Yohani 2:16 - ULufingwi uLupwa

¹⁶ Pe uYeesu ahavhavhuuzya vhe vhahakazyaga inkunda ahati, “Zyefwi inkunda izi ipa. Mutahayivhiishe iNyumba iya Taata waane kuvha nsokooni.”

Tesitamenti Umupwa 1965

¹⁶ Avene ve vahakazyagʼinkunda, vʼahavavuzya ahati: Simuzisende, mufume nazyo kunzi. Inyumba ya Tata ye ndali ukuyigalula ukuvʼinyumba ya kukalila mumwo.

Yohani 2:16 ပူးပေါင်းရင်းမြစ်များ

Matayi 21:12

Lwe uYeesu ayinjila pa Nyumba iMfinjile, ahanda kuvhashimbizya vhonti vhe vhahakazyaga nu kukala ivintu ipo. Ahazibenula imeeza izya vhe vhahatananiaga impiiya nu kuvibenula ivitengo ivwa vhe vhahakazyaga inkunda.

Matayi 21:13

UYeesu ahavhavhuuzya ahati, “Yisimviilwe mu Vhusimbe uVhufinjile kuuti, ‘INyumba yaane yiliivha Nyumba iya kupuutila.’ Ileelo imwe muyivhiisile kuvha lishembo ilya vhapumula vintu.”

Matayi 22:5

Ileelo avheene vhatahasaajila. Vhahasogola ku mbombo zyavho, wumo ahasogola ku mugunda waakwe, uwamwavho ahasogola ku mbombo yaakwe iya kutaanania.

Maliko 11:17

Ahataliha kusambiilizya, ahati, “Yisimviilwe mu Vhusimbe uVhufinjile kuuti, ‘INyumba yaane yiliivha Nyumba iya kupuutila avhantu avha nsi zyonti.’ Ileelo imwe muyivhiisile kuvha ‘lishembo ilya vhapumula vintu.’”

uLuuka 2:49

UYeesu ahavhaamula ahati, “Shooni she mwandondolaga? Mutaamanyile kuuti ine nkwanzilwa kuvha mu nyumba iya Taata waane?”

Yohani 10:29

UTaata waane we ampiiye izyo, mupiti kuluusya vhonti. Ishi ataliipo umuntu we angazifwula mu nyoovhe zyakwe.

Yohani 2:15

Lwe uYeesu azilola izyo, ahagomba umuchaapu uwa nkusa, ahavhashimbizya vhonti vhe vhahakazyaga pa Nyumba iMfinjile, pooka ni ngʼombe ni ngʼonzi. Ahazibenula imeeza izya vhantu vhe vhahatananiaga impiiya, nu kuzisasaanya impiiya zyavho.

Yohani 20:17

UYeesu ahamuvhuuzya uMaliiya ahati, “Utahandeme, mwe pe nshiili kusogola ku mwanya kwa Taata. Ileelo sogoola uvhavhuuzye avhamwitu, kuuti nkuzuvha ku mwanya kwa Taata waane we wu Taata wiinyu, havhili kwa Mulungu waane we wu Mulungu wiinyu.”

Yohani 5:17

Ileelo uYeesu ahavhavhuuzya ahati, “UTaata waane akuvhomba imbombo insiku zyonti. Niine nkuvhomba vhwevhulo.”

Yohani 8:49

UYeesu ahavhaamula ahati, “Ine ntali ni mpepo inkandamanu. Ine nkumushindiha uTaata waane, ileelo imwe mutakunshindiha ine.

1 Timoti 6:5

nu kudalinkana na vhamwavho shiima. Avhantu ivho zye vhakusiivha, mbiivhi, vhatali nu vhwanalyoli. Vhakusiivha kuuti kuvha nu lujendo ulwinza pilongolela ilya Mulungu lye lidala ilya kulyaga ilonka.

2 Peteli 2:3

Avhasambiilizi avha ilenga ivho, ku mpapilo zyavho vhalivhavhuzyaga ivwili ivwa ilenga, inga muvhapanje ivintu vwinyu. Ileelo kufuma hali uMulungu ayisengiinye kuvhalonga, havhili akuzilola zye vhakuvhomba. Alivhalovwa naluvhiilo!