Yohani 2:11 - ULufingwi uLupwa

¹¹ UYeesu ávhomvile ishilolesyo ishi mu nkaaya iya Kaana, mu shigavho isha nsi isha Galilaaya. Ishilolesyo isho she sháamile sha kwanda kuvhomba, kulolesya uvhushindamu vhwakwe ku vhantu. Kufumiilana niilyo, avhasundikwa vhaakwe vhahamwitiha.

Tesitamenti Umupwa 1965

¹¹ She shimanyilo sha kutaliha muṿimanyilo ṿwa Yesu, ahashipela mu-Kana munsi ya mu-Galilayi. Mwʼahalolesyʼuvupiti vwakwe, navasundikwa vakwe vahamwitiha.

Yohani 2:11 ပူးပေါင်းရင်းမြစ်များ

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 1:17

Nkuyanga vhwevhulo, mwe pe uMulungu áfumwizye indajizyo zyakwe kwi idala ilya Moose, ileelo uvhwila nu vhwanalyoli atupiiye kwi idala ilya Yeesu Chilisiti.

Yohani 1:43

Indaavhi yaakwe, uYeesu ahaamula kusogola mu shigavho isha nsi isha Galilaaya. Lwe aafiha, ahamwaga uFiilipo, ahamuvhuuzya ahati, “We Fiilipo, undandate, uvhe we musundikwa.”

Yohani 1:50

UYeesu ahamwamula nu kumuvhuziilizya kuuti, “Vhuli, ukwitiha, mwe pe nakuvhuuzya kuuti, nkuvhwenyi lwe utendiime pansi pi ituvhu? Kwe uzilole izinji impiti nkaani izya kusukumizya kuluusya izi!”

Yohani 10:41

Lwe uYeesu ashiili ali kwekuula, avhantu avhinji vhahamwinzila nu kuyanga kuuti, “UYoohani atávhomvile ishilolesyo naashimo, ileelo inongwa zyonti zye ahaziyangaga izya muntu uno zya nalyoli.”

Yohani 11:15

Ileelo ine naseshela ku zyinyu, mwe pe ntaaliipo lwe uLaazalo akufwa, inga imwe muvhe nu lwitiho ulupiti kuli ine. Ishi tujendi ku kwakwe.”

Yohani 11:47

Pe avhapiti avha vhapuuti na Vhafalisaayi vhahavhungaana pa lukuvhato lwe vhahatinji iSaniheediliini, vhahavhuzilizanya vhuuvho vheeka vhahati, “Vhuli, tuvhombe ishooni? Yeenya, umuntu uno akuvhomba ivilolesyo ivwinji.

Yohani 12:18

Kufumiilana niizyo, avhantu ivhungaana vhápezile vhivuuye izya shilolesyo she uYeesu ávhomvile, ye nongwa vhápezile vheefile mu Yelusaleemu kusogola kumuposheela.

Yohani 12:37

Pooka nu kuuti uYeesu ávhomvile ivilolesyo ivwinji pilongolela lyavho, ileelo avhantu vhatámwitisile.

Yohani 12:41

UYisaayi áyanzile izyo, mwe pe ávhuvhwenyi uvhushindamu uvhwa Yeesu, pe ahayanga inongwa zyakwe.

Yohani 14:13

Inga mukulaavha ishintu shonti kwi izina lyane, niine kwe mbombaje inza vwe mukulaavha. Kwi idala ilyo, nkulolesya uvhushindamu uvhwa Taata vwe vhuli.

Yohani 16:27

Yeenyi, uTaata uMulungu avhakunzite imwe, mwe pe niimwe munkunzite ine, havhili mwitisile kuuti náfumile ku kwakwe.

Yohani 16:30

Pe ishi, twamanya kuuti iwe umanyile zyonti, havhili utakwanza umuntu kukuvhuziilizya shimo. Izyo zye zikutuvhiiha kwitiha kuuti ufumile kwa Mulungu.”

Yohani 2:1

Lwe ayanga izyo, isiku ilya vhutatu, kwáli umulyo uwa winga we wávhombesile mu nkaaya iya Kaana, mu shigavho isha nsi isha Galilaaya. Ku mulyo uwo unyina uwa Yeesu woope áliipo.

Yohani 2:23

Lwe uYeesu ali pa shikulukuulu isha Pasaaka ku Yelusaleemu, avhantu avhinji vhahanda kumwitiha, mwe pe vhávhwenyi ivilolesyo vwe ahavhombaga.

