Yohani 2:1 - ULufingwi uLupwa

¹ Lwe ayanga izyo, isiku ilya vhutatu, kwáli umulyo uwa winga we wávhombesile mu nkaaya iya Kaana, mu shigavho isha nsi isha Galilaaya. Ku mulyo uwo unyina uwa Yeesu woope áliipo.

Tesitamenti Umupwa 1965

¹ Pisiku lya vutatu vuhavʼuvusendelo mu-Kana ya muGalilayi. Wopʼunyina wa Yesu ahava pupo.

Yohani 2:1 ပူးပေါင်းရင်းမြစ်များ

Matayi 12:46

Lwe uYeesu akuyanga ni ivhungaana ilya vhantu, unyina na vhanine vhaakwe vhahinza nu kwimiilila panzi, vhahanzaga kuyanga nawo.

Yohani 1:29

Isiku lye likulandata, uYoohani ahamulola uYeesu akwinza ku kwakwe. Ahavhavhuuzya avhantu vhe vháliipo paala ahati, “Yeenya, uno wu Hagonzi aha Mulungu we akwefwa uvhutalamalandu uvhwa vhantu vhonti mu nsi!

Yohani 1:35

Indaavhi yaakwe, uYoohani uMwozyi ahimiilila havhili pi isyila ilya ijenje uYoolodaani pooka na vhasundikwa vhavhili mu vhasundikwa vhaakwe.

Yohani 1:43

Indaavhi yaakwe, uYeesu ahaamula kusogola mu shigavho isha nsi isha Galilaaya. Lwe aafiha, ahamwaga uFiilipo, ahamuvhuuzya ahati, “We Fiilipo, undandate, uvhe we musundikwa.”

Yohani 2:11

UYeesu ávhomvile ishilolesyo ishi mu nkaaya iya Kaana, mu shigavho isha nsi isha Galilaaya. Ishilolesyo isho she sháamile sha kwanda kuvhomba, kulolesya uvhushindamu vhwakwe ku vhantu. Kufumiilana niilyo, avhasundikwa vhaakwe vhahamwitiha.

Yohani 21:2

uSiimoni uPeeteli nu Toomasi we vhahamwitaga vhahatinji Ipasa nu Nasaniyeeli we áfumile mu nkaaya iya Kaana iya ku Galilaaya, na vhaana vhavhili avha Zebedaayi na vhasundikwa avhamwavho vhavhili vháali vhonti pooka.

Yohani 4:46

Pe uYeesu ahasogola havhili mu nkaaya iya Kaana ye yáali mu shigavho isha nsi isha Galilaaya. Mu nkaaya iyo mwe ágaluliinye aminzi kuvha divaayi. Kwáli umulongozi wumo uwa silikaali mu nkaaya iya Kapelanawuumu we umwana waakwe umwanaavuli áali muvhinu.

VaHebuli 13:4

Uvhusendelo vhukwanzilwa vhushindikwaje na vhantu vhonti, havhili umulume nu mushi vhatavhombaje uvhulugusu nu vhuvhembu, mwe pe uMulungu alivhalonga avhantu vhonti vhe vhakuvhomba uvhulugusu nu vhuvhembu.