Yohani 18:12 - ULufingwi uLupwa

¹² Pe umupiti uwa vhasikaali, pooka ni mpuga yaakwe na vhavhomvi avha vhalongozi avha Vhayuuda vhahamulema uYeesu, vhahamukunga.

Tesitamenti Umupwa 1965

¹² Iyenʼimpuga ya vasikali lelo numutwale navanyamata va vaYuda ve vahamulemʼuYesu, vahamukunga.

Yohani 18:12 ပူးပေါင်းရင်းမြစ်များ

Matayi 26:57

Pe vhaala vhe vhámulemile uYeesu vhahamutwala kwa Kayaafa, umupuuti umupiti, kwe vhávhungiine avhasambiilizi avha ndajizyo izya Moose na vhasongo avha Vhayuuda.

Matayi 27:2

Vhahamukunga nu kumutwala kwa mupiti waavho uMuluumi we izina lyakwe vhahatinji uPilaato.

Matayi 27:27

Pe avhasikaali avha mupiti uMuluumi ula vhahamutwala uYeesu mu nyumba yaakwe iya kukonzezya. Vhahavhavhungaaniha avhasikaali avhamwavho vhonti nu kumuzyunguula uYeesu.

Maliko 14:53

Avhantu ivho vhahamutwala uYeesu kwa mupuuti umupiti, vhahamuvhungaanila vhonti, avhapiti avha vhapuuti na vhasongo na vhasambiilizi avha ndajizyo izya Moose.

Maliko 15:1

Lwe kwasha, avhapiti avha vhapuuti na vhasongo avha Vhayuuda na vhasambiilizi avha ndajizyo nu lukuvhato lwonti vhahapanzanya. Vhahamukunga uYeesu nu kumutwala kwa mupiti waavho uMuluumi we izina lyakwe vhahatinji uPilaato.

uLuuka 22:54

Pe avhantu ivho vhahamulema uYeesu, vhahamutwala mu nyumba iya mupuuti umupiti. Woope uPeeteli ahavhanga akulandata mwisinda ukutali.

Yohani 18:3

Pe ahayiposheela impuga iya vhasikaali na vhavhomvi vhamo kufuma ku vhapiti avha vhapuuti na Vhafalisaayi, ahasogola navho pa shilimbika isho. Lwe vhakusogola, vhányatuuye inyaale na mazondolo ni vilwilo.

iMbombo izya Vhatumwa 10:1

Mu nkaaya iya Kayisaaliya mwámile umuntu wumo we atáamile Muyuuda, izina lyakwe vhahatinji uKolineeliyo. Áamile mupiti wa vhasikaali avha Shiluumi, ahalongozyaga avhasikaali 100, kufuma mu mpuga impiti iya vhasikaali ye vhahatinji iMpuga iya Vhaitaaliya.

iMbombo izya Vhatumwa 21:31

Lwe vhakwanza kumugoga uPaavhuli, intumi zihamufishila umupiti uwa vhasikaali avha Shiluumi kuuti, mu nkaaya yonti iya Yelusaleemu muli ivho.

iMbombo izya Vhatumwa 21:37

Lwe avhasikaali vhakumwinjizya uPaavhuli mwi ilinga, ahamuvhuziilizya umupiti waavho ahati, “Vhuli, nkwitishilwa kukuvhuuzya izwi lyonti?” Woope ahamwamula ahati, “Fwandi niiwe umanyile kuyanga iShiyunaani!

iMbombo izya Vhatumwa 23:10

Amadali lwe gonjela nkaani, umupiti wa vhasikaali ahoogopa kuuti vhangamunyonkolanya uPaavhuli. Pe ahavhavhuuzya avhasikaali vhaakwe kuuti vhinjile pahati pa Vhayuuda, inga vhamutuule uPaavhuli ku maha, vhamutwale mwi ilinga ilya vhasikaali.