Yohani 20:19 - ULufingwi uLupwa

¹⁹ Isiku lyeliila ilya Pamulungu hamazuuvha, lye lisiku ilya kwanda ilya mulungu, avhasundikwa avha Yeesu vhávhungiine mu nyumba yimo, nu kugalila amalyango, mwe pe vhahavhogopaga avhalongozi avha Vhayuuda. Poosye she amalyango gáamile magalile, uYeesu ahavhaloleshela, nu kwimiilila pahati yaavho, ahavhalamuha ahati, “Muvhe nu vhutehamu!”

Tesitamenti Umupwa 1965

¹⁹ Umusanyʼuno lelo lye lisikʼitanzi lya pamulungu, shamazuva, lwe vigaliye nakushilyango mwe vavunginʼavasundikwa, she vahatetemaga kuvaYuda, pe vahitushilʼuYesu ayinzile ayimiliye pahati, akuti: Uvwihalo vuvanje namwe!

Yohani 20:19 ပူးပေါင်းရင်းမြစ်များ

Matayi 10:13

Inga avhantu avha mu nyumba iyo vhavhaposheela ku vhutehamu, muvhalavhilaje kwa Mulungu kuuti avhaloote. Ileelo inga vhatavhaposheela, uvhuloote uvhwa Mulungu kwe vhusyalaje kuli imwe.

Matayi 18:20

Yeenya, inga vhaliipo avhantu vhavhili, poosye vhatatu vhe vhavhungiine kwi izina lyane, niine nkuvha pooka navho.”

Maliko 16:14

Isiku ilyamwavho uYeesu ahavhaloleshela vhaala 11, lwe vhakulya ishaakulya. Ahavhapilila, mwe pe amooyo gaavho gáamile magomu, havhili, mwe pe vháhaanile kuvhiitiha vhe vhámuvhwenyi lwe azyuha.

Yohani 14:27

Lwe nkwepa, nkuvhaleshela uvhutehamu vhwane. Nkuvhaleshela uvhutehamu vhwe vhutali inza vhwe vhukufuma ku vhantu vhe vhakumuhaana uMulungu. Mutaswimililwaje mu mooyo giinyu, havhili mutogopaje.

Yohani 16:22

Vhwevhulo, niimwe muli nu vhuswimiilizu ahavhaliilizyo iha, ileelo kwe ninze havhili kuli imwe, pe kwe muvhe nu luseshelo mu mooyo giinyu. Ataliipo we aliyeefwa uluseshelo ulwo mu mooyo giinyu.

Yohani 16:33

Navhavhuuzya izi, inga muvhe nu vhutehamu, mwe pe muli muhati yaane. Mu nsi umu muli na mayimba, ileelo mugomaje amooyo, mwe pe ine njipoosite insi.”

Yohani 20:21

UYeesu ahavhavhuuzya havhili ahati, “Uvhutehamu vhuvhe pooka niimwe! Inza vwe uTaata ánsonteleziizye ine, vhwevhulo niine nkuvhasonteelezya imwe.”

Yohani 20:26

Lwe zyatuuha insiku 8 kufuma pe uYeesu ávhalolesheeye, avhasundikwa vhávhungiine pooka havhili mu nyumba yimo. Isiku ilyo uToomasi áamile pooka navho. Amalyango gáamile magalile, uYeesu ahavhaloleshela havhili, ahimiilila pahati yaavho, ahavhalamuha ahati, “Uvhutehamu vhuvhe pooka niimwe!”

Yohani 21:1

Lwe ahavhaliilizyo hatuuha, uYeesu ahavhaloleshela havhili avhasundikwa vhaakwe pa luvhazu pa sumbi uwa Tibeeliya. Lwe ashiili kuvhaloleshela zyáli ishi,

Yohani 21:14

Ulwo lwáli lwa vhutatu uYeesu kuvhaloleshela avhasundikwa vhaakwe, lwe uMulungu amuzyusya.

Yohani 7:13

Ileelo atáliipo umuntu we ahamuyangaga uYeesu apazelu, mwe pe vhahavhogopaga avhalongozi avha Vhayuuda.

iMbombo izya Vhatumwa 1:3

Ku havhaliilizyo aha nsiku 40 kufuma pe ázyusile, ahavhaloleshelaga ulwinji avhatumwa vhaala. Ahavhahomelezyaga ulwinji kuuti uweene mupuuma, havhili ahavhasambilizyaga inongwa izya vhumwene uvhwa Mulungu.

VaLoma 15:33

UMulungu we akuutupa uvhutehamu, avhanje niimwe mwenti! Amina.

1 VaKolinti 15:5

Ahamuloleshela uKeefa, pisinda ahavhaloleshela avhatumwa vhaakwe 12.

VaEfeso 2:14

Ishi, uChilisiti wuuyo we atuvhiisile kuvha nu lwivwano. Atusopenkiinye iswe swe Vhayuuda niimwe mwe te mwe Vhayuuda, kwi idala ilya kwefwa uvhulugu vhwe vhwátuvhiisile kuuti tuvitanaje. Áyefwizye uvhulugu uvhwo, kwi idala ilya kufwa, kwe kwéfwizye indajizyo zye zihatulehanyaaga.

VaEfeso 6:23

Vhamwitu, uTaata uMulungu nu Mwene wiitu uYeesu Chilisiti vhaavhape uvhutehamu, havhili vhavhaloote mujendeelele kumwitiha nu kukundana.

Filipi 1:2

UTaata wiitu uMulungu nu Mwene uYeesu Chilisiti, vhavhafwilaje uvhwila nu kuuvhapa uvhutehamu.

2 VaTesaloniki 3:16

Ishi, uMwene uYeesu wuuyo we vhwandilo vhwa vhutehamu, avhapanje uvhutehamu amanda gonti ku madala gonti. Uweene avhe pooka niimwe mwenti.

VaHebuli 7:2

Woope uAabulahamu ahanyatula ishigavho shooka pa vigavho 10 mu vintu vwe ávigomile ku vhulugu nu kuumupa uMelikizeedeki. Izina ilya Melikizeedeki kwe kuuti umwene uwa vhugolosu, havhili kuuti umwene uwa Saleemu kwe kuuti umwene uwa vhutehamu.

3 Yohani 1:14

nkandi nkusuuvhila kukuvuula shiniishi, inga tuhayanje lwe twalolana.

Ishitushizya 1:4

Ikalaata ili nsimvile ne neene ne Yoohani. Nkuvhasimbila mwe vha vivhanza 7 ivwa mu nsi iya Aasiya. Muvhanje nu vhwila nu vhutehamu vhwe vhukufuma kwa Mulungu, uweene we áliipo na we aliipo na we aliyinza. Havhili muvhanje nu vhwila nu vhutehamu vhwe vhukufuma ku Mpepo 7 zye zili pilongolela ilya shitengo shaakwe isha vhumwene,