Yohani 19:24 - ULufingwi uLupwa

²⁴ Pe vhahapanzanya vhahati, “Tutahayizeepule inkanzu ino, tuyihomele ulutambu kuuti yivhe ya naanu.” Izi zyávhombesile vhwevhulo, inga zilunjishe zye zisimviilwe mu Vhusimbe uVhufinjile kuuti, “Vhágavhiine amenda gaane, nu kuyihomela ulutambu inkanzu yaane.” Avhasikaali vwe vhávhomvile vhwevhulo.

Tesitamenti Umupwa 1965

²⁴ Pe vahavuzanya vahati: Ye tutalepule ndali, ye twilishʼishili mwe tumumanye wʼakwʼayisende. Mwe zihalunjiha zizyo zye zisimṿilwe zye zikuti: Vagavinʼamenda gane, iyenʼinkanzu yane ye vahiliha ishili. She vahahonzya vovulʼavasikali.

Yohani 19:24 ပူးပေါင်းရင်းမြစ်များ

Matayi 27:35

Lwe vhamuhomeela pa shihovhenkanyo, vhahagavhana amenda gaakwe kwi idala ilya kugahomela ulutambu. Pe lihalunjiha izwi lye umukuvhwi áyanzile kuuti, “Vhágavhiine amenda gaane, ni nkanzu yaane vháyihomeeye ulutambu.”

Maliko 15:24

Vhahamuhomeela, vhahagahomela ulutambu amenda gaakwe, inga vhamanye kuuti wu naanu anyatule mwenda vhuli.

uLuuka 23:34

UYeesu ahati, “We Taata! Uvhaswile, mwe pe vhatazimanyile zye vhakuvhomba.” Avhasikaali vhaala vhahagavhana amenda aga Yeesu, kwi idala ilya kugahomela ulutambu.

Yohani 10:35

Yisimviilwe mu Vhusimbe uVhufinjile kuuti avhantu vhe vhaposheleeye izwi ilya Mulungu, uMulungu ávhayanzile átili avhantu ivho vhalungu. Niiswe tumanyile kuuti zye zisimviilwe mu Vhusimbe uVhufinjile zya nalyoli insiku zyonti.

Yohani 13:18

Pe uYeesu ahajendeelela kuvhavhuuzya avhasundikwa vhaakwe ahati, “Ntakuyanga zyonti izyo kuli imwe mwenti, mwe pe mbamanyile kufuma ku vhwandilo avhantu vhe mbasavhuuye kuvha vhasundikwa vhaane. Ileelo nkuyanga izyo, inga zilunjishe zye zisimviilwe mu Vhusimbe uVhufinjile kuuti, ‘Umumanyani waane we alyanga ishaakulya pooka niine, agalunkana kuvha mulugu waane.’

Yohani 19:28

Lwe uYeesu aamanya kuuti aamala kuyivhomba imbombo yaakwe, ahati, “Ishinyooto shanduma.” Áyanzile vhwevhulo, inga zilunjishe zye zisimviilwe mu Vhusimbe uVhufinjile.

iMbombo izya Vhatumwa 13:27

Avhantu vhe vhahaaya mu Yelusaleemu pooka na vhapiti vhaavho vhatámumanyile uYeesu kuuti we Muposhi. Havhili vhatágamanyile na mazwi aga vhakuvhwi kuzya Yeesu, ge vhakuvhaazya insiku zyonti izya Sabaato. Vhahagalunjisya kwi idala ilya kumulonga uYeesu.