Yohani 2:2 - ULufingwi uLupwa

² UYeesu na vhasundikwa vhaakwe vhoope vhálanjiliilwe, vháliipo pa winga uwo.

Tesitamenti Umupwa 1965

² Wope nuYesu navasundikwa vakwe vavisite kuvusendelo.

Yohani 2:2 ပူးပေါင်းရင်းမြစ်များ

Matayi 12:19

Ataliyuumana na vhantu, poosye kuzuma ahalanga, havhili umuntu naawumo ataliyiivwa izwi lyakwe mu madala.

Matayi 25:40

Pe ine ne Mwene ndivhaamula ndiiti, ‘Nalyoli nkuvhavhuuzya kuuti, lyonti lye mwámuvhombeeye wumo mu vhamwitu ivha vhe te vhamwamu, mwámbombeeye neene.’

Matayi 25:45

Niine ndivhaamula ndiiti, ‘Nalyoli nkuvhavhuuzya kuuti, zyonti zye mutámuvhombeeye wumo muli ivha vhe te vhamwamu, mutámbombeeye neene.’

Yohani 2:12

Lwe umulyo uwa winga waasila, uYeesu ahasogola mu nkaaya iya Kapelanawuumu pooka nu nyina, na vhanine vhaakwe avha shanaavuli na vhasundikwa vhaakwe. Vhahatendama ukwo insiku nyinsi.

Yohani 2:17

Lwe avhasundikwa vhaakwe vhiivwa izyo, vhahakumbuha amazwi ge gásimviilwe mu Vhusimbe uVhufinjile kuuti, “Ishikunzi shaane ku Nyumba yaaho, shilindovwa.”

Yohani 2:22

Pe lwe uYeesu azyuha, avhasundikwa vhaakwe vhahakumbuha amazwi ge áyanzile. Kwi idala ilyo, vhahalyitiha izwi lye lyásimviilwe mu Vhusimbe uVhufinjile na mazwi ge uYeesu áyanzile.

Yohani 2:3

Lwe ahavhaliilizyo hatuuha, idivaayi yihasila, pe unyina uwa Yeesu ahamuvhuuzya umuvuli waakwe ahati, “We mwana waane, idivaayi yaasila.”

Yohani 3:22

Lwe ahavhaliilizyo hatuuha hansi, uYeesu na vhasundikwa vhaakwe vhahasogola mu nsi iya Yudeeya. Vhahatendama ku havhaliilizyo hamo mu nsi iyo, umwo ahozyaga avhantu.

Yohani 4:2

Ileelo uvhwanalyoli uYeesu atahozyaga, nkandi avhasundikwa vhaakwe vhe vhahozyaga.

Yohani 4:33

Pe avhasundikwa vhaakwe vhahanda kuvhuzilizanya vheeka kuuti, “Vhuli, kuli umuntu we ayinzile kuumupa ishaakulya lwe tutaliipo?”

Yohani 4:8

Ahavhaliilizyo iho avhasundikwa vhaakwe vhápezile vhasogooye mu nkaaya kukala ishaakulya.

Yohani 6:12

Lwe avhantu vhonti vhaalya vhiikuta, uYeesu ahavhavhuuzya avhasundikwa vhaakwe ahati, “Vhunganiishi ivwalila, vitahinze vinanjishe.”

Yohani 6:16

Lwe haafiha hamazuuvha, avhasundikwa avha Yeesu vhahiiha kusogola kwa sumbi uwa Galilaaya.

Yohani 6:60

Lwe vhiivwa akuyanga izyo, avhinji mu vhasundikwa vhaakwe, vhahapanzanya vhahati, “Insambiilizyo izi ngomu nkaani! Vhuli, wu naanu we angazyitiha?”

Yohani 6:66

Kufuma ahavhaliilizyo iho, avhinji mu vhasundikwa vhaakwe vhahagaluha mwisinda, vhahaleha kumulandata.

Yohani 6:67

Pe uYeesu ahavhavhuziilizya vhaala 12 ahati, “Vhuli, niimwe mukwanza kundeha?”

Yohani 6:70

Pe uYeesu ahavhavhuuzya ahati, “Návhasavhuuye imwe 12 kuuti muvhe mwe vhasundikwa vhaane, ileelo wooka pahati yiinyu akulongolwa nu Mukwalanzi.”

Yohani 6:71

Ipa uYeesu ahamuyangaga uYuuda, umwana wa Siimoni we ahafumaga mu nkaaya iya Kaalyoti. Uno we pisinda ámwaniliiye uYeesu, pooka nu kuuti áamile wooka mu vhasundikwa vhaala 12.

Yohani 6:8

Pe uAndeleeya we áamile wooka mu vhasundikwa vhaala, havhili we áali munine nu Siimoni uPeeteli, ahamwamula uYeesu ahati,

Yohani 7:3

Pe avhanine avha shanaavuli avha Yeesu vhahamuvhuuzya vhahati, “Uyeepe ipa, usogole mu Yudeeya, inga avhalandati vhaaho vhoope vhasogole vhazilole imbombo zye ukuvhomba.

iMbombo izya Vhatumwa 11:26

Lwe amwaga, ahamuleeta ku Antiyookiya. Pe vhahatendama kuukwo umwaha wonti, vhahavhungaanaga pooka na vhantu avha mu shivhanza, vhahasambilizyaga avhantu avhinji nkaani izya Yeesu. Pa Antiyookiya ipo pe avhantu vhátalisile kuvhiita avhalandati avha Yeesu kuuti Vhachilisiti.

iMbombo izya Vhatumwa 11:29

Kufumiilana niizyo, avhalandati avha Yeesu vhahitinkana kuuti, vhonti vhafumwe ivintu, kufumiilana na viila vwe vhali navwo, inga vhavhaavwe avhamwavho avha ku Yudeeya.

1 VaKolinti 10:31

Ishi, zyonti zye mukuvhomba, yivhe kwe kulya, poosye kumwela, poosye ishinji shonti she mukuvhomba, muvhombaje kuzya kuumupa uMulungu uvhushindamu.

1 VaKolinti 7:39

Umwantanda we ayimaliilwe, akuvha akunziilwe nu lulajizyo ulwa vhusendelo ahavhaliilizyo honti he umulume waakwe mupuuma. Ileelo inga umulume waakwe aafwa, pe akuvha musatushe kwimalwa nu mwanaavuli uwunji we akumwanza, ileelo umwanaavuli uyo avhe mwitisi uwa Mwene uYeesu.

Kolosi 3:17

Zyonti zye mukuyanga, poosye kuvhomba, muvhombelaje mwi izina ilya Mwene uYeesu. Havhili mumusalifwaje uTaata uMulungu kutuushila ku kwakwe.

VaHebuli 13:4

Uvhusendelo vhukwanzilwa vhushindikwaje na vhantu vhonti, havhili umulume nu mushi vhatavhombaje uvhulugusu nu vhuvhembu, mwe pe uMulungu alivhalonga avhantu vhonti vhe vhakuvhomba uvhulugusu nu vhuvhembu.

Ishitushizya 3:20

Yeenya, ine nimiliiye ku mulyango nkwiguzya! Umuntu we ayiivwa izwi lyane nu kwigula umulyango, ndiyinjila ku kwakwe, niine ndiilya pooka nawo, woope pooka niine.