiha.

Yohani 3:18

“UMulungu atakumulonga umuntu we anitisile ne Mwana waakwe, ileelo umuntu we atanitisile alonziilwe, mwe pe atanitisile ne Mwana waakwe imozi.

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

Yohani 6:40

Kwe kuuti ulukasamo ulwa Taata waane lwa kuuti umuntu wonti we amanyile kuuti ine ne Mwana wa Mulungu nu kuniitiha, avhe nu vhulanzi uvhwa shiima. Niine ndimuzyusya isiku ilya vhusililishilo.”

VaLoma 5:10

Mwe pe inga uMulungu átukundiinye iswe nu weene kwi idala ilya vhufwe uvhwa Mwana waakwe, she twápezile twe vhalugu vhaakwe, pe nalyoli alitupoha ku vhuhalazu vhwakwe, kwi idala ilya vhulanzi uvhwa Mwana waakwe.

VaLoma 5:8

Ileelo uMulungu átulolesiizye kuuti atukunzite nkaani, kwi idala ilya kumufumwa uChilisiti atufwile iswe she twápezile twe vhatalamalandu.

VaLoma 8:32

UMulungu atámufwiliiye uvhwila uMwana waakwe wuuyo, ámufumwizye kuuti afwe ku zyitu swenti. Pe ishi, inga átupiiye uMwana waakwe wuuyo, nalyoli aliitupa pooka nawo ivintu vwonti pa vhweleele.

VaEfeso 2:4

Ileelo uMulungu ali nu vhwila nkaani ni shikunzi shaakwe shipiti,

2 VaTesaloniki 2:16

UTaata wiitu uMulungu atukunzite, na ku vhwila vhwakwe akutusuvhaalizya shiima nu kuutupa ulusuuvhilo ulwinza. Tukumulaavha uMwene wiitu uYeesu Chilisiti pooka nu weene, kuuti

uTiiti 3:4

Ileelo ku vhusililishilo, “UMulungu uMuposhi wiitu álolesiizye uvhwinza vhwakwe ni shikunzi,

VaHebuli 2:9

Ileelo tukumulola uYeesu, we uMulungu ámuvhiisile kuvha munsi kuluusya avhahavhizya ku havhaliilizyo hansi. Uyo we uMulungu amupiiye uvhushindamu nu mushinzi umupiti kufumiilana nu kuyimba nu kufwa kwakwe. UMulungu ávhomvile vhwevhulo, inga kwi idala ilya vhwila vhwakwe, uYeesu afwe kuzya kuvhapoha avhantu vhonti.

1 Yohani 3:1

Yeenyi vwe uTaata uMulungu atukunzite nkaani. Akutwita kuuti swe vhaana vhaakwe! Mwe muumwo, nalyoli vwe tuli. Ileelo avhantu vhe vhatakumushindiha uMulungu, vhatatumanyile, mwe pe vhatamumanyile uweene.

1 Yohani 4:19

Iswe tuli ni shikunzi, mwe pe uweene we átalisile kutukunda.

Ishitushizya 1:5

havhili vhwe vhukufuma kwa Yeesu Chilisiti. Uweene we wu hoome uwa nalyoli, we mutanzi kuzyuha, havhili we mupiti uwa vhamwene vhonti avha mu nsi. UYeesu Chilisiti we atukunzite, havhili atusatuuye mu vhutalamalandu vhwitu, kutuushila mu mavhanda gaakwe.