Yohani 2:19 - ULufingwi uLupwa

¹⁹ UYeesu ahavhaamula ahati, “Mongooli iNyumba iMfinjile ino, ine kwe njizenje ku nsiku zitatu.”

Tesitamenti Umupwa 1965

¹⁹ UwenʼuYesu ahamula ahati: Mumongolʼitempeli ino, pe muliyaga mbomṿilʼamanda gatatu vwelele ukuyizenga nohavili.

Yohani 2:19 ပူးပေါင်းရင်းမြစ်များ

Matayi 12:40

Nkuyanga vhwevhulo, mwe pe inza vwe uYoona átendiime insiku zitatu mu lwanda ulwa nswi impiti uvhusiku nu musanya, niine ne Mwana wa Aadamu kwe ntendame mu mbiipa insiku zitatu uvhusiku nu musanya.

Matayi 16:21

Kufuma ahavhaliilizyo iho, uYeesu ahataliha kuvhavhuuzya apazelu avhasundikwa vhaakwe kuuti, “Nkwanzilwa kusogola ku Yelusaleemu. Ukwo kwe njimvilwe nkaani na vhasongo na vhapiti avha vhapuuti na vhasambiilizi avha ndajizyo, havhili kwe vhangoje. Ileelo isiku ilya vhutatu uMulungu alinzyusya.”

Matayi 27:40

Vhahamujevhulaga vhahatinji, “Te weewe we watinji ungayimongola iNyumba iMfinjile nu kuyizenga havhili ku nsiku zitatu? Ishi, inga nalyoli iwe we Mwana wa Mulungu, uyiposhe weneewe, uyiishe pa shihovhenkanyo ipo!”

Matayi 27:63

Pe vhahamuvhuuzya vhahati, “We mwene, tukukumbuha kuuti lwe we akuhopenkanya ula mupuuma, áyanzile átili, ‘Lwe zyatuuha insiku zitatu, ndizyuha.’

Maliko 14:58

“Twaamwivuuye akuyanga kuuti, ‘Ingayimongola iNyumba iMfinjile ino ye yázengwilwe ni nyoovhe izya vhantu, na ku nsiku zitatu ingazenga iyinji ye yitakuzengwa ni nyoovhe izya vhantu.’”

Maliko 15:29

Avhantu vhe vhahatuuhaga mwi idala liila vhahamuligaga uYeesu nu kuyinzaanya amatwe gaavho kumusuufwa. Vhahamujevhulaga vhahatinji, “We! Te weewe we watinji ungayimongola iNyumba iMfinjile nu kuyizenga havhili ku nsiku zitatu?

Maliko 8:31

UYeesu ahataliha kuvhasambiilizya avhasundikwa vhaakwe kuuti, “Ne Mwana wa Aadamu nkwanzilwa kuyimba nkaani nu kuhaanwa na vhasongo na vhapiti avha vhapuuti na vhasambiilizi avha ndajizyo, havhili kwe vhangoje. Ileelo isiku ilya vhutatu uMulungu alinzyusya.”

Yohani 11:25

UYeesu ahamwamula uMaalita ahati, “Ine ne nkuzyusya, havhili ne nkupa uvhulanzi. Umuntu wonti we akuniitiha ine, poosye inga aafwa, aliivha mulanzi.

Yohani 5:19

UYeesu ahavhavhuuzya avhalongozi ivho ahati, “Nalyoli nkuvhavhuuzya kuuti, ine ne Mwana waakwe, ntangavhomba naalimo ku maha gaane. Nkuvhomba zyeziila zye nkumulola uTaata waane akuvhomba, mwe pe zye uTaata akuvhomba zye niine ne Mwana waakwe nkuvhomba.

iMbombo izya Vhatumwa 2:24

Ileelo uMulungu ahamuzyusya, ahamusatula mu mayimba aga vhufwe, mwe pe vhutáali na maha aga kumumeneelezya.

iMbombo izya Vhatumwa 2:32

“UMulungu ahamuzyusya uYeesu uyo, swenti tuhomesheziizye inongwa izi.

iMbombo izya Vhatumwa 3:15

Muhamugoga uweene we áali vhwandilo uvhwa vhulanzi, ileelo uMulungu ahamuzyusya. Iswe tuhomesheziizye izyo.

iMbombo izya Vhatumwa 3:26

Pe lwe uMulungu amusevha umuvhomvi waakwe uYeesu, ahamusonteelezya kuli imwe suuti, inga avhaloote kwi idala ilya kuvheefwa mu mbiivhi zyinyu.”

iMbombo izya Vhatumwa 6:14

Twaamwivuuye akuyanga kuuti, uYeesu uwa ku Naazaleeti aliyinanganya iNyumba iMfinjile ino, havhili aligalulanya amaata ge uMoose átulesheeye.”

VaLoma 4:24

nkandi na kuli iswe swenti. Nalyoli gakutuvhuuzya kuuti, inga twamwitiha uMulungu, we ámuzyusiizye uMwene wiitu uYeesu, pe niiswe vhweleele tulivhaazilwa kuuti swe vhagolosu.

VaLoma 8:11

Havhili, inga uMupepo uwa ula we ámuzyusiizye uYeesu akulandila muhati zyinyu, amavhili giinyu ge gakufwa, uMulungu we ámuzyusiizye uChilisiti uYeesu aliigapa uvhulanzi kwi idala ilya Mupepo waakwe we akulandila muhati zyinyu.

1 VaKolinti 15:12

Ishi inga uChilisiti akukumuha kuuti ázyusile, zili vhuli vhamo muli imwe vhakuti kutaliipo kuzyuha?

Kolosi 2:12

Kwi idala ilya kwozelwa, mwáfuuye nu kusyilwa pooka nu Chilisiti. Havhili kwi idala ilyo, mwázyusile pooka nu weene, kutuushila kugiitiha amaha aga Mulungu we ámuzyusiizye.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.