Yohani 19:26 - ULufingwi uLupwa

²⁶ Lwe uYeesu amulola unyina, nu musundikwa we uYeesu ámukunzite nkaani woope ayimiliiye papiipi nu nyina, ahati, “We maayi, mwenye uno. Umuvhiishe kuvha mwana waaho.”

Tesitamenti Umupwa 1965

²⁶ UwenʼuYesu lwʼawenyi nunyina numusundikwa wʼali wʼunkundwa kukwakwe, wope ayimiliye pupo, pʼahayanga kwa nyina ahati: We mwantanda, uno we mwana waho.

Yohani 19:26 ပူးပေါင်းရင်းမြစ်များ

Yohani 13:23

Páamile umusundikwa wumo mu vhasundikwa vhaakwe we uYeesu ámukunzite nkaani. Uweene átendiime papiipi nu Yeesu, lwe ali kulya.

Yohani 2:4

UYeesu ahamwamula ahati, “We maayi, shooni she ukumbuuzya izyo? Ahavhaliilizyo haane hashiili kufiha.”

Yohani 20:2

Pe aheepa paala akushimbila kusogola kwa Siimoni uPeeteli nu musundikwa ula we uYeesu ámukunzite nkaani. Ahavhavhuuzya ahati, “Avhantu vhashinyatuuye ishaala isha Mwene wiitu mu mbiipa, havhili tutamanyile kwe vhashivhiisile!”

Yohani 21:20

Pe uPeeteli ahashevhela mwisinda, ahamulola umusundikwa we uYeesu ámukunzite akuvhalandata. Umusundikwa uyo we átendiime papiipi nu Yeesu lwe vhaakulya ishaakulya isha Pasaaka, nu kumuvhuziilizya kuuti, “We Mwene, wu naanu we kuuti akwaniile?”

Yohani 21:24

Umusundikwa uyo we akuhomeshezya izi nu kuzisimba. Niiswe tumanyile kuuti zye akuhomeshezya zya nalyoli.

Yohani 21:7

Umusundikwa ula we uYeesu ámukunzite, ahamuvhuuzya uPeeteli ahati, “Uno wu Mwene!” Lwe uSiimoni uPeeteli ayiivwa kuuti wu Mwene, ahazwala amenda gaakwe ge ázuuye lwe aakuvuvha inswi, ahayigwilizya mwa sumbi.