Yohani 19:4 - ULufingwi uLupwa

⁴ UPilaato ahafuma panzi havhili, ahayivhuuzya impuga iya vhantu ivho ahati, “Yeenyi, naakumuleeta ishi kuli imwe umuntu uno, inga mumanye kuuti ntakuvhulola uvhunanzi naavhumo ku kwakwe.”

Tesitamenti Umupwa 1965

⁴ Havili uPilati ahafuma kunzi, ahavavuzya ahati: Yenyi, nkumufumwa kunzi kulʼimwe, she nkuti mumanye namwe ukuti ntawazile numʼumulandu ine mumwakwe.

Yohani 19:4 ပူးပေါင်းရင်းမြစ်များ

Matayi 27:19

Lwe uPilaato atendiime pa shitengo isha vhulonzi, umushi ahatumiilizya intumi ahati, “Utahamuvhombele ivhiivhi naalimo umuntu uyo we mugolosu, mwe pe uvhusiku uvhwa ileelo njimvile nkaani mu njozi ku zyakwe.”

Matayi 27:24

Lwe uPilaato aalola kuuti atangagalulanya insiivho izya vhantu ivho nu kuuti vhatalisile ivho, ahanyatula aminzi nu kugeeza mu nyoovhe zyakwe pilongolela lyavho kulolesya kuuti atali nu vhunanzi naavhumo. Pe ahavhavhuuzya ahati, “Ine ntali nu vhunanzi naavhumo ku vhufwe uvhwa muntu uno umugolosu. Izi zili mu nyoovhe zyinyu mweneemwe!”

Matayi 27:4

Ahavhavhuuzya ahati, “Mbomvile uvhutalamalandu uvhwa kumuvhiiha mu nyoovhe zyinyu umuntu we atananzile naashimo.” Ileelo avheene vhahati, “Izyo zitakutwavwa naashimo, zyaho weneewe.”

Matayi 27:54

Lwe umupiti uwa vhasikaali pooka na vhe vhahamuguulaga uYeesu vhaalola ishisumbi, ni zinji inyinji zye zyálolesile vhahoogopa nkaani, vhahayanga vhahati, “Nalyoli umuntu uno aamile Mwana wa Mulungu!”

uLuuka 23:4

Pe uPilaato ahavhavhuuzya avhapiti avha vhapuuti, pooka ni ivhungaana ilya vhantu ahati, “Ntakuwulola umulandu naawumo kwa muntu uno.”

uLuuka 23:41

Iswe tukwanzilwa kuposheela isunde ili, mwe pe tulonziilwe ku malandu ge tutazile. Ileelo uno, atatazile umulandu naawumo.”

uLuuka 23:47

Umupiti uwa vhasikaali lwe aalola zye zyavhombeha, ahamutiima uMulungu ahati, “Nalyoli umuntu uno aamile mugolosu!”

Yohani 18:33

Lwe uPilaato ayiivwa izyo, ahinjila havhili mu nyumba iya kukonzezya, ahavhalajizya kuuti vhamutwale uYeesu ku kwakwe. Lwe vhamutwala, ahamuvhuziilizya uYeesu ahati, “Vhuli, iwe we Mwene uwa Vhayuuda?”

Yohani 18:38

UPilaato ahamuvhuziilizya ahati, “Uvhwanalyoli she shintu vhuli?” Lwe uPilaato ayanga izyo, ahafuma havhili panzi, ahavhavhuuzya avhalongozi avha Vhayuuda ahati, “Ine ntavhulola uvhunanzi naavhumo kufuma kwa muntu uno.

Yohani 19:6

Avhapiti avha vhapuuti na vhaguulizi avha Nyumba iMfinjile lwe vhamulola uYeesu, vhahazuma ahalanga vhahati, “Muhomeele pa shihovhenkanyo! Muhomeele!” Pe uPilaato ahavhavhuuzya ahati, “Munyatuli mweneemwe musogole mumuhomeele pa shihovhenkanyo, mwe pe ine ntavhulola uvhunanzi naavhumo ku kwakwe.”

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaHebuli 7:26

Umupuuti umupiti inza uyo we akwanzilwa kuli iswe, mwe pe uweene mufinjile, havhili atali nu vhunanzi, poosye uvhuhandamanu. UMulungu ámulehiinye na vhatalamalandu, ahamuzuvwa ku mwanya.

1 Peteli 1:19

nkandi ku mavhanda aga nsavho aga Yeesu Chilisiti we ali inza ahagonzi he hatali ni ibada poosye uvhunanzi.

1 Peteli 2:22

Uweene atávhomvile uvhutalamalandu naavhumo, poosye kuluma ilenga.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

1 Yohani 3:5

Mumanyile kuuti uChilisiti áyinzile kwefwa uvhutalamalandu vhwitu. Havhili uweene atakuvhomba uvhutalamalandu naavhumo.