Yohani 3:11 - ULufingwi uLupwa

¹¹ Nalyoli nkukuvhuuzya kuuti, iswe tuzimanyile zye tukuyanga, havhili tukuhomeshezya ziila zye tuzivhwenyi, ileelo imwe mutakwitiha zye tukuvhavhuuzya.

Tesitamenti Umupwa 1965

¹¹ Nalyoli lyoli nkukuvuzyʼine nkuti: Iswe tukuyanga zizyo zye tumanyile, tukuhomeshezya zye tuwenyi. Havilʼimwe uluhomeshezyo lwitu mutakuluposhela.

Yohani 3:11 ပူးပေါင်းရင်းမြစ်များ

Matayi 11:27

“UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.

Matayi 23:37

Pe uYeesu ahati, “Mwe vhantu vha mu Yelusaleemu imwe! Mukuvhagoga avhakuvhwi, nu kuvhahoma na mavhwe avhavhomvi vhe uMulungu avhasonteleziizye kuli imwe. Lulinga nanzaga kuvhavhungaaniha inza inkuku vwe yikwuvhatila utwana twakwe, ileelo mutanzaga?

uLuuka 10:22

Havhili ahati, “UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.”

Yohani 1:11

Áyinzile ku vhantu vhaakwe, ileelo avheene vhatámuposheleeye.

Yohani 1:18

Ataliipo umuntu we amuvhwenyi uMulungu lumo, nkandi we Mwana imozi, we woope wu Mulungu, havhili ali nu vhuliilani uvhwa papiipi nkaani nu Taata uMulungu. Uyo we amulolesiizye uMulungu kuli iswe.

Yohani 12:49

Nkuyanga vhwevhulo, mwe pe ntayanzile ku maha gaane neene, uTaata we ansonteleziizye, we andajiziizye izya kuyanga na vwe yikwanzilwa kuyanga.

Yohani 14:24

Ileelo umuntu wonti we atankunzite ine, atakuzivhombela imbombo zye nkumulajizya. Amazwi ge nkuvhalajizya te gaane, gakufuma kwa Taata we ansonteleziizye kuli imwe.

Yohani 3:12

Nkuvhavhuuzya zye zikuvhombeha mu nsi umu, ileelo imwe mutakwitiha, pe mungiitiha inza vhuli inga navhavhuuzya zye zikuvhombeha ku mwanya?

Yohani 3:13

Ataliipo umuntu wonti we ahasogola ku mwanya, ileelo ine ne Mwana wa Aadamu ne nkinza kufuma ku mwanya.

Yohani 3:3

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu, inga atapafwilwe ulwa vhuvhili.”

Yohani 3:5

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu inga atapafwilwe kwi idala ilya minzi ni lya Mupepo uwa Mulungu.

Yohani 5:43

Ine ninzile ku maha aga Taata waane, ileelo mukuhaana kumposheela. Ileelo umuntu uwunji inga ayinza ku maha gaakwe wuuyo, mulimuposheela.

Yohani 7:16

Pe uYeesu ahavhaamula ahati, “Insambiilizyo zye nkusambiilizya te zyane, zikufuma kwa Mulungu we ansonteleziizye kuli imwe.

Yohani 8:14

UYeesu ahavhaamula ahati, “Poosye inga nkuhomeshezya neene inongwa zyane, zye nkuhomeshezya zya nalyoli, mwe pe imanyile kwe mfumile, havhili imanyile kwe nkusogola. Ileelo imwe mutamanyile kwe mfumile, poosye kwe nkusogola.

Yohani 8:26

Indi nazyo inyinji izya kuyanga ku zyinyu ni zya kuvhalonga imwe, ileelo ntakuvhomba vhwevhulo. Ine nkuvhavhuuzya avhantu vhonti zye nkwivwa kufuma kwa Taata waane. Uweene we ansonteleziizye, havhili akuyanga izya nalyoli.”

Yohani 8:38

Ine nkuvhavhuuzya zye nkuzilola kufuma kwa Taata waane, niimwe mukuzivhomba zye utaata wiinyu akuvhasambiilizya.”

iMbombo izya Vhatumwa 22:18

Mu njozi iyo, nkalola uMwene uYeesu akumbuuzya akuti, ‘Luvhiilo yeepa mu Yelusaleemu! Avhantu ivha te vhavhwitishe uvhwahoome vhwaho, vhwe ukuvhavhuuzya izyane.’

2 VaKolinti 4:4

Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

Ishitushizya 1:5

havhili vhwe vhukufuma kwa Yeesu Chilisiti. Uweene we wu hoome uwa nalyoli, we mutanzi kuzyuha, havhili we mupiti uwa vhamwene vhonti avha mu nsi. UYeesu Chilisiti we atukunzite, havhili atusatuuye mu vhutalamalandu vhwitu, kutuushila mu mavhanda gaakwe.

Ishitushizya 3:14

“Uhavhizya uwa shivhanza isha ku Lawodikiya, musimbile uti: Iga mazwi kufuma kuli ine ne Yeesu. Ine ne Amina, havhili ne hoome umutungamu nu wa nalyoli. Nkuvikonzya ivintu vwonti vwe uMulungu ápezile.