Yohani 21:2 - ULufingwi uLupwa

² uSiimoni uPeeteli nu Toomasi we vhahamwitaga vhahatinji Ipasa nu Nasaniyeeli we áfumile mu nkaaya iya Kaana iya ku Galilaaya, na vhaana vhavhili avha Zebedaayi na vhasundikwa avhamwavho vhavhili vháali vhonti pooka.

Tesitamenti Umupwa 1965

² She nuSimoni Peteli nuToma we vakuti we Lipasa, nuNatanayeli wa mu-Kana mu-Galilayi, navana-Zebedayi navamwavʼavasundikwa vavili vahavanga poka.

Yohani 21:2 ပူးပေါင်းရင်းမြစ်များ

Matayi 10:3

Avhamwavho wu Fiilipo nu Batolomaayo nu Toomasi nu Mataayi umusonchezya musonko nu Yaakobu umwana uwa Alufaayo nu Tadaayo nu

Maliko 1:19

Lwe uYeesu asogola pilongolela hansi ahavhalola avhanine avhamwavho vhavhili, uYaakobu nu munine waakwe uYoohani, avhaana vha Zebedaayi. Vháali mwi ivhooti, vhahalinganyaaga inyeelo zyavho.

uLuuka 5:10

Vhoope avhaana avha Zebedaayi, uYaakobu nu Yoohani, vhe vhahavuvhaga pooka nu Siimoni, vhahasukumila nkaani. Pe uYeesu ahamuvhuuzya uSiimoni ahati, “Siimoni utogopaje! Kufuma ileelo ili kuuti uvuvhaje avhantu.”

Yohani 1:45

UFiilipo ahamulola uNasaniyeeli, ahamuvhuuzya ahati, “Twamulola umuntu ula we uMoose ásimvile inongwa zyakwe mwi ikalaata ilya ndajizyo na we avhakuvhwi vhásimvile inongwa zyakwe. Umuntu uyo izina lyakwe wu Yeesu umwana wa Yoosefu we akufuma mu nkaaya iya Naazaleeti.”

Yohani 11:16

Pe umusundikwa wumo we izina lyakwe vhahatinji uToomasi, havhili we vhahamwitaga vhahatinji Ipasa, ahavhavhuuzya avhasundikwa avhamwavho ahati, “Niiswe tujendi inga tusogole tufwe pooka nawo.”

Yohani 2:1

Lwe ayanga izyo, isiku ilya vhutatu, kwáli umulyo uwa winga we wávhombesile mu nkaaya iya Kaana, mu shigavho isha nsi isha Galilaaya. Ku mulyo uwo unyina uwa Yeesu woope áliipo.

Yohani 2:11

UYeesu ávhomvile ishilolesyo ishi mu nkaaya iya Kaana, mu shigavho isha nsi isha Galilaaya. Ishilolesyo isho she sháamile sha kwanda kuvhomba, kulolesya uvhushindamu vhwakwe ku vhantu. Kufumiilana niilyo, avhasundikwa vhaakwe vhahamwitiha.

Yohani 20:28

UToomasi ahamwamula uYeesu ahati, “Iwe we Mwene waane, havhili iwe we Mulungu waane!”

Yohani 4:46

Pe uYeesu ahasogola havhili mu nkaaya iya Kaana ye yáali mu shigavho isha nsi isha Galilaaya. Mu nkaaya iyo mwe ágaluliinye aminzi kuvha divaayi. Kwáli umulongozi wumo uwa silikaali mu nkaaya iya Kapelanawuumu we umwana waakwe umwanaavuli áali muvhinu.