Yohani 3:2

Isiku limo uvhusiku, uNikodeemo ahasogola kwa Yeesu, ahamuvhuuzya ahati, “We Musambiilizi, tumanyile kuuti iwe we Musambiilizi we uMulungu akusonteleziizye, mwe pe ataliipo umuntu we angavhomba ivilolesyo vwe ukuvhomba inga uMulungu atali pooka nawo.”

Yohani 4:3

Lwe uYeesu aamanya kuuti inongwa izyo zyakumuha, aheepa mu shigavho isha nsi isha Yudeeya pooka na vhasundikwa vhaakwe ahasogola mu shigavho isha nsi isha Galilaaya.

Yohani 4:46

Pe uYeesu ahasogola havhili mu nkaaya iya Kaana ye yáali mu shigavho isha nsi isha Galilaaya. Mu nkaaya iyo mwe ágaluliinye aminzi kuvha divaayi. Kwáli umulongozi wumo uwa silikaali mu nkaaya iya Kapelanawuumu we umwana waakwe umwanaavuli áali muvhinu.

Yohani 4:54

Ishi sháamile shilolesyo isha vhuvhili she uYeesu ávhomvile mu shigavho isha nsi isha Galilaaya, lwe aafuma mu shigavho isha nsi isha Yudeeya.

Yohani 5:23

Kwi idala ilyo, avhantu vhonti vhalinshindihaga ine inza vwe vhakumushindiha uTaata. Umuntu wonti we atakunshindiha ine, akuvha atakumushindiha uTaata waane we ansonteleziizye.

Yohani 6:14

Lwe avhantu vhaala vhaalola ishilolesyo she uYeesu ávhomvile, vhahati, “Nalyoli umuntu uno mukuvhwi wa Mulungu, we twásuvhiiye kuuti akwinza mu nsi umu.”

Yohani 6:2

Ivhungaana ipiti ilya vhantu lihamulandataga uYeesu, mwe pe vhahalolaga ivilolesyo vwe ahavhombaga ku vhavhinu.

Yohani 6:26

UYeesu ahavhaamula ahati, “Nalyoli nkuvhavhuuzya kuuti, te kuuti mukundondola, mwe pe mwaavhwenyi ivilolesyo vwe naavhomvile, nkandi, mwe pe naavhapiiye amakaati, mwalya nu kwikuta.

Yohani 6:30

Vhahamuvhuziilizya vhahati, “Vhuli, kwe uvhombe shilolesyo vhuli, inga tulole nu kwitiha? Kwe uvhombe ishooni?

Yohani 7:31

Ileelo avhantu avhinji mwi ivhungaana lye lyáli paala, vhahamwitiha uYeesu, vhahayangaga vhahatinji, “Inga uChilisiti ayinza, vhuli, alivhomba ivilolesyo ivwinji kuluusya vwe umuntu uno avhomvile?”

Yohani 9:16

Pe aVhafalisaayi vhamo vhahati, “Umuntu uyo atafumile kwa Mulungu, mwe pe atakulandata indajizyo izya Sabaato.” Ileelo vhamo vhahati, “Vhuli, yingavha inza vhuli kwa muntu we mutalamalandu kuvhomba ivilolesyo ivwo?” Pe vhahasugaana vhuuvho vheeka.

2 VaKolinti 3:18

Ishi iswe swenti twe tutadindiliilwe ku minso nu mwenda, tukulolesya uvhushindamu uvhwa Mwene inza ilooli vwe likulolesya ishiholanyo. UMwene we wu Mupepo, we akutwandula tuholane nu weene. Akutwandula kufuma pa vhushindamu vhumo kufishila pa vhushindamu uvhupiti nkaani.

2 VaKolinti 4:17

Nkuyanga vhwevhulo, mwe pe amayimba giitu mapupuusu, havhili ga havhaliilizyo hansi vhweleele. Amayimba igo, gakutusenganizanya uvhushindamu uvhwa shiima. Uvhushindamu uvhwo, vhupiti nkaani, vhukutuvhiiha kulola kuuti amayimba igo te shintu.

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

1 Yohani 5:13

Nkuvhasimbila amazwi iga, imwe mwe mukulyitiha izina ilya Mwana wa Mulungu, inga mumanye kuuti muli nu vhulanzi uvhwa shiima shiima.