Yohani 19:30 - ULufingwi uLupwa

³⁰ Lwe uYeesu alinga idivaayi iyo, ahayanga ahati, “Imbombo yaane yaasila!” Pe ahinamiha itwe lyakwe, ahafwa.

Tesitamenti Umupwa 1965

³⁰ Ilelo lwʼaposheleyʼipele lya asiki uYesu, pʼahati: Zyasila. Pʼahagovoha itwe, ahasililishila.

Yohani 19:30 ပူးပေါင်းရင်းမြစ်များ

Matayi 20:28

Vhwevhulo, niine ne Mwana wa Aadamu ntínzile kuvhombelwa, nkandi kuvhavhombela avhantu nu kufumwa uvhulanzi vhwane kuvhatavhula avhinji.”

Matayi 27:50

Pe uYeesu ahavhilishila havhili kwi izwi ipiti, ahafwa.

Matayi 3:15

UYeesu ahamwamula ahati, “Uvhombe isho, mwe pe tukwanzilwa tuvhombe zyonti zye uMulungu akwanza.” Pe uYoohani ahiitiha, ahamwozya.

Maliko 15:37

Pe uYeesu ahahoola kwi izwi ipiti, ahafwa.

uLuuka 22:37

Nkuvhavhuuzya isho, mwe pe yisimviilwe mu Vhusimbe uVhufinjile kuuti, ‘Ávhaziliilwe pooka na vhatalamalandu.’ Amazwi igo gásimviilwe ku zyane. Ishi nkuvhavhuuzya kuuti, agenego gakwanzilwa galunjishe kuli ine, havhili gapalamiiye kuvhombeha.”

uLuuka 23:46

UYeesu ahavhilishila kwi izwi ipiti ahati, “We Taata! Nkuyivhiiha mu nyoovhe zyaho.” Lwe ayanga izyo, ahafwa.

Yohani 10:11

“Ine ne mudiimi umwinza. Umudiimi umwinza akuyifumwa kufwa kuzipoha ingʼonzi zyakwe.

Yohani 10:18

Ataliipo umuntu we angamfwula uvhulanzi vhwane. Ine ne nkusaavhula kuvhufumwa uvhulanzi vhwane. Ine indi na maha aga kuvhufumwa uvhulanzi vhwane, havhili indi na maha aga kuvha ne mulanzi havhili. Nkuyanga vhwevhulo, mwe pe uTaata waane we andajiziizye kuvhomba vhwevhulo.”

Yohani 17:4

Ine ndolesiizye uvhushindamu vhwaho ku vhantu vhonti kutuushila ku mbombo ye wánsonteleziizye kuyivhomba.

Yohani 19:28

Lwe uYeesu aamanya kuuti aamala kuyivhomba imbombo yaakwe, ahati, “Ishinyooto shanduma.” Áyanzile vhwevhulo, inga zilunjishe zye zisimviilwe mu Vhusimbe uVhufinjile.

Yohani 4:34

UYeesu ahavhaamula ahati, “Ishaakulya shaane ine, kwe kuvhomba ulukasamo ulwa Taata we ansonteleziizye kumaliilizya imbombo yaakwe.

VaLoma 10:4

Yeenya, uChilisiti álunjisiizye zyonti zye zikwanzilwa mu ndajizyo, inga wonti we akumwitiha uweene avhazilwaje kuuti mugolosu.

VaLoma 3:25

UMulungu ámufumwizye uYeesu kuvha mpuutile iya kuvhakundanya avhantu nu weene, kwi idala ilya kwita amavhanda gaakwe, avhantu vhe vhakwitiha kuuti áfuuye kuzya vhutalamalandu vhwavho vhaswilwe. UMulungu ávhomvile vhwevhulo kulolesya kuuti uweene mugolosu. Yeenya, uweene ájimbiliiye, atávhapiiye isunde ku vhutalamalandu vhwavho vhwe vhátazile ahavhaliilizyo aha mwisinda.

1 VaKolinti 5:7

Kuli izyo, muyizelufwe, kwi idala ilya kumwefwa umuntu umuvhiivhi pahati yiinyu, inza kwefwa umulembo uwa kuluzizya uwa hali, inga muvhe inza umunya umupwa we wutali nu mulembo uwa kuluzizya, vhwevhulo vwe muli. Vwe muli, mwe pe uMulungu amufumwizye uChilisiti kuvha mpuutile inza aHagonzi aha shikulukuulu isha Pasaaka, inga atuposhe.

Filipi 2:8

Ahayiisya weeka, havhili ámushindisile uTaata, ahiitiha nu kufwa, poosye uvhufwe uvhwa pa shihovhenkanyo.

VaHebuli 12:2

Tuvhombaje vhwevhulo, uku tukumwenyeelezya uYeesu we átalisiizye idala ilya kuuti iswe tumwitihaje uMulungu, havhili we akuutupa umwoyo kuuti tujendelelaje kumwitiha kufishila ku vhusililishilo. Havhili ávhujimbiliiye uvhufwe pa shihovhenkanyo ishisita kusaajila kulola insoni, kuzya luseshelo lwe lwávhisiilwe pilongolela lyakwe. Ishi atendiime uluvhazu ulwa kundiilo ulwa shitengo isha vhumwene isha Mulungu, pa vhushindamu uvhupiti nkaani.

VaHebuli 9:22

Kulandatana ni ndajizyo izya Moose, amavhanda ge gakuvizelufwa ivintu vwonti. Havhili ishisita amavhanda, uMulungu atakuswila avhantu uvhutalamalandu vhwavho.