Yohani 21:18 - ULufingwi uLupwa

¹⁸ Nalyoli nkukuvhuuzya kuuti, lwe we mujaaha, uhayizwalizyaga amenda weeka nu kusogola kwonti kwe ukwanza. Ileelo lwe wagoosipa, uligolosyaga inyoovhe zyaho, nu muntu uwunji we alikuzwalizyaga, nu kukutwala kwe utakwanza.”

Tesitamenti Umupwa 1965

¹⁸ Nalyoli lyoli nkuvavuzyʼine nkuti: Lwe wali we mujaha iwe, pʼuhayifungaga wekʼilamba lyaho lya mumusana, uhajenda mwonti mwe wakasime weka, inga lumo ingʼuvazilʼukukula, pʼuligolosyʼamahono, uwunji alikufunga ilamba mumusana, alikudendemulila kwʼutakasimʼiwe.

Yohani 21:18 ပူးပေါင်းရင်းမြစ်များ

uLuuka 12:37

Vhalosiitwe avhazya vhe umwene waavho inga ayinza, alivhaaga vhadamuuye. Nalyoli nkuvhavhuuzya kuuti, aliyisengaanya kuvhavhombela, alivhiita vhatendame nu kuuvhapa ishaakulya.

Yohani 13:36

Pe uSiimoni uPeeteli ahamuvhuziilizya uYeesu ahati, “We Mwene, ukusogola kwoshi?” UYeesu ahamwamula ahati, “Nkusogola kwe iwe ahavhaliilizyo iha utangandandata, ileelo kwe undandate pisinda.”

Yohani 21:17

Ahamuvhuziilizya ulwa vhutatu ahati, “We Siimoni mwana wa Yoohani, vhuli, unkunzite?” Pe uPeeteli ahaswimiililwa, mwe pe amuvhuziilizya ulwa vhutatu kuuti, “Vhuli, unkunzite?” Ahamwamula ahati, “We Mwene, iwe umanyile zyonti. Umanyile kuuti, nkukunzite.” UYeesu ahamuvhuuzya ahati, “Udiimaje ingʼonzi zyane.

Yohani 21:19

UYeesu áyanzile izyo kulolesya vwe uPeeteli aliifwa kwi idala ilya kulolesya uvhushindamu uvhwa Mulungu. Lwe uYeesu ayanga amazwi igo, ahamuvhuuzya uPeeteli ahati, “Undandate.”

iMbombo izya Vhatumwa 21:11

Ahatwinzila, ahanyatula ilamba ilya Paavhuli. Ahayipinya mu vinama na mu nyoovhe, ahati, “UMupepo uMufinjile akuti, ‘Umuntu uwa ilamba ili, aVhayuuda avha ku Yelusaleemu, kwe vhamukunje inza vhwevhulo nu kumutwala ku vhantu vhe te Vhayuuda.’”

2 VaKolinti 5:4

Lwe tushiili tuli na mavhili iga ge liheema ilya havhaliilizyo hansi, tukuvhuvhula mu mooyo giitu kuzya muligo umumwamu. Te kuuti tukwanza kuzuula umuvhili uno we wukufwa, tukwanza kutuzwalizya umuvhili we wutakufwa, inga umuvhili uno we wukufwa wumilwe na we wutakufwa